Enable Javscript for better performance
முத்துப்பந்தல், சிம்ம வாகனங்களில் கோவிந்தராஜப் பெருமாள் வலம்- Dinamani

சுடச்சுட

    

    முத்துப்பந்தல், சிம்ம வாகனங்களில் கோவிந்தராஜப் பெருமாள் வலம்

    By DIN  |   Published on : 14th May 2019 02:40 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    govindarajaperumal

    திருப்பதி கோவிந்தராஜர் கோயில் வருடாந்திர பிரம்மோற்சவத்தில் திங்கள்கிழமை காலை சிம்ம வாகனத்தில் வலம் வந்த பெருமாள். 


    திருப்பதியில் உள்ள கோவிந்தராஜர் கோயிலில் நடந்து வரும் வருடாந்திர பிரம்மோற்சவத்தின் 3-ஆம் நாளான திங்கள்கிழமை காலை சிம்ம வாகனத்தில் பெருமாள் மாடவீதியில் வலம் வந்தார். 
    இக்கோயிலில் கடந்த சனிக்கிழமை வருடாந்திர பிரம்மோற்சவம் கொடியேற்றத்துடன் தொடங்கியது. அதன் மூன்றாம் நாளான திங்கள்கிழமை காலை 7 மணிமுதல் 8.30 மணி வரை சிம்ம வாகன சேவை நடைபெற்றது. சிம்ம வாகனத்தில் யோக நரசிம்மர் அவதாரத்தில் மாடவீதியில் வலம் வந்த கோவிந்தராஜரை திரளான பக்தர்கள் தரிசனம் செய்தனர். மதியம், ஸ்ரீதேவி, பூதேவி சமேத கோவிந்தராஜருக்கு ஸ்நபன திருமஞ்சனமும், மாலையில் ஊஞ்சல் சேவையும் நடைபெற்றன.  
    இரவு 8 மணிக்கு வெண்மையான முத்துக்களால் அலங்கரிக்கப்பட்ட முத்துப்பந்தல் வாகனத்தில் ஸ்ரீதேவி, பூதேவி நாச்சியார்கள் உடன் வர பெருமாள் மாடவீதியில் வலம் வந்தார். ஆயிரக்கணக்கான பக்தர்கள் வாகனச் சேவையை தரிசித்து கற்பூர ஆரத்தி அளித்து வணங்கினர்.  வாகனச் சேவையின்போது கலைநிகழ்ச்சிகள் நடத்தப்பட்டன. மேலும் கோயில் எதிரில் உள்ள திருக்குளக் கரையில் மாலை வேளையில் கதாகாலட்சேபம், பக்திப் பாடல் கச்சேரி, ஹரிகதை உள்ளிட்ட ஆன்மிக நிகழ்ச்சிகளும் நடத்தப்பட்டன. வாகனச் சேவைக்கு முன் ஜீயர்கள் நாலாயிர திவ்ய பிரபந்தப் பாடல்களை பாராயணம் செய்தனர். 


     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai