Enable Javscript for better performance
உக்ரைனில் இருந்து நாடு திரும்பிய பரமக்குடி மாணவன்: தூத்துக்குடி விமான நிலையத்தில் வரவேற்பு- Dinamani

உடனுக்கு உடன் செய்திகள்

    உக்ரைனில் இருந்து நாடு திரும்பிய பரமக்குடி மாணவன்: தூத்துக்குடி விமான நிலையத்தில் வரவேற்பு 

    By DIN  |   Published On : 13th March 2022 10:58 AM  |   Last Updated : 13th March 2022 10:58 AM  |  அ+அ அ-  |  

    மாணவனுக்கு பொன்னாடை போர்த்தி வரவேற்ற அமைச்சர் பீ.கீதாஜீவன், அனிதா ஆர். ராதாகிருஷ்ணன் மற்றும் பாஜகவினர்.

    மாணவனுக்கு பொன்னாடை போர்த்தி வரவேற்ற அமைச்சர் பீ.கீதாஜீவன், அனிதா ஆர். ராதாகிருஷ்ணன் மற்றும் பாஜகவினர்.


    உக்ரைன் நாட்டில் இருந்து மத்திய அரசின் ஆபரேஷன் கங்கா திட்டத்தின் மூலம் நாடு திரும்பிய ராமநாதபுரம் மாவட்டம், பரமக்குடியை சேர்ந்த மாணவனுக்கு தூத்துக்குடி விமான நிலையத்தில் பொன்னாடை போர்த்தி வரவேற்றனர். 

    உக்ரைன்- ரஷியா இடையே போர் நடந்து வரும் சூழ்நிலையில் உக்ரைனில் மருத்துவ படிப்பை மேற்கொண்டு வரும் இந்திய மாணவர்கள் ஆபரேஷன் கங்கா திட்டத்தின் மூலமாக மீட்கப்பட்டு வருகின்றனர். இந்த திட்டத்தின் மூலமாக மாணவர்கள் எந்தவித கட்டணமின்றி இலவசமாக அழைத்து வரப்படுகின்றனர். 

    கடந்த இரண்டு வார காலமாக ஏராளமான மாணவர்கள் இந்தியா அழைத்து வரப்பட்டுள்ள நிலையில், எஞ்சியுள்ள சில மாணவர்களை அழைத்துவரும் பணி தொடர்ந்து மேற்கொள்ளப்பட்டு வருகிறது. நேற்று கொச்சின், ஜார்கண்ட் மற்றும் தமிழ்நாட்டை சேர்ந்த மாணவர்கள் விமானம் மூலமாக தாயகம் அழைத்து வரப்பட்டனர். 

    உக்ரைனில் தங்கி இரண்டாம் ஆண்டு மருத்துவம் படித்து வந்த ராமநாதபுரம் மாவட்டம் பரமக்குடியை சேர்ந்த கண்ணன்- அம்பிகா தம்பதியரின் மகன் சந்தோஷ் சென்னை வந்து அங்கிருந்து விமானம் மூலமாக தூத்துக்குடி வந்து இறங்கினர். 

    மாணவனை தமிழக சமூக நலன் மற்றும் மகளிர் உரிமை துறை அமைச்சர் பீ.கீதாஜீவன், தமிழக மீன் வளம் மீனவர் நலம் மற்றும் கால்நடை பராமரிப்பு துறை அமைச்சர் அனிதா ஆர். ராதாகிருஷ்ணன் மற்றும் பாஜகவினர் மாணவனுக்கு பொன்னாடை போர்த்தி வரவேற்றனர். மாணவன் குடும்பத்தினர் அவரை வரவேற்றனர். 

    அதனைத் தொடர்ந்து மாணவன் சந்தோஷ் செய்தியாளர்களிடம் பேசுகையில்,  
    மத்திய அரசின் முயற்சியால் நாங்கள் மீட்கப்பட்டு நாடு திரும்பியுள்ளோம். உதவிய மத்திய அரசுக்கும், பிரதமர் மோடிக்கு நன்றி என்று கூறினார். 

    இதனிடையே ரஷிய நாட்டில் இருந்து மருத்துவ படிப்பை மேற்கொண்டு வரும் மாணவி பிருந்தா விமானம் மூலமாக தூத்துக்குடி வந்து இறங்கினார். அவரையும் அமைச்சர்கள் வரவேற்றனர்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp