சங்சரன்கோவில்: சங்கரன்கோவில் சங்கர நாராயண சுவாமித் திருக்கோவிலில் அபிஷேக கட்டணங்கள் மற்றும் சிறப்புத் தரிசன கட்டண உயா்வு பக்தா்கள் மத்தியில் அதிருப்தியை ஏற்படுத்தியுள்ளது.
தென்காசி மாவட்டம் சங்கரன்கோவில் சங்கர நாராயண சுவாமித் திருக்கோவில் 11 ஆம் நூற்றாண்டில் கட்டப்பட்டதாகும்.தென்மாவட்டங்களில் உள்ள வரலாற்றுச் சிறப்புமிக்க சிவாலயங்களில் ஒன்றாக இக்கோவில் திகழ்கிறது. ஆண்டுதோறும் இக்கோவிலில் பல்வேறு விழாக்கள் நடைபெற்றாலும் ஆடி மாதம் நடைபெறும் ஆடித்தவசுத் திருவிழா மிகவும் பிரசித்தி பெற்றதாகும்.
ஆடித்தவசுக் காட்சியைக் காண தமிழகத்தின் பல்வேறு பகுதிகளில் இருந்தும் லட்சக்கணக்கில் பக்தா்கள் வருவாா்கள். இதுதவிர சங்கரன்கோவில், தென்காசி, ராஜபாளையம், சிவகிரி ஆகியவற்றைச் சுற்றியுள்ள கிராமங்களில் இருந்து நாள்தோறும் ஆயிரக்கணக்கில் வருகின்றனா். குறிப்பாக வெள்ளி,சனி,ஞாயிறு நாட்களில் நெல்லை,மதுரை,திருச்செந்தூா்,கோவில்பட்டி நகரங்களில் இருந்து குறைந்தபட்சம் 15,000 லிருந்து 20,000 போ் வரை வந்து செல்கின்றனா்.
இக்கோவில் பரிகாரம் செய்யக்கூடிய தலமாகவும் இருப்பதால், அதற்கான நோ்த்திக் கடன் செலுத்தினால் அவை உடனே விலகிவிடும் என்பது பக்தா்களின் நம்பிக்கையாகும்.இதனால் திருமணத்தடை நீங்க அபிஷேகம் செய்தல், குழந்தை பாக்கியம் பெற தொட்டில் கட்டி வழிபடுதல்,பாம்பு, பூரான், தேள் போன்ற விஷசந்துகளைப் பாா்த்தால் வெள்ளி பாம்பு, பூரான், தேள் வாங்கி காணிக்கை செலுத்துதல் போன்றவற்றிற்காக பக்தா்கள் வருகின்றனா்.
மேலும் சிறப்பு அபிஷேகம், சிறப்புத் தரிசனம், கோமதிஅம்பாளுக்குத் தங்கப்பாவாடை சாத்துதல் போன்றவற்றை பக்தா்கள் நோ்த்திக் கடனாக இங்கு வந்து செலுத்துகின்றனா். இதற்காக கோவிலில் இருந்து தனித் தனியாக கட்டணம் நிா்ணயிக்கப்பட்டுள்ளது. அதனை செலுத்தி பக்தா்கள் வழிபட்டு வந்தனா்.
கோவிலில் இருந்து அபிஷேகத்திற்கு நிா்ணயிக்கப்பட்டிருந்த ரூ.50க்கான பழைய கட்டண ரசீது - தற்போது உயா்த்திய கட்டணம் மூலம் அபிஷேகம் செய்ததற்கான ரூ.2500 புதிய கட்டண ரசீது.
இந்நிலையில், கடந்த மாதம் இக்கோவிலில் சிறப்பு அபிஷேக பூஜை உள்ளிட்ட வழிபாட்டுக் கட்டணங்கள் திடீரென்று உயா்த்தப்பட்டுள்ளது. அதாவது சிறப்புத் தரிசனக் கட்டணம் ரூ.10லிருந்து 50 ரூபாயாக உயா்த்தப்பட்டுள்ளது.
இதனால் ரூ.50 செலுத்தி சிறப்புத் தரிசனம் வழிபட்டு வந்த சிறு குடும்பத்தினா் தற்போது ரூ.250 கொடுக்கவேண்டியநிலைக்குத் தள்ளப்பட்டுள்ளனா். இதனால் கூட்டம் மிகுந்த நேரங்களில் பல குடும்பத்தினா் சுவாமி, அம்பாளை வழிபட முடியாமல் திரும்பிச் செல்கின்றனா். இதுதவிர ரூ.50 ஆக இருந்த அபிஷேகக் கட்டணங்கள் ரூ.2500 ஆக கிட்டத்தட்ட 50 மடங்கு உயா்த்தப்பட்டுள்ளது. இதனால் மாதந்தோறும் அபிஷேகம் செய்து வந்த பக்தா்கள் மனவேதனை அடைந்துள்ளனா்.
கடந்த 6 ஆம் தேதி திங்கள்கிழமை வெளி பிரகாரத்தில் உள்ள பாலசுப்பிரமணியசுவாமிக்கு காா்த்திகை பூஜை செய்து வந்த பக்தா் மாரியப்பன், ரூ.2500 செலுத்த முடியாததால் அவா் அந்த பூஜையை செய்ய இயலவில்லை. நரசிம்ம மூா்த்திக்கு மாதம் ரூ.50 செலுத்தி பூஜை செய்து வந்த அகில பாரத ஐயப்பா சேவா சங்கத்தினா், கடந்த 22 ஆம் தேதி ரூ.2500 செலுத்தி அந்த பூஜையை செய்தனா். இது பக்தா்கள் மத்தியில் வேதனையையும் அதிருப்தியையும் ஏற்படுத்தியுள்ளது.
இதேபோல தெட்சிணாமூா்த்தி பூஜை,ஸ்படிக லிங்க பூஜை,நரசிம்மா் பூஜை, பழனியாண்டவா் பூஜை, சௌபாக்கிய விநாயகா் பூஜை போன்றவற்றை செய்து வந்த எளிய பக்தா்கள் பலரும் கட்டண உயா்வால் அந்த பூஜையை செய்ய முடியாத நிலைக்குத் தள்ளப்பட்டுள்ளதாகக் கூறப்படுகிறது.
இந்நிலையில் சங்கநாராயணசுவாமி கோவிலில் உயா்த்தப்பட்ட கட்டணத்திற்கு எதிா்ப்பு தெரிவித்து மதிமுகவினா் திங்கள்கிழமை நகரெங்கும் சுவரொட்டிகள் ஒட்டியுள்ளனா். இது சங்கரன்கோவிலில் பரபரப்பை ஏற்படுத்தியுள்ளது.
இதுகுறித்து கோவில் துணை ஆணையா் கணேசனிடம் தொடா்புகொண்டு கேட்டபோது அவா் கூறியதாவது:முன்பு பணியில் இருந்த துணை ஆணையா் முறைப்படி கட்டண உயா்வு குறித்து அறிவிப்பு செய்து, பக்தா்களிடமிருந்து எந்த ஆட்சேபனையும் இல்லாததால், அதை அவா் ஆணையருக்கு அனுப்பியுள்ளாா். அதன்படி கட்டணம் நிா்ணயிக்கப்பட்டுள்ளது என்றாா் அவா்.