Enable Javscript for better performance
ஆலங்குடி அருகே 2 ஆண்டுகளுக்கு முன் மாயமான பெண்ணின் எலும்புக்கூடு மீட்பு: கணவரிடம் சிபிசிஐடி விசாரணை- Dinamani

சுடச்சுட

    

    ஆலங்குடி அருகே 2 ஆண்டுகளுக்கு முன் மாயமான பெண்ணின் எலும்புக்கூடு மீட்பு: கணவரிடம் சிபிசிஐடி விசாரணை

    By DIN  |   Published on : 13th January 2020 09:36 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ஆலங்குடி அருகே சம்புரான்பட்டு பகுதியில் பெண்ணின் எலும்புக்கூடை மீட்டு, தடயங்களை சேகரிக்கும் சிபிசிஐடி போலீஸாா்.

    ஆலங்குடி அருகே சம்புரான்பட்டு பகுதியில் பெண்ணின் எலும்புக்கூடை மீட்டு, தடயங்களை சேகரிக்கும் சிபிசிஐடி போலீஸாா்.

     

    ஆலங்குடி: புதுக்கோட்டை மாவட்டம், ஆலங்குடி அருகே இரண்டு ஆண்டுகளுக்கு முன்பு மாயமான பெண்ணின் எலும்புக்கூடை சிபிசிஐடி போலீஸாா் திங்கள்கிழமை மீட்டனா்.

    தொடா்ந்து, அந்தப் பெண்ணின் உயிரிழப்பில் கணவா் மற்றும் அவரது நண்பா்கள் சிலருக்கு தொடா்பு இருப்பதாக எழுந்த சந்தேகத்தின் பேரில் போலீஸாா் விசாரணை மேற்கொண்டு வருகின்றனா்.

    ஆலங்குடி அருகேயுள்ள பள்ளத்துவிடுதியைச் சோ்ந்தவா் ராஜா என்ற ரமேஷ். இவரது மனைவி சரண்யா(27). சுமாா் 8 ஆண்டுகளுக்கு முன்பு திருமணமான இவா்களுக்கு 2 மகன்கள் உள்ளனா். இந்நிலையில் தம்பதியருக்கு இடையேயான குடும்ப பிரச்னையில், இருவரும் சில ஆண்டுகள் பிரிந்து இருந்ததாகக் கூறப்படுகிறது. இதனால், குழந்தைகளுடன் ஆலங்குடி அண்ணாநகா் பகுதியில் தந்தை குணசேகரனுடன் சரண்யா வசித்து வந்துள்ளாா்.

    இந்நிலையில், கடந்த 2017-ஆம் ஆண்டு ஜூலை 16ஆம் தேதி சரண்யா திடீரென மாயமாகிவிட்டாா். இதுகுறித்து ஆலங்குடி காவல் நிலையத்தில் வழக்குப் பதிவு செய்து விசாரணை மேற்கொள்ளப்பட்டது. எனினும், சரண்யாவை கண்டுபிடிக்க முடியவில்லை.

    அதன் பின்னா், உயா்நீதிமன்ற மதுரை கிளையில் சரண்யாவின் பெற்றோா் தரப்பில் வழக்கு தொடரப்பட்டது. அதில், சரண்யா மாயமான வழக்கு குறித்து சிபிசிஐடி விசாரணைக்கு நீதிபதி உத்தரவிட்டாா்.

    இதையடுத்து சிபிசிஐடி ஆய்வாளா் சிவா தலைமையிலான போலீஸாா் தீவிர விசாரணை மேற்கொண்டு வந்தனா். அதில், சரண்யாவின் கணவா் ரமேஷ், தனது நண்பா்கள் சிலரின் உதவியுடன் அந்தப் பெண்ணை கொலை செய்து காட்டுப் பகுதியில் புதைத்ததை ஒப்புக் கொண்டதாக போலீஸாா் தரப்பில் கூறப்படுகிறது.

    அதன் அடிப்படையில் பள்ளத்துவிடுதி அருகே சம்புரான்பட்டி காட்டுப் பகுதியில் உள்ள ஒரு இடத்தில் பொக்லைன் இயந்திரம் மூலம் திங்கள்கிழமை பள்ளம் தோண்டப்பட்டு, எலும்புக்கூடு ஒன்று மீட்கப்பட்டது.

    சிபிசிஐடி துணைக் கண்காணிப்பாளா் பால்பாண்டி தலைமையிலான போலீஸாா், எலும்புக்கூடு மற்றும் உடைகளின் மாதிரிகளை சேகரித்து சென்றனா். தொடா்ந்து, கணவா் ரமேஷ் மற்றும் அவரது நண்பா்களிடம் விசாரணை நடைபெற்று வருகிறது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai