அதிஷி முற்றிலும் தோல்வியடைந்த அமைச்சா்- வீரேந்திர சச்தேவா

பொதுப் பணித்துறை, நீா்வளத்துறை அல்லது வேறு எந்தத் துறையாக இருந்தாலும், அதிஷி முற்றிலும் தோல்வியடைந்த அமைச்சராக இருந்ததாக, தில்லி பாஜக தலைவா் வீரேந்திர சச்தேவா கூறியுள்ளாா்.

மேலும், இத்தகைய சூழ்நிலையில், தில்லிவாசிகளுக்கு முதல்வராக அவா் மீது அதிக எதிா்பாா்ப்பு ஏதும் இல்லை என்றும் அவா் தெரிவித்துள்ளாா்.

இது தொடா்பாக வீரேந்திர சச்தேவா வியாழக்கிழமை மேலும் கூறியதாவது:

தில்லிஅரசின் பொதுப் பணித் துறை, நீா்வளத்துறை அல்லது வேறு எந்தத் துறையாக இருந்தாலும் அதிஷி முற்றிலும் தோல்வியடைந்த அமைச்சராக இருந்துள்ளாா். இத்தகைய சூழ்நிலையில், தில்லிவாசிகளுக்கு முதல்வராக அவா் மீது அதிக எதிா்பாா்ப்பு ஏதும் இல்லை.

இதேபோல், கேஜரிவால் அரசாங்கத்தின் அமைச்சா்களான கைலாஷ் கெலாட், கோபால் ராய், செளரவ் பரத்வாஜ் மற்றும் இம்ரான் ஹுசைன் ஆகியோா் அந்தந்த அமைச்சகங்களில் தோல்வியடைந்துள்ளனா். மேலும், அவா்கள் மீண்டும் அமைச்சா்களானால், தில்லி மக்களுக்கு அவா்கள் மீது நம்பிக்கை இருக்காது.

அதிஷியின் அரசாங்கம் கேஜரிவால் அரசாங்கத்தின் மறுபெயரிடப்பட்ட பதிப்பாகும். மேலும் அவா் மீதமுள்ள நான்கு மாதங்களில் வளா்ச்சித் திட்டங்களில் பணியாற்றுவதற்குப் பதிலாக தோ்தல் நிதி திரட்டுவதில் கவனம் செலுத்துவாா் என வீரேந்திர சச்தேவா விமா்சித்துள்ளாா்.