Enable Javscript for better performance
பட்டாபிராமாபுரத்தில் முருகப்பெருமான் திருவீதியுலா- Dinamani

சுடச்சுட

    
    2trtswamy_1_0202chn_195_1

    திருத்தணியை அடுத்த பட்டாபிராமாபுரம் கிராமத்தில் உற்சவா் முருகப்பெருமான் ஞாயிற்றுக்கிழமை திருவீதியுலா வந்து பக்தா்களுக்கு அருள்பாலித்தாா்.

    விழாவையொட்டி, காலை 9 மணிக்கு மலைக்கோயிலில் இருந்து படிகள் வழியாக மேல் திருத்தணி வந்தடைந்தாா். பின்னா், அங்கிருந்து மாட்டு வண்டியில் உற்சவா் முருகப்பெருமான் மேல் திருத்தணி, அமிா்தாபுரம், சித்தூா் சாலை, திருத்தணி புறவழிச் சாலை வழியாக மாலை 4 மணிக்கு பட்டாபிராமாபுரம் கிராமத்தை வந்தடைந்தாா்.

    தொடா்ந்து, மாலை 6 மணிக்கு பெருமாள் கோயிலில் முருகப்பெருமானுக்கு சிறப்பு அபிஷேகம், அலங்காரம் மற்றும் தீபாராதனை நடைபெற்றது. தொடா்ந்து, கிராமம் முழுவதும் உற்சவா் முருகப்பெருமான் வள்ளி, தெய்வானையுடன் திருவீதியுலா வந்து பக்தா்களுக்கு அருள்பாலித்தாா்.

    முருகா் வருகையையொட்டி, பட்டாபிராமாபுரம் கிராமத்துக்கு வரும் சாலை மற்றும் தெருக்களில் வாழைமரங்கள் கட்டியும் தோரணங்கள் கட்டியும், வீடுகள் முன்பு வண்ணக் கோலங்கள் இட்டு உற்சவரை வரவேற்றனா்.

    விழாவுக்கான ஏற்பாடுகளை கிராம பொதுமக்கள், இளைஞா்கள் செய்திருந்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai