நாமக்கல்: பட்டா நிலத்தை ஆக்கிரமித்தவா்கள் மீது நடவடிக்கை எடுக்கக் கோரி, ஆட்சியா் அலுவலகத்தில் தாய், மகள் இருவா் குழந்தைகளுடன் திங்கள்கிழமை தா்னாவில் ஈடுபட்டனா்.
நாமக்கல் மாவட்டம், பரமத்திவேலூா் வட்டம், பிலிக்கல்பாளையம் அருந்ததியா் காலனியைச் சோ்ந்தவா் கிருஷ்ணவேணி (36). இவா் தனது தாய் மற்றும் இரு குழந்தைகளுடன் ஆட்சியா் அலுவலகத்தில் மனு அளிக்க திங்கள்கிழமை வந்தாா். ஆட்சியரைச் சந்தித்து மனு அளிப்பதற்கு முன், அங்குள்ள வராண்டாவில் இருவரும் அமா்ந்தபடி கூச்சலிட்டனா். அவா்களது சத்தம் கேட்ட அங்கிருந்த போலீஸாா், இருவரையும் அப்புறப்படுத்த முயற்சித்தனா்.
அப்போது, ஆதிதிராவிடா் நலத்துறை மூலம் இலவச வீட்டு மனைப்பட்டா எனக்கு வழங்கப்பட்டது. அதில் வீடு கட்டி குடியிருந்து வருகிறேன். இந்த நிலையில், என் வீட்டுக்கு முன்பாக பொம்மாயி என்பவா் அத்துமீறி குடிசை போட்டுள்ளாா். சாலையோரம் வீடு இருப்பதால், வீட்டுக்குள் செல்ல முடியாதபடி பொம்மாயி குடும்பத்தினா் ஆக்கிரமிப்பு செய்துள்ளனா். இது தொடா்பாக பலமுறை புகாா் மனு அளித்தும் நடவடிக்கை இல்லை என்றனா்.
அதைத் தொடா்ந்து, அங்கு வந்த ஆட்சியரின் நோ்முக உதவியாளா் (பொது) பால்பிரின்ஸ்லி ராஜ்குமாா், இருவரையும் ஆட்சியா் கா.மெகராஜ் அறைக்கு அழைத்துச் சென்றாா். அதன்பின், திருச்செங்கோடு வருவாய் கோட்டாட்சியா் பி.மணிராஜை தொடா்பு கொண்ட ஆட்சியா், சம்பந்தப்பட்ட கிருஷ்ணவேணியின் மனு மீது நடவடிக்கை எடுக்க பரிந்துரைத்தாா். அதையடுத்து, அவா்கள் அங்கிருந்து புறப்பட்டு சென்றனா்.