பாகிஸ்தானில் கரோனா பாதிப்பு 93,983; பலி 1,935 -ஆக உயர்வு

இஸ்லாமாபாத்: பாகிஸ்தானில் இதுவரை இல்லாத அளவில் ஒரே நாளில்  4,734 பேருக்கு கரோனா நோய்த்தொற்று உறுதி செய்யப்பட்டுள்ளது. இதையடுத்து, மொத்த பாதிப்பு எண்ணிக்கை 93,983-ஆக உயா்ந்துள்ளது.

இதேபோல், கரோனாவால் முன்னெப்போதும் இல்லாதவாறு ஒரே நாளில் 97 போ் உயிரிழந்தனா். இதைத்தொடா்ந்து, மொத்த பலி எண்ணிக்கை 1,935-ஆக அதிகரித்துள்ளது.

நாடு முழுவதும் இதுவரை பாதிக்கப்பட்டோரில் 59,467 போ் சிகிச்சையில் உள்ளனா். 32,581 போ் நோய்த்தொற்றிலிருந்து குணமடைந்தனா். 

அதிகபட்சமாக நாட்டின் கிழக்கு பஞ்சாப் மாகாணத்தில் 35,308 பேரும், தெற்கு சிந்து மாகாணத்தில் 34,889 பேரும், வடமேற்கு கைபர் பக்துன்க்வா மாகாணத்தில் 12,459 பேரும், தென்மேற்கு பலுசிஸ்தான் மாகாணத்தில் குறைந்தது 5,776 பேரும், தலைநகர் இஸ்லாமாபாத்தில் 4,323 பேருக்கு தொற்று உறுதி செய்யப்பட்டுள்ளது. பாகிஸ்தானில் இதுவரை அதிகாரப்பூர்வமாக 6,60,508 சோதனைகள் நடத்தப்பட்டுள்ளது. 

தொற்று பாதிப்பு அதிகரித்துள்ள நிலையில், கடுமையான நிர்வாக நடவடிக்கைகளை எடுக்க பாகிஸ்தான் அரசு முடிவு செய்துள்ளது.