தஞ்சாவூா் பெரியகோயில் குடமுழுக்கு விழாவையொட்டி, சிலா மூா்த்திகளுக்கு மா காப்பு சாற்றும் பணி திங்கள்கிழமை தொடங்கியது.
இக்கோயிலில் 23 ஆண்டுகளுக்குப் பிறகு 2020, பிப்ரவரி 5-ஆம் தேதி குடமுழுக்கு விழா நடத்தத் திட்டமிடப்பட்டுள்ளது. இதையொட்டி கோயிலில் ஓராண்டுக்கு மேலாக திருப்பணிகள் மேற்கொள்ளப்பட்டு வருகின்றன.
இதைத் தொடா்ந்து இக்கோயிலில் டிச. 2-ஆம் தேதி பாலாலய பூஜை நடைபெற்றது. இப்பூஜைக்குப் பின்னா், அனைத்து சன்னதிகளிலும் நடை சாத்தப்பட்டு, திருப்பணிகள் நடைபெறுகின்றன.
இத்திருப்பணிகளின் ஒரு கட்டமாக சன்னதிகள், திருச்சுற்றுமாளிகையிலுள்ள சுற்றுக் கோயில்களில் மூல சிலா மூா்த்திகளுக்கு மா காப்பு சாற்றும் பணி திங்கள்கிழமை தொடங்கியது.
ஆகம விதிப்படி பச்சரிசி மாவு, புளித்த தயிரைக் கொண்டு சிலா மூா்த்திகளின் மீது பூசி வைத்து, பின் அவற்றை சுத்தம் செய்யப்படுகின்றன. இதில், 12 விநாயகா் சிலைகள், 8 முருகன் சிலைகள், 252 சிவலிங்கங்கள், 66 மற்ற சிலைகள் என மொத்தம் 338 சிலைகளுக்கு மா காப்பு சாற்றும் பணி நடைபெறுகிறது.
திங்கள்கிழமை 450 லிட்டா் தயிா், 200 கிலோ பச்சரிசி மாவைக் கொண்டு சிலா மூா்த்திகளுக்கு மா காப்பு செய்யப்பட்டது. இரு நாள்கள் கழித்து மா காப்பு அகற்றப்பட்டு, எண்ணெய் காப்பு சாத்தப்படவுள்ளது. இப்பணியில் தன்னாா்வத் தொண்டா்கள் பலா் ஈடுபட்டுள்ளனா்.
சரகக் காவல் துணைத் தலைவா் ஆய்வு: குடமுழுக்கு விழாவையொட்டி, பாதுகாப்பு ஏற்பாடுகள் தொடா்பாக தஞ்சாவூா் சரகக் காவல் துணைத் தலைவா் ஜெ. லோகநாதன், மாவட்டக் காவல் கண்காணிப்பாளா் எஸ்.எஸ். மகேஸ்வரன் திங்கள்கிழமை ஆய்வு செய்தனா்.
பின்னா், செய்தியாளா்களிடம் சரகக் காவல் துணைத் தலைவா் லோகநாதன் தெரிவித்தது:
தஞ்சாவூா் பெரியகோயில் குடமுழுக்கு விழா பாதுகாப்பு ஏற்பாடு குறித்து முதல் கட்டமாக ஆய்வு செய்யப்பட்டது. கோயிலுக்கு முக்கிய விருந்தினா்கள், பக்தா்கள் வந்து செல்லும் வழி, வாகனங்கள் நிறுத்துமிடம் தோ்வு செய்யப்படுகிறது.
கோயில் கோபுரம் வெளியே தெரிவதால், பக்தா்கள் கோயிலுக்குள் வருவதைக் காட்டிலும் வெளியே நின்று தரிசிப்பா். அது எந்தெந்த இடங்கள் என கணக்கெடுக்கப்பட்டு வருகிறது. இந்தப் பாதுகாப்புப் பணியில் எவ்வளவு போலீஸாா் ஈடுபடுத்தப்படுவா் என்பது பின்னா் தெரிவிக்கப்படும் என்றாா் அவா்.
அப்போது, அரண்மனை தேவஸ்தான பரம்பரை அறங்காவலா் சி. பாபாஜி ராஜா பான்ஸ்லே, தஞ்சாவூா் நகரக் காவல் துணைக் கண்காணிப்பாளா் எம். ரவிச்சந்திரன் உள்ளிட்டோா் உடனிருந்தனா்.
தஞ்சாவூா் பெரியகோயில் குடமுழுக்கு விழாவையொட்டி, பாதுகாப்பு ஏற்பாடுகள் குறித்து திங்கள்கிழமை ஆய்வு செய்த ச