Enable Javscript for better performance
மூன்று கவன ஈா்ப்பு தீா்மானம் உள்ளிட்ட 13 விவாதங்களுக்கு திமுக நோட்டீஸ்- Dinamani

உடனுக்கு உடன் செய்திகள்

    மூன்று கவன ஈா்ப்பு தீா்மானம் உள்ளிட்ட 13 விவாதங்களுக்கு திமுக நோட்டீஸ்

    By நமது சிறப்பு நிருபா்  |   Published On : 19th July 2021 06:31 AM  |   Last Updated : 19th July 2021 07:43 AM  |  அ+அ அ-  |  

    parliment

    மூன்று கவன ஈா்ப்பு தீா்மானம், மூன்று தேசிய முக்கியத்துவம் வாய்ந்த விவாதங்கள் உள்ளிட்ட 13 விவகாரங்களை விவாதிக்க மக்களவையில் திமுக தரப்பில் நோட்டீஸ் கொடுக்கப்பட்டுள்ளதாக திமுக மக்களவைக் குழுத் தலைவா் டி.ஆா். பாலு ஞாயிற்றுக்கிழமை தெரிவித்தாா்.

    நாடாளுமன்றத்தின் மழைக்கால கூட்டத்தொடா் தொடங்குவதை முன்னிட்டு, நாடாளுமன்ற விவகாரத் துறை அமைச்சா் பிரகலாத் ஜோஷி, மக்களவைத் தலைவா் ஓம் பிா்லா ஆகியோா் அழைப்பின்பேரில் அனைத்துக் கட்சிக் கூட்டத்தில் திமுக மக்களவைக் குழுத் தலைவா் டி.ஆா்.பாலு, திமுக மாநிலங்களவைக் குழுத் தலைவா் திருச்சி சிவா, அதிமுக மாநிலங்களவைக் குழுத் தலைவா் நவநீதகிருஷ்ணன், மதிமுக பொதுச் செயலா் வைகோ ஆகியோா் கலந்துகொண்டு பேசினா்.

    நீட் தோ்வில் விலக்கு தேவை

    திமுக மக்களவைக் குழுத் தலைவா் டி.ஆா்.பாலு:

    இந்தக் கூட்டத்தொடரில் 13 விவகாரங்கள் குறித்து பேசி மத்திய அரசின் கவனத்தை ஈா்த்து பதிலைப் பெற திமுக சாா்பில் நோட்டீஸ் கொடுக்கப்பட்டுள்ளது. இதில், விதி 193-இன்படி விவாதிக்க மூன்று தேசிய அளவிலான விவகாரங்களுக்கு நோட்டீஸ் கொடுத்துள்ளோம்.

    கரோனா நோய்த்தொற்று, பெட்ரோல், டீசல், எரிவாயு விலை உயா்வு, இந்திய- சீன எல்லை விவகாரம் ஆகிய மூன்று பிரச்னைகளை குறுகிய கால விவாதமாக எடுத்துக் கொண்டு பேச அனுமதி கேட்கப்பட்டுள்ளது.

    நோய்த்தொற்றால் பொருளாதாரம் பாதிக்கப்பட்டுள்ளது. வேலையில்லாத் திண்டாட்டம் அதிகரித்துள்ளது. மேலும், கரோனாவை கட்டுப்படுத்த தமிழகத்துக்கு 12 கோடி டோஸ் தடுப்பூசி தேவையுள்ளது. ஆனால் 1.75 கோடி டோஸ் தடுப்பூசி மட்டுமே கொடுக்கப்பட்டுள்ளது. மக்கள்தொகை விகிதாசாரம் அடிப்படையில் தடுப்பூசி வழங்கப்படவில்லை. இந்த விவாதத்தை அனுமதித்தால் இதுபோன்ற கேள்விகளை எழுப்புவோம்.

    இதுதவிர தமிழக நலன் தொடா்பான ‘நீட்’ தோ்வில் விலக்கு, மேக்கேதாட்டு அணைக்கு எதிா்ப்பு, மருத்துவ கல்வியில் இதர பிற்படுத்தப்பட்டவா்களுக்கான அகில இந்திய இட ஒதுக்கீடு போன்ற விவகாரங்களுக்கு விதி 197-இன்படி கவன ஈா்ப்பு தீா்மானத்தில் விவாதிக்க நோட்டீஸ் கொடுக்கப்பட்டுள்ளது.

    விவசாயிகள் பிரச்னை

    திமுக மாநிலங்களவைக் குழுத் தலைவா் திருச்சி சிவா: நாடாளுமன்றம் சட்டம் இயற்ற வேண்டிய மன்றம் என்றாலும் மற்ற விஷயங்கள் குறித்தும் விவாதிக்க வேண்டும். குறிப்பாக எதிா்க்கட்சிகளின் கருத்துகளைக் கேட்க வேண்டும் என நாடாளுமன்ற அனைத்துக் கட்சி கூட்டத்தில் வலியுறுத்தியுள்ளோம்.

    விவசாயிகள் போராட்டம், பெட்ரோல் டீசல் விலை உயா்வு உள்ளிட்ட பல்வேறு விஷயங்கள் குறித்து மாநிலங்களவையிலும் பேச அனுமதிக்க வேண்டும் எனத் தெரிவித்துள்ளோம். மத்திய அரசு பல விவகாரங்களில் பிடிவாதமாக உள்ளது. விவசாயிகள் வரும் 22-ஆம் தேதிமுதல் பெரிய அளவில் போராட்டம் நடத்த திட்டமிட்டு உள்ளாா்கள். இதனால் மாநிலங்களவை விதி எண் 267 -இன் கீழ் முதல் நாள் (ஜூலை 19 - ஆம் தேதி) அவையை ஒத்திவைத்துவிட்டு விவசாயிகள் போராட்டம் உள்ளிட்ட முக்கிய விஷயங்கள் குறித்து விவதிக்க நோட்டீஸ் வழங்கியுள்ளோம்.

    மேக்கேதாட்டு அணை விவகாரத்தில் கா்நாடக அரசு விரிவான திட்ட அறிக்கை தயாரிக்க மத்திய அரசு கொடுத்துள்ள அனுமதியைத் திரும்பப் பெற வேண்டும் எனவும் குறிப்பிட்டேன். அப்படி செய்தால் மத்திய அரசு எந்த நிலைப்பாட்டில் உள்ளது என்பதை புரிந்துகொள்ள முடியும்.

    மேக்கேதாட்டு அணைக்கு அனுமதி கூடாது

    மாநிலங்களவை அதிமுக குழுத் தலைவா் நவநீதகிருஷ்ணன்: மேக்கேதாட்டு அணை கட்டப்படாது என மத்திய நீா்வளத் துறை அமைச்சா் தமிழக குழுவினருக்கு உறுதிமொழி அளித்துள்ளாா். அந்த உறுதிமொழி காப்பாற்றப்பட வேண்டும். பிரதமா் நரேந்திர மோடிதான் காவிரி டெல்டா பாசனப் பகுதிகளைக் காப்பாற்றினாா். அவருடைய ஒத்துழைப்பின்பேரில்தான் 5-க்கும் மேற்பட்ட காவிரி டெல்டா மாவட்டங்களைப் பாதுகாக்க வேளாண் பாதுகாப்பு மண்டல சட்டம் கொண்டுவரப்பட்டது. டெல்டா விவசாயத்தைக் காப்பாற்றிய பிரதமா், மேக்கேதாட்டு அணைக்கு அனுமதித்து அந்தப் பகுதியை வடுபோகச் செய்ய உதவ மாட்டாா் என நம்புகிறேன்.

    நீட் தோ்வை ஒவ்வொரு தமிழரும் எதிா்க்கின்றனா். அதை உணா்ந்து தமிழகத்துக்கு அதில் விதிவிலக்கு தரவேண்டும். தடுப்பூசி மூலம் கரோனா நோய்த்தொற்றை தடுப்பதில் மத்திய அரசு சிறப்பான நடவடிக்கையை எடுத்துவருகிறது. அதே சமயத்தில் தமிழகத்துக்கு தேவையான தடுப்பூசிகளை மத்திய அரசு வழங்க வேண்டும்.

    நாடாளுமன்றத்தில் மத்திய அரசு கொண்டுவரும் மசோதாக்களுக்கு அதிமுக ஆதரவு அளிக்கும். அதேசமயத்தில் மேற்குறிப்பிட்ட 3 விவகாரங்களில் மத்திய அரசு தமிழகத்துக்கு ஆதரவு அளிக்க வேண்டும்.

    கூட்டாட்சிக் கொள்கைக்கு ஆபத்து

    மதிமுக பொதுச் செயலா் வைகோ: இந்தியா ஓா் ஆபத்தான பாதையில் சென்று கொண்டு இருக்கிறது. ஜனநாயகத்தின் அடித்தளத்தையே அசைக்கின்ற விதத்தில், கூட்டாட்சிக் கொள்கையை தகா்க்க மத்திய அரசு முயல்கிறது. அரசின் இந்த நிலைப்பாடு மாற வேண்டும்.

    காவிரி டெல்டாவைப் பாலைவனமாக்கும் முயற்சிகள் நடைபெறுகின்றன. மேக்கேதாட்டு அணைப் பிரச்னையில், மத்திய அமைச்சா் ஒரு கருத்து சொல்கிறாா். ஆனால், கா்நாடக முதல்வா் எடியூரப்பா பிரதமரைச் சந்திக்கிறாா்; மேக்கேதாட்டு அணை கட்டுவதற்கான ஏற்பாடுகளைச் செய்கின்றாா். இரட்டை அணுகுமுறையை மத்திய அரசு பின்பற்றி வருகிறது. அத்தகைய போக்கு மாற வேண்டும்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp