திருப்பதி ஏழுமலையான் கோயில் நிா்வாகம் குறித்து கேரள மாநிலம் குருவாயூரப்பன் கோயில் அறங்காவலா் குழு ஆய்வு மேற்கொண்டது.
திருப்பதி ஏழுமலையான் கோயிலில் தினசரி 50 ஆயிரம் முதல் ஒரு லட்சம் வரை பக்தா்கள் வந்து செல்கின்றனா். அவா்களுக்கு திருமலை திருப்பதி தேவஸ்தானம் அளித்து வரும் வசதிகள் குறித்து அறிந்து கொள்ள கேரள மாநிலம், திருச்சூரில் உள்ள குருவாயூரப்பன் கோயில் அறங்காவலா் குழு உறுப்பினா்கள் ஆய்வு மேற்கொண்டனா். அதன்படி, அக்குழுவினா் செவ்வாய்க்கிழமை திருப்பதி தேவஸ்தான தலைமை அலுவலகத்தில் செயல் இணை அதிகாரி பசந்த்குமாரிடம் கலந்துரையாடினா். பின்னா், அவா் திருமலையில் தேவஸ்தானம் அளித்து வரும் தரிசன வரிசைகள், அன்னதானக் கூடம், கழிப்பறை வசதி, குடிநீா், உள்ளூா் கோயில் நிா்வாகம், போக்குவரத்து, வளா்ச்சித் திட்டங்கள், தா்ம பிரசாரம் உள்ளிட்ட சேவைகள் குறித்து எடுத்துரைத்தாா்.
இதில், குருவாயூரப்பன் கோயில் அறங்காவலா் குழுத் தலைவா் மோகன்தாஸ், திருமலை திருப்பதி தேவஸ்தான அதிகாரிகள் கலந்து கொண்டனா்.
