காணாமல்போன 11 வயது சிறுவன் ஷகுா்பூரில் மீட்பு

தில்லியின் ஷகுா்பூரில் கிட்டத்தட்ட ஒரு மாதமாக காணாமல் போன 11 வயது சிறுவனை போலீஸாா் சனிக்கிழமை மீட்டனா்.

அந்தச் சிறுவனை ஒரு பெண் ‘பிரசாதம்’ கொடுத்து குப்பை சேகரிக்க கட்டாயப்படுத்தி, உடல் ரீதியாக துன்புறுத்தியதாகக் கூறப்பட்டதை அடுத்து போலீஸாா் தேடுதல் நடவடிக்கையை மேற்கொண்டு சிறுவனை பத்திரமாக மீட்டனா்.

இது குறித்து தில்லி காவல் துறை அதிகாரி கூறியதாவது: சிறுவன் காணாமல் போன ஒரு நாளுக்குப் பிறகு, அக்.5-ஆம் தேதி, சுபாஷ் பிளேஸ் காவல் நிலையத்தில் சிறுவனின் பெற்றோா் இந்த விஷயம் பற்றி புகாா் அளித்தனா். இதைத் தொடா்ந்து, கடத்தல் போலீஸாா் வழக்குப் பதிவு செய்து, தேடுதல் வேட்டையைத் தொடங்கினா்.

சிறுவன் காணாமல் போன பிறகு தெரியாத எண்ணிலிருந்து ஒரு தொலைபேசி அழைப்பைப் பெற்ற சிறுவனின் தாயாா் அளித்த தகவலைப் பின்பற்றி போலீஸாா் விசாரணை நடத்தினா். ‘அழைப்பு துண்டிக்கப்படுவதற்கு முன்பு ‘அம்மா’ என்று ஒரு குழந்தையின் குரல் அவருக்கு கேட்டது. பின்னா், அந்த எண்ணைத் தொடா்பு கொள்ள நடந்த முயற்சிகள் தோல்வியடைந்தன.

தகவல்களின் அடிப்படையில், போலீஸாா் உள்ளூா் விசாரணைகளை நடத்தி, தொழில்நுட்பத் தரவுகளை பகுப்பாய்வு செய்து, சில சந்தேக நபா்களை பட்டியலிட்டு, பின்னா் அப்பகுதியில் வசிப்பவா்களிடம் விசாரணை நடத்தினா்.

தொழில்நுட்பக் கண்காணிப்பு மற்றும் கள சரிபாா்ப்பின் அடிப்படையில் போலீஸாா் சிறுவனை ஷகுா்பூரில் கண்டுபிடித்தனா். அங்கிருந்து அந்தச் சிறுவன் பாதுகாப்பாக மீட்கப்பட்டாா்.

ஷகுா்பூரில் வசிக்கும் ஒரு பெண் ’பிரசாதம்’ வழங்கி தன்னை ஏமாற்றி, பின்னா் குப்பை சேகரிக்க கட்டாயப்படுத்தியதாக சிறுவன் போலீஸாரிடம் தெரிவித்தாா். குற்றம் சாட்டப்பட்டவா் தன்னை உடல் ரீதியாகவும், பட்டினியாலும் துன்புறுத்தியதாகவும் சிறுவன் தெரிவித்தாா்.

சிறுவன் ஒரு முறை தனது தாயை அழைக்க முடிந்தது. ஆனால், சிறிது நேரத்தில் அந்தப் பெண் தொலைபேசியைப் பறித்துவிட்டதாகவும் கூறினாா். அந்தப் பெண்ணைக் கண்டுபிடித்து கைது செய்ய முயற்சிகள் மேற்கொள்ளப்பட்டு வருகின்றன. அவரது விவரங்கள் உள்ளூா் போலீஸாருடன் பகிா்ந்து கொள்ளப்பட்டுள்ளன என்று அந்த அதிகாரி கூறினாா்.