யூடியூப் ஷார்ட்ஸ் விடியோக்கள் இதுவரை 5 லட்சம் கோடி முறை பார்க்கப்பட்டுள்ளதாக கூகுள் நிறுவனத்தின் தலைமைச் செயலர் சுந்தர் பிச்சை தெரிவித்துள்ளார்.
யூடியூப் விடியோக்களைப் போல் அல்லாமல் டிக்டாக் விடியோ போன்று 60 நொடிகள் மட்டுமே கொண்டவை ஷார்ட்ஸ் விடியோக்கள்.
ஷார்ட்ஸ் விடியோக்கள் அறிமுகப்படுத்தப்பட்ட காலத்திலிருந்து இதுவரை 5 லட்சம் கோடி பார்வைகளைப் பெற்றிருப்பதாக கூகுள் தரப்பில் சுந்தர் பிச்சை தெரிவித்துள்ளார்.
மேலும், உலகம் முழுவதிலிருந்தும் யூடியூப் நாளோன்றுக்கு 1500 கோடி பார்வைகளைப் பெறுவதாகவும், கடந்த நான்காம் காலாண்டில் விளம்பரங்கள் மூலமே ரூ.65,000 கோடி வருவாயை ஈட்டியதாகவும் அந்நிறுவனம் சார்பில் தெரிவிக்கப்பட்டுள்ளது.