Enable Javscript for better performance
திருப்பூரில் தனியார் நிதி நிறுவனங்களைக் கண்டித்து பெண்கள் தூக்குப் போடும் போராட்டம்- Dinamani

உடனுக்கு உடன் செய்திகள்

    திருப்பூரில் தனியார் நிதி நிறுவனங்களைக் கண்டித்து பெண்கள் தூக்குப் போடும் போராட்டம்

    By DIN  |   Published On : 15th June 2020 06:56 PM  |   Last Updated : 15th June 2020 08:11 PM  |  அ+அ அ-  |  

    protest against private financial institutions

     

    திருப்பூர்: மகளிர் சுய உதவிக் குழு என்ற பெயரில் பொதுமக்களை மிரட்டும் தனியார் நிதி நிறுவனங்களைக் கண்டித்து திருப்பூரில் பெண்கள் தூக்குப் போடும் போராட்டத்தில் இன்று (திங்கள்கிழமை) ஈடுபட்டனர்.

    திருப்பூர் மாவட்ட ஆட்சியர் அலுவலகம் முன்பாக இந்திய தேசிய மாதர் சம்மேளனம் சார்பில் தனியார் நிதி நிறுனங்ளைக் கண்டித்து தூக்குப் போடும் போராட்டம் நடைபெற்றது.

    இதில், பங்கேற்ற முருகம்பாளையத்தைச் சேர்ந்த பெண்கள் கூறியதாவது:

    கரோனா நோய்த் தொற்று பொது முடக்கம் காரணமாக 68 நாள்களுக்கும் மேலாக வேலை வாய்ப்பு இல்லாததால் அவதிக்குள்ளாகி வருகிறோம். இந்த நிலையில், மகளிர் சுய உதவிக் குழு என்ற பெயரில் தனியார் நிதி நிறுவனங்களிடமிருந்து அத்தியாவசியத் தேவைகளுக்காக வாங்கிய பணத்துக்கு வட்டியுடன் சேர்ந்து மாதத் தவணைகள் செலுத்தி வந்தோம். ஆனால் பொது முடக்கம் காரணமாக 2 மாதங்களாக தவணைத் தொகையை சரிவர செலுத்த முடியவில்லை.

    இந்த நிலையில், திருப்பூர் மாநகராட்சி 57ஆவது வார்டு முருகம்பாளையம் பகுதியில் தனியார் நிறுவனங்கள் தொடர்ந்து ஊழியர்களை வீடுகளுக்கு அனுப்பி அபராதத்துடன் செலுத்தும்படி மிரட்டல் விடுத்து வருகின்றனர். மேலும், இரவு நேரங்களில் செல்லிடப்பேசிகளில் அழைத்து தவணைத் தொகையைக் கட்டும்படி மிரட்டல் விடுக்கின்றனர்.

    ஆகவே, தனியார் நிதி நிறுவனங்களின் மீது உரிய நடவடிக்கை எடுப்பதுடன், கூடுதலாக விதிக்கப்பட்ட அபராதத் தொகையை தள்ளுபடி செய்ய வேண்டும் என்று தூக்குக் கயிறு மாட்டும் போராட்டத்தில் ஈடுபட்டுள்ளோம் என்றனர்.

    இதில், இந்திய கம்யூனிஸ்ட் கட்சி மாவட்டச் செயலாளர் ரவி,  4 ஆவது மண்டல செயலாளர் வடிவேல், இந்திய தேசிய மாதர் சம்மேளனத்தின் மாவட்ட துணை செயலாளர் பிருந்தா, கிளை செயலாளர் சித்ரா உள்ளிட்ட பலர் கலந்துகொண்டனர்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp