12 ராசிக்காரர்களுக்குமான இந்த வார (நவம்பர் 09 - நவம்பர் 15) பலன்களை தினமணி ஜோதிடர் கே.சி.எஸ்.ஐயர் துல்லியமாக நமக்குக் கணித்து வழங்கியுள்ளார். படித்து பலனடைவோம்.
மேஷம் (அசுவினி, பரணி, கார்த்திகை முதல் பாதம் முடிய)
குடும்பத்தில் மகிழ்ச்சி நிறையும். நெடுநாளைய எண்ணங்கள் சீரிய முயற்சிக்குப்பிறகே நிறைவேறும். கடின உழைப்பு ஒன்றே வெற்றியைத் தரும். சிறுசிறு தொல்லைகள் கொடுத்த நண்பர்கள் விலகுவார்கள். உடன்பிறந்தோரிடம் சுமுக உறவு ஏற்படும். உத்தியோகஸ்தர்களுக்கு வேலைப்பளு அதிகரிக்கும். கொடுத்த வேலைகளைத் திறமையாக முடிக்கவும்.
வியாபாரிகள் கடன் வாங்கி வியாபாரத்தைப் பெருக்குவீர்கள். கூட்டாளிகளை அனுசரித்து நடந்து கொள்ளவும். விவசாயிகளுக்கு மகசூல் குறைவாகவே இருக்கும். புதிய குத்தகைகள் வேண்டாம். கால்நடைகளால் நன்மை உண்டாகாது.
அரசியல்வாதிகளின் வளர்ச்சிக்கு எதிரிகள் முட்டுக்கட்டை போடுவார்கள். சாதுர்யத்துடன் அதிலிருந்து விடுபடுவீர்கள். கலைத்துறையினருக்கு புதிய ஒப்பந்தங்கள் கிடைக்கும். ரசிகர்களின்ஆதரவுடன் பயணங்களை மேற்கொள்வீர்கள்.
பெண்மணிகள் உடல்நலத்தில் கவனம் செலுத்தவும். உற்றார் உறவினர்களிடம் அனுசரித்துச் செல்லவும். மாணவமணிகள் கல்வியில் முன்னேற கடுமையாக உழைக்கவும். விடியற்காலையில் எழுந்து பாடங்களை கவனமுடன் படிக்கவும்.
பரிகாரம்: அம்பாளை தரிசித்து வரவும்.
அனுகூலமான தினங்கள்: 11, 12.
சந்திராஷ்டமம்: 9,10.
{pagination-pagination}
ரிஷபம் (கார்த்திகை 2-ம் பாதம் முதல் ரோகிணி, மிருகசீரிஷம் 2-ம் பாதம் முடிய)
பொருளாதாரம் சீராக இருக்கும். செலவுக்கு ஏற்றவாறு வரவைக் காண்பீர்கள். உறறார் உறவினர்கள் நட்பு பாராட்டுவார்கள். பயணங்களால் நன்மை உண்டாகும். ஆன்மிகத் துறையை சேர்ந்தவர்கள் பயனடைவார்கள்.
உத்தியோகஸ்தர்களுக்கு அலுவலக வேலைகள் சுமுகமாக முடியும். பதவி உயர்வு கிடைக்கும். மேலதிகாரிகளை அனுசரித்து செல்லவும். முடிந்தவரை சக ஊழியர்களிடம் அன்புடன் பழகவும்.
வியாபாரிகள் வியாபாரத்தில் புதிய யுக்திரகளைப் புகுத்துவீர்கள். விவசாயிகளுக்கு மகசூல் அதிகரிக்கும். நீர்ப்பாசன வசதிகளுக்கு செலவு செய்ய நேரிடும். அரசியல்வாதிகள் எதிரிகளிடம் கவனமாக இருக்கவும். கட்சித் தலைமையிடம் நல்ல முறையில் நடந்துகொள்ளவும்.
கலைத்துறையினர் பழைய ஒப்பந்தங்களை நன்றாக முடித்துக் கொடுத்து புதிய ஒப்பந்தங்களைப் பெறுவார்கள். பெண்மணிகள் குடும்பத்தில் ஒற்றுமையை காண்பீர்கள். எதிர்பார்த்த உதவிகள் கிடைக்கும். ஆடை, ஆபரண சேர்க்கைகள் உண்டாகும். மாணவமணிகள் கல்வியில் முன்னேறுவார்கள். விளையாட்டுப் போட்டிகளில் வெற்றியுண்டு.
பரிகாரம்: ராமபக்த அனுமனை வழிபட்டு வரவும்.
அனுகூலமான தினங்கள்: 9, 10.
சந்திராஷ்டமம்: 11,12.
{pagination-pagination}
மிதுனம் (மிருகசீரிஷம்3ம் பாதம் முதல் திருவாதிரை,புனர்பூசம் 3-ம் பாதம் முடிய)
பொறுமையுடன் இருக்கவேண்டிய காலகட்டமிது. புதிய முயற்சிகள் வேண்டாம். எவருக்கும் உங்கள் பெயரில் கடன் வாங்கித் தருவதோ, ஜாமீன் கையெழுத்துப் போடுவதோ நல்லதல்ல. எதிப்பார்த்த தகவல்கள் வந்து சேரும்.
உத்தியோகஸ்தர்கள் மேலதிகாரிகளை அனுசரித்து நடந்து கொள்ளவும். அலுவலக ரீதியான பயணங்களைச் செய்வீர்கள். சக ஊழியர்களை அனுசரித்து நடந்து கொள்ளவும்.
வியாபாரிகள் விழிப்புடன் செயல்பட்டு வியாபாரத்தைக் கவனிப்பது நல்லது. கூட்டுத்தொழில் நன்மை தராது. நன்கு கலந்தாலோசித்த பிறகே முக்கிய முடிவுகளை எடுக்கவும்.
விவசாயிகளுக்கு மகசூல் நன்றாக இருக்கும். அரசியல்வாதிகளின் சொல்லுக்கு நல்ல வரவேற்பு கிடைக்கும். கட்சி மேலிடத்திடம் கவனம் தேவை.
கலைத்துறையினருக்கு கடின முயற்சிகளுக்குப்பிறகே புதிய ஒப்பந்தங்கள் கைகூடும். பயணங்களால் பணவரவு உண்டாகும். பெண்மணிகள் குடும்பத்தில் சந்தோஷத்தைக் காண்பீர்கள். சேமிப்பு விஷயங்களில் கவனம் செலுத்தவும். மாணவமணிகள் பாடங்களை ஆழ்ந்து படிக்கவும். உடல் ஆரோக்கியத்தில் கவனம் செலுத்தவும்.
பரிகாரம்: விநாயகப் பெருமானை அருகம்புல் சாற்றி வழிபடவும்.
அனுகூலமான தினங்கள்: 10, 11.
சந்திராஷ்டமம்: 13, 14, 15.
{pagination-pagination}
கடகம் (புனர்பூசம்4-ம் பாதம் முதல் பூசம், ஆயில்யம் முடிய)
பொருளாதாரத்தில் அபிவிருத்தி ஏற்படும். எடுத்த காரியங்களை நன்றாகச் செய்து முடிக்கும் ஆற்றலைப் பெறுவீர்கள். உறவினர்களிடம் எச்சரிக்கையுடன் நடந்து கொள்ளவும். பயணங்களின்போது கவனம் செலுத்தவும்.
உத்தியோகஸ்தர்களுக்கு மேலதிகாரிகளின் ஆதரவு கிடைக்கும். புதிய பொறுப்புகளும் சம்பள உயர்வும் பெறுவீர்கள்.
வியாபாரிகளை நோக்கி வாடிக்கையாளர்கள் வருவார்கள். இதனால் புதிய கடைகளைத் திறக்கும் முயற்சிகள் வெற்றி பெறும். விவசாயிகள் வேலைகளை சுலபமாக முடிப்பார்கள். தானிய விற்பனை லாபகரமாக இருக்கும்.
அரசியல்வாதிகளுக்கு தொண்டர்களின் ஆதரவு கிடைக்கும். கட்சித் தலைமையிடம் நற்பெயர் வாங்குவீர்கள். கலைத்துறையினரின் செயல்கள் அனைத்தும் வெற்றியைத் தேடித்தரும். ரசிகர்களின் பாராட்டு மழையில் நனைவீர்கள். புதிய வாய்ப்புகளும் வாயிற் கதவைத் தட்டும்.
பெண்மணிகள் குடும்பத்தில் அமைதியைக் காண்பீர்கள். உற்றார் உறவினர்களின் வருகை மகிழ்ச்சி தரும். மாணவமணிகள் கல்வியில் கவனம் செலுத்துவீர்கள். பிரம்ம முகூர்த்தத்தில் எழுந்து பாடங்களைப் படிக்கவும்.
பரிகாரம்: குருபகவானையும் தட்சிணாமூர்த்தியையும் வழிபடவும்.
அனுகூலமான தினங்கள்: 9, 12.
சந்திராஷ்டமம்: இல்லை.
{pagination-pagination}
சிம்மம் (மகம், பூரம்,உத்திரம் முதல் பாதம் முடிய)
குடும்பத்தில் ஒற்றுமை அதிகரிக்கும். உடல் ஆரோக்கியம் சீராகும். செய்தொழிலில் முன்னேற்றம் ஏற்படும். செலவுகள் கட்டுக்குள் இருக்கும். புதிய முயற்சிகளை செயல்படுத்துவீர்கள். வீடு மாற்றம் செய்ய நினைப்போருக்கு இது உகந்த காலமாகும்.
உத்தியோகஸ்தர்களுக்கு மேலதிகாரிகளால் மன சஞ்சலம் ஏற்படும். தைரியத்துடன் எதையும் சாதிக்கலாம் என்ற எண்ணம் ஏற்படும். சக ஊழியர்களுடன் ஒற்றுமையை வளர்த்துக் கொள்வீர்கள்.
வியாபாரிகள் புதிய யுக்திகளை மேற்கொண்டு வியாபாரத்தைப் பெருக்குவீர்கள். கூட்டாளிகளால் ஏற்படும் பிரச்னைகளை பக்குவமாகச் சமாளிக்கவும். விவசாயிகளுக்கு கொள்முதல் லாபம் அதிகரிக்கும். புதிய முதலீடுகளைச் செய்வீர்கள். அரசியல்வாதிகளுக்கு புதிய பொறுப்புகள் கிடைக்கும். அவற்றை நேர்த்தியாகச் செய்து முடித்து பதவி உயர்வையும் பாராட்டையும் பெறுவீர்கள்.
கலைத்துறையினர் புதிய ஒப்பந்தங்களைச் செய்வீர்கள். பெண்மணிகளுக்கு இந்த காலகட்டத்தில் நல்லது கெட்டது இரண்டும் கலந்து வரும். வருமானத்திற்கு குறைவு இராது. மாணவமணிகள் கல்வியில் உயர்வு பெறுவீர்கள்.
பரிகாரம்: ஸ்ரீ ராமபிரானை வழிபட்டு வரவும்.
அனுகூலமான தினங்கள்: 10, 13.
சந்திராஷ்டமம்: இல்லை.
{pagination-pagination}
கன்னி (உத்திரம் 2-ம் பாதம் முதல் அஸ்தம், சித்திரை 2-ம் பாதம் முடிய)
பொருளாதாரத்தில் படிப்படியான வளர்ச்சி ஏற்படும். உங்களுக்குக்கீழ் பணிபுரிபவர்களுக்கு உதவிகள் செய்வீர்கள். தனித்தும் காரியங்களைச் செய்வீர்கள். மதிப்பு மரியாதை உயரும்.
உத்தியோகஸ்தர்கள் அலுவலகம் சம்பந்தமான பயணங்களைத் தள்ளிப்போடவும். சக ஊழியர்களின் உதவியால் உங்கள் வேலைப்பளு குறையும். வியாபாரிகளுக்கு கொடுக்கல் வாங்கல்கள் சீராக இருக்கும். யாருக்கும் கடன் கொடுப்பதோ, ஜாமீன் கையெழுத்துப் போடுவதோ வேண்டாம். விவசாயிகளுக்கு புதிய குத்தகைகள் கிடைக்கும். நீர்ப்பாசன வசதிகளுக்காக செலவு செய்ய நேரிடும்.
அரசியல்வாதிகளுக்கு காரியங்கள் வெற்றி அடைவதில் தடைகள் ஏற்படும். கர்வத்தை விட்டொழித்து நிதானமாக செயல்பட்டால் நன்மை அடையலாம். கலைத்துறையினர் புதிய ஒப்பந்தங்களைச் செய்வீர்கள்.
பெண்மணிகளுக்கு பணவரவு சீராக இருக்கும். எதையும் ஆராய்ந்து முடிவெடுக்கவும். மாணவமணிகள் சிரத்தையுடன் படித்தால் எதிர்பார்த்த வெற்றி கிடைக்கும். உடற்பயிற்சி செய்து மனப்புழுக்கத்திலிருந்து விடுபடவும்.
பரிகாரம்: மீனாட்சி அம்மனை வழிபட்டு வரவும்.
அனுகூலமான தினங்கள்: 10, 13.
சந்திராஷ்டமம்: இல்லை.
{pagination-pagination}
துலாம் (சித்திரை 3-ம் பாதம் முதல் சுவாதி, விசாகம் 3-ம் பாதம் முடிய)
கடமைகளை கவனத்துடன் செய்வீர்கள். நண்பர்கள் உதவிகரமாக இருப்பார்கள். ஆனாலும் சமூகத்தில் உங்கள் மதிப்பு குறையும். உடல் ஆரோக்கியத்தில் கவனம் தேவை. பயணங்களின்போது விழிப்புடன் இருக்கவும். பணப்புழக்கம் நன்றாக இருக்கும்.
உத்தியோகஸ்தர்களுக்கு மேலதிகாரிகளால் மனசஞ்சலம் ஏற்படும். தைரியத்துடன் எதையும் சாதிக்கும் ஆற்றலைப் பெறுவீர்கள். வியாபாரிகளுக்கு கொடுக்கல் வாங்கல்கள் சுமுகமாக இருக்கும். கூட்டாளிகளிடம் நல்ல முறையில் பழகவும். விவசாயிகள் புதிய நிலங்களை வாங்குவீர்கள். மகசூல் அதிகரித்து நல்ல லாபத்தைக் காண்பீர்கள்.
அரசியல்வாதிகளின் பொதுச்சேவையில் அனுகூலமான திருப்பங்கள் ஏற்படும். மேலிடத்திடம் எதிர்பாராத பாராட்டு கிடைக்கும். கலைத்துறையினர் திறமைக்குத் தகுந்த அங்கீகாரத்தைப் பெறுவார்கள். பணப்புழக்கமும் தாராளமாகவே இருக்கும்.
பெண்மணிகளுக்கு குடும்பத்தில் மதிப்பு உயரும். மாணவமணிகள் நல்ல மதிப்பெண்கள் பெறுவார்கள். உள்ளரங்கு விளையாட்டுகளில் விளையாடுவது நல்லது.
பரிகாரம்: துர்க்கையை தீபமேற்றி வழிபட்டு வரவும்.
அனுகூலமான தினங்கள்: 9, 14.
சந்திராஷ்டமம்: இல்லை.
{pagination-pagination}
விருச்சிகம் (விசாகம் 4-ம் பாதம் முதல் அனுஷம், கேட்டை முடிய)
சிறு தடைகள் ஏற்பட்டாலும் உங்களின் செயல்கள் இறுதியில் வெற்றி நடைபோடும். பண வருவாயில் சற்று ஏற்றத்தாழ்வுகள் ஏற்பட்டாலும் கடன் உண்டாகாது. உறவினர்கள் நேசக்கரம் நீட்டுவார்கள். நிதானமாக செயல்படவும். உடல் உபாதைகள் ஏற்படும். உத்தியோகஸ்தர்களுக்கு பதவி உயர்வு கிடைக்கும். சக ஊழியர்கள் ஆதரவாக நடந்துகொள்வார்கள்.
வியாபாரிகளுக்கு கொடுக்கல் வாங்கல்களில் பலன் உண்டாகும். வியாபாரத்தில் புதிய யுக்திகளைப் புகுத்துவீர்கள். விவசாயிகளுக்கு கொள்முதல் லாபம் அதிகரிக்கும் விளைபொருள்களுக்கு நல்ல விலை கிடைக்கும்.
அரசியல்வாதிகளுக்கு எடுத்த காரியங்கள் வெற்றிகரமாக முடியும். மேலிடத்தின் ஆதரவும் தொண்டர்களின் ஆதரவும் சிறப்பாகவே இருக்கும். கலைத்துறையினரின் படைப்புகள் மக்களிடம் நல்ல முறையில் சென்றடையும். சொத்துகள் சேர வழியுண்டாகும்.
பெண்மணிகள் குடும்பத்தில் ஒற்றுமையை காண்பீர்கள். தன லாபம் உண்டாகும். மாணவமணிகள் படிப்பில் நல்ல முன்னேற்றம் காண்பீர்கள். வெளிவிளையாட்டுகளில் வெற்றி பெறுவீர்கள்.
பரிகாரம்: சனிபகவானை வழிபட்டு வரவும்.
அனுகூலமான தினங்கள்: 10, 14.
சந்திராஷ்டமம்: இல்லை.
{pagination-pagination}
தனுசு (மூலம், பூராடம், உத்திராடம் முதல் பாதம் முடிய)
பணவரவு சீராக இருக்கும். மனதிற்கினிய பயணங்களை மேற்கொள்வீர்கள். சாமர்த்தியமாகப் பேசி போட்டிகளை சமாளித்து சாதமாக்கிக் கொள்வீர்கள். குழந்தைகள் வளர்ச்சி அடைவார்கள். அனைவருடனும் அன்புடனும் அணுசரனையுடன் நடந்து கொள்ளவும்.
உத்தியோகஸ்தர்களுக்கு அலுவலகத்தில் கெடுபிடிகள் சற்று அதிகமாகலாம். வேலைகளில் கவனமாக இருக்கவும். வியாபாரிகளுக்கு லாபம் அதிகரிக்கும். நண்பர்களின் ஆதரவு கிடைக்கும். புதிய கடைகளைத் திறப்பதற்கான முயற்சிகளை மேற்கொள்ளலாம்.
விவசாயிகள் புதிய சாதனைகளை வாங்குவீர்கள். விவசாயப்பணிகள் வெற்றிகரமாக முடியும். அரசியல்வாதிகளின் பொதுச் சேவையை அனைவரும் பாராட்டுவார்கள். புதிய பொறுப்புகள் கிடைக்கும்.
கலைத்துறையினர் அனைத்து வேலைகளையும் நேர்த்தியாகச் செய்து முடிப்பீர்கள். புதிய ஒப்பந்தங்கள் கிடைக்கும். பெண்மணிகள் மனதிற்கினிய பயணங்களை மேற்கொள்வீர்கள். மாணவமணிகள் உள்ளரங்கு விளையாட்டுகளில் மட்டுமே ஈடுபடவும். உடல் ஆரோக்கியத்தில் கவனம் தேவை.
பரிகாரம்: பார்வதி தேவியை வெள்ளிக்கிழமையில் வழிபட்டு வரவும்.
அனுகூலமான தினங்கள்: 11, 16.
சந்திராஷ்டமம்: இல்லை.
{pagination-pagination}
மகரம் (உத்திராடம் 2-ம் பாதம் முதல் திருவோணம், அவிட்டம் 2-ம் பாதம் முடிய)
குடும்பத்தில் மகிழ்ச்சி நிறையும். நண்பர்கள் மற்றும் உறவினர்களால் உங்கள் விருப்பம் நிறைவேறும். திட்டமிட்ட செயல்களில் வெற்றி பெறுவீர்கள். உடல் ஆரோக்கியத்தில் கவனம் தேவை. உத்தியோகஸ்தர்களுக்கு தடைபட்டிருந்த காரியங்களில் வெற்றி கிடைக்கும். பதவி உயர்வுக்கான அறிகுறிகள் தென்படும்.
வியாபாரிகள் கடுமையாக உழைக்க நேரிடும். இதனால் உடல் அசதி ஏற்படும். நண்பர்கள் பக்க பலமாக இருப்பார்கள். விவசாயிகள் நல்ல வளர்ச்சியைக் காண்பீர்கள். புதிய குத்தகைகள் தேடி வரும்.
அரசியல்வாதிகளுக்கு எடுத்த காரியங்களில் வெற்றி கிடைக்கும். அரசு அதிகாரிகள் ஒத்துழைப்பு நல்குவார்கள். கலைத்துறையினருக்கு புதிய ஒப்பந்தங்களைப் பெறுவதினால் மனநிம்மதி ஏற்படும். சமூகத்தில் பெயரும் புகழும் உயரும்.
பெண்மணிகளுக்கு கணவரிடம் ஒற்றுமை அதிகரிக்கும். மாணவமணிகள் படிப்பில் அக்கறை காட்டுவீர்கள். விளையாடும்போது கவனம் தேவை. அதிகாலையிலேயே எழுந்து பாடங்களை மனப்பாடம் செய்வதுநல்லது.
பரிகாரம்: சூரியபகவானையும் சிவபெருமானையும் வழிபடவும்.
அனுகூலமான தினங்கள்: 13, 14.
சந்திராஷ்டமம்: இல்லை.
{pagination-pagination}
கும்பம் (அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய)
அனைத்துச் செயல்களிலும் உங்களின் தனித்தன்மை வெளிப்படும். சமூகத்தில் உயர்ந்தவர்களின் நட்பு கிடைக்கும். இல்லத்தில் வசதி வாய்ப்புகளைப் பெருக்கிக் கொள்வீர்கள். போட்டியாளர்களிடம் கவனம் தேவை. நிதானமாகப் பேசவும். உத்தியோகஸ்தர்களின் கோரிக்கைகள் நிறைவேறும். மூத்த அதிகாரிகளும் சக ஊழியர்களும் நட்புடன் பழகுவார்கள். பண வரவு சீராக இருக்கும்.
வியாபாரிகள் மக்கள் விரும்பும் பொருள்களை புதிய சந்தைகளில் விற்று லாபம் பெறலாம். விவசாயிகளுக்கு கொள்முதலில் லாபம் கிடைக்கும். புதிய குத்தகைகள் தேடிவரும்.
அரசியல்வாதிகள் அனைவராலும் பாராட்டப்படுவீர்கள். புதிய பதவிகளில் அமர்ந்து மக்களுக்கு சேவை செய்யும் வாய்ப்பைப் பெறுவீர்கள். கலைத்துறையினருக்கு திறமைக்குத் தகுந்த மதிப்பும் அங்கீகாரமும் கிடைக்கும். புதிய ஒப்பந்தங்களைச் செய்வீர்கள்.
பெண்மணிகளுக்கு கணவரிடம் ஒற்றுமை அதிகரிக்கும். மனதில் காரணமில்லாத குழப்பம் நிலவும். மாணவமணிகளுக்கு கல்வியில் ஆர்வம் அதிகரிக்கும். ஆசிரியரின் பாராட்டைப் பெறுவீர்கள்.
பரிகாரம்: கந்தசஷ்டி கவசம் படித்து கந்தனை வழிபடவும்.
அனுகூலமான தினங்கள்: 14, 15.
சந்திராஷ்டமம்: இல்லை.
{pagination-pagination}
மீனம் (பூரட்டாதி 4-ம் பாதம் முதல் உத்திரட்டாதி, ரேவதி முடிய)
எடுத்த காரியங்கள் அனைத்தையும் வெற்றிகரமாக முடித்து மகிழ்ச்சியில் திளைப்பீர்கள். தெய்வ அனுகூலத்தைப் பெறுவீர்கள். பொருளாதாரத்தில் முன்னேற்றம் ஏற்படும். உடல் ஆரோக்கியம் சிறப்பாகவே இருக்கும். உத்தியோகஸ்தர்களின் கோரிக்கைகள் நிறைவேறும். சக ஊழியர்களின் உதவியுடன் முக்கிய வேலைகளை செய்து முடிப்பீர்கள்.
வியாபாரிகள் நன்கு யோசித்தும் புதிய முதலீடுகளைச் செய்யவும். நண்பர்களை அதிகம் நம்பி எதையும் செய்ய வேண்டாம். விவசாயிகளுக்கு நீர்வரத்து நன்றாக இருக்குமாதலால் விளைச்சல் அதிகரிக்கும். இல்லத்தில் சுபநிகழ்ச்சிகள் நடக்கும். அரசியல்வாதிகளுக்கு கட்சியில் வாக்குவாதங்கள் அதிகரிக்கும். போட்டிகளை சந்திக்க நேரிடும்.
கலைத்துறையினர் நிதானத்துடனும் பொறுமையுடனும் நடந்துகொண்டால் புதிய ஒப்பந்தங்கள் பெறலாம். பெண் மணிகள் குடும்பத்தில் அமைதியைக் காண்பீர்கள். புதிய ஆடை, ஆபரணங்களை வாங்கி மகிழ்வீர்கள். மாணவ மணிகள் படிப்பில் ஏற்படும் இடையூறுகளைச் சமாளிப்பீர்கள். அனைவருடனும் அன்புடன் பழகவும்.
பரிகாரம்: திருவேங்கடமுடையானை வழிபட்டு வரவும்.
அனுகூலமான தினங்கள்: 15, 16.
சந்திராஷ்டமம்: இல்லை.