மத்திய அரசு - விவசாயிகள் இடையே 7ஆம் கட்ட பேச்சுவார்த்தை தில்லியில் உள்ள விஞ்ஞான் பவனில் தொடங்கியது.
வேளாண் சட்டங்களுக்கு எதிர்ப்பு தெரிவித்து பஞ்சாப், ஹரியானா, உத்தரப்பிரதேசம் உள்ளிட்ட மாநிலங்களைச் சேர்ந்த விவசாயிகள் 40-வது நாளாக தில்லி எல்லைகளில் போராடி வருகின்றனர்.
வேளாண் சட்டங்களை திரும்பப் பெறுவது தொடர்பாக அடிக்கடி மத்திய அரசுடன் விவசாய சங்கங்கள் பேச்சுவார்த்தையில் ஈடுபட்டு வருகின்றன.
மத்திய அரசுடன் கடந்த 30-ஆம் தேதி நடைபெற்ற 6-ஆம் கட்டப் பேச்சுவார்த்தையில் உடன்பாடு எட்டப்படாத நிலையில் இன்று 7ஆம் கட்ட பேச்சுவார்த்தை தொடங்கியுள்ளது.
இந்த பேச்சுவார்த்தையில் மத்திய அமைச்சர்கள் நரேந்திர சிங் தோமர், பியூஷ் கோயல், சோம் பிரகாஷ் மற்றும் விவசாய சங்கத் தலைவர்கள் உள்ளிட்டோர் பங்கேற்றுள்ளனர்.
இன்று நடைபெறும் பேச்சுவார்த்தையில் விவசாயிகளின் கோரிக்கை முழுமையாக ஏற்றுக் கொள்ளவில்லை என்றால் பிரம்மாண்ட பேரணி நடத்தப்படும் என்று விவசாய சங்கத்தினர் தெரிவித்திருப்பது குறிப்பிடத்தக்கது.