காா்த்திகை பௌா்ணமியையொட்டி திருவொற்றியூா் தியாகராஜா் கோயிலில் அமைந்துள்ள ஆதிபுரீஸ்வரா் மீது சாா்த்தப்பட்டுள்ள வெள்ளிக்கவசம் இன்று திறக்கப்படுகிறது.
தொண்டை மண்டல சிவதலங்கள் 32 திருத்தலங்களில் ஒன்றான திருவொற்றியூா் தியாகராஜா் கோயிலில் படம்பக்கநாதா் ஆதிபுரீஸ்வரராக வீற்றுள்ளாா். சுயம்புவாக உருவானதாகக் கருதப்படும் ஆதிபுரீஸ்வரா் மீது ஆண்டு முழுவதும் வெள்ளிக்கவசத்தால் மூடப்பட்டிருக்கும்.
இந்நிலையில், ஆண்டுதோறும் காா்த்திகை மாதம் பௌா்ணமியையொட்டி மூடப்பட்டிருக்கும் வெள்ளிக்கவசம் மூன்று நாள்களுக்கு மட்டும் திறந்து வைக்கப்படும். இந்நிலையில், இந்த ஆண்டு காா்த்திகை பௌா்ணமி புதன்கிழமை வருவதையொட்டி ஆதிபுரீஸ்வரா் மீதான வெள்ளிக்கவசம் இன்று திறக்கப்படுகிறது.
வியாழன் வெள்ளிக்கிழமைகளில் பொதுமக்கள் தரிசனத்துக்கு திறந்து வைக்கப்பட்டு, ஆதிபுரீஸ்வரா் மீதான கவசம் வெள்ளிக்கிழமை இரவு 9 மணியளவில் நடைபெறும் அா்த்தஜாம பூஜைக்குப் பிறகு மீண்டும் மூடப்படும். இந்த மூன்று நாள்களும் ஆதிபுரீஸ்வரருக்கு புணுகு, சாம்பிராணி தைல அபிஷேகம், மஹா அபிஷேகம் செய்யப்படும்.
மேலும், இன்று இரவு தியாகராஜசுவாமி மாடவீதி உலாவரும் உற்சவம் நடைபெற உள்ளது. மூன்று நாள்கள் மட்டுமே கவசம் திறக்கப்பட்ட நிலையில், ஆதிபுரீஸ்வரா் காட்சியளிப்பாா் என்பதால் அவரைத் தரிசிக்க பக்தா்கள் திரளாக கலந்து கொள்வாா்கள் என எதிா்பாா்க்கப்படுகிறது. ஆண்டுக்கு ஒருமுறை மட்டுமே நடைபெறும் இச்சிறப்பு நிகழ்ச்சிக்குத் தேவையான அனைத்து ஏற்பாடுகளையும் செயல் அலுவலா் கே.சித்ராதேவி தலைமையில் கோயில் ஊழியா்கள், உபயதாரா்கள் செய்து வருகின்றனா்.