கழிவு மேலாண்மை குறித்த பயிலரங்கம்: வடக்கு ரயில்வே ஏற்பாடு

வடக்கு ரயில்வேயின் தூய்மைப் பிரசாரத்தின் ஒரு பகுதியாக ‘கழிவு மேலாண்மை மற்றும் அது தொடா்பான சட்டங்கள்’ என்ற தலைப்பில் பொது விழிப்புணா்வு பயிலரங்கம் சனிக்கிழமை நடைபெற்றது.

மகாத்மா காந்தியின் பிறந்தநாளையொட்டி வடக்கு ரயில்வே சாா்பில் கடந்த செப்டம்பா் 14-ஆம் தேதி முதல் வருகின்ற அக்டோபா் 1-ஆம் தேதி வரை தூய்மையை வலியுறுத்தி, பல்வேறு நிகழ்ச்சிகள் ஏற்பாடு செய்யப்பட்டு வருகின்றன.

அதன் ஒரு பகுதியாக, புதுதில்லி பரோடா ஹவுஸில் உள்ள வடக்கு ரயில்வே தலைமை அலுவலகத்தில் ‘கழிவு மேலாண்மை மற்றும் அது தொடா்பான சட்டங்கள்’ குறித்த பொது விழிப்புணா்வுப் பயிலரங்கம் நடைபெற்றது.

இந்த பயிலரங்கத்தில் வடக்கு ரயில்வேயின் பொது மேலாளா் ஷோபன் சௌத்ரி உள்பட சுமாா் 400 அதிகாரிகள் மற்றும் பணியாளா்கள் கலந்து கொண்டனா். வடக்கு ரயில்வேயின் முதன்மை தலைமைப் பொறியாளா் ஏ.கே.சந்திராவின் வரவேற்புரையாற்றினாா்.

அடுத்ததாக, சிறப்புரையாற்றிய வடக்கு ரயில்வேயின் பொது மேலாளா் ஷோபன் சௌத்ரி பேசுகையில், ‘நாம் அனைவரும் தூய்மையை ஒரு பழக்கமாகவும் மதிப்பாகவும் வாழ்க்கையில் இணைத்துக் கொள்ள வேண்டும். தூய்மையான தேசத்திற்கு நமது அன்றாட வாழ்வில் நடைமுறைகளை பதிய வைப்பது அவசியம்’ என்றாா்.