Enable Javscript for better performance
ஸ்மார்ட் போன் இல்லாத ஏழை மாணவர்களுக்கு கணிதம் கற்பிக்கும் சுவர்கள்!- Dinamani

சுடச்சுட

    

    ஸ்மார்ட் போன் இல்லாத ஏழை மாணவர்களுக்கு கணிதம் கற்பிக்கும் சுவர்கள்!

    By DIN  |   Published on : 16th September 2020 01:29 PM  |   அ+அ அ-   |    |  

    Walls used to teach maths to poor students in Maharashtra villages

    கோப்புப்படம்

    கரோனா பேரிடர் காலத்தில் ஆன்லைன் வகுப்புகள், ஆன்லைன் கலந்துரையாடல்கள், ஆன்லைன் நேர்காணல்கள் என இணையத்துடனான  தகவல் தொடர்பு பிரபலமாகி விட்டது. இதில், முக்கியமாக குழந்தைகள் ஸ்மார்ட்போன் உபயோகிக்கக்கூடாது என்று பெற்றோர்களும், ஆசிரியர்களும் கட்டுப்படுத்திவந்த நிலையில், இன்று நாடு முழுவதும் உள்ள குழந்தைகள் ஸ்மார்ட்போனில் வகுப்புகளை கவனிக்கத் தொடங்கிவிட்டனர். இதில் சோகமான விஷயம் என்னவென்றால், ஏழைக் குடும்பங்களில் உள்ள மக்கள் ஸ்மார்ட் போன், இணையம் வசதி இல்லாமல் ஆன்லைன் வகுப்புகளைத் தவறவிடுகின்றனர்.

    ஆன்லைன் வகுப்புகள் தொடங்கியதில் இருந்தே நாடு முழுவதும் ஒரு குறிப்பிட்ட சதவிகித மாணவர்கள் ஸ்மார்ட்போன் வசதியில்லாமல் ஆன்லைன் வகுப்புகளில் கலந்துகொள்ள முடியாத சூழ்நிலை நிலவுகிறது. இதனால் ஒரு சில பகுதிகளில் ஆசிரியர்கள், கல்வியாளர்கள், தன்னார்வலர்கள் உள்ளிட்டோர் மாணவர்களுக்கு உதவிபுரிந்து வருகின்றனர். 

    இந்நிலையில், ஆன்லைன் வகுப்புகளில் கலந்துகொள்ள முடியாத மகாராஷ்டிரத்தில் ஜில்லா பரிஷத் பகுதிகளில் உள்ள குழந்தைகளுக்கு ஜில்லா பரிஷத் தலைமை நிர்வாக அதிகாரி ராகுல் கர்திலே வகுப்பு எடுக்கிறார். 

    'பள்ளிகள் மூடப்பட்டிருப்பதால் குழந்தைகள் வீட்டிலேயே கல்வியைத் தொடர முயற்சிக்கிறோம். கரும்பலகைகள் இல்லாததால் குழந்தைகளுக்கு பாடம் கற்பிக்க சுவர்களை பயன்படுத்துகிறோம். கிராமப்புறங்களில் ஒரு கல்விச்சூழலை உருவாக்குக முயற்சிக்கிறோம். எங்களது 'மிஷன் கணிதம்' என்பது குழந்தைகளுக்கு விளையாட்டுத்தனமான முறையில் எளிதாக புரிந்துகொள்ளக் கூடிய வகையில் கணிதம் கற்றுக்கொடுப்பது. 

    இந்த முயற்சியின் ஒரு பகுதியாக, பம்பூர்ணா, பல்லார்பூர், நாக்பிட் மற்றும் பிரம்ஹாபுரி டெஷில்ஸில் உள்ள கிராமங்களின் முக்கியப் பகுதியில் அமைந்துள்ள சுவர்களில் 1 முதல் 5 வகுப்பு வரையிலான கணிதப் பாடங்களை ஜில்லா பரிஷத்தின் கல்வித் துறை அதிகாரிகள் கற்றுக்கொடுக்கின்றனர். 

    இந்த வரைபடங்கள் குழந்தைகளை பெரிதும் கவர்ந்துள்ளது. மேலும் அவர்கள் தங்கள் நண்பர்களுடன் விளையாடும்போது கணிதத்தைக் கற்கிறார்கள். பல்வேறு கணிதக் கருத்துகளைப் புரிந்துகொள்வதும், கல்வி ஆர்வத்தை வளர்ப்பதும், கிராமப்புறத்தில் கல்வியின் ஒட்டுமொத்த சூழ்நிலையை மேம்படுத்துவதுமே எங்கள் நோக்கம்' என கார்டில் கூறினார்.

    கோஸ்ரி கிராமத்தில் உள்ள ஜில்லா பரிஷத் பள்ளியின் பழைய மாணவரான ஆஷய் வகுல்கர் தனது சொந்த இடத்தில் 'மிஷன் கணிதம்' முறையை முதன்முதலில் தொடங்கினார். அவரது முயற்சியால் இப்போது மாவட்ட அளவில் இந்த புதிய முறையை முன்னெடுத்துள்ளோம்' என்று கர்திலே தெரிவித்தார்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp