கரோனா வைரஸ் அச்சத்தை அடுத்து வேலூரிலுள்ள தங்கக் கோயிலுக்கு வரும் உள்நாட்டு, வெளிநாட்டு பக்தா்களின் எண்ணிக்கை பாதியாக குறைந்திருப்பதாக கோயில் நிா்வாகம் தெரிவித்துள்ளது. மேலும், பக்தா்கள் அனைவரும் மருத்துவப் பரிசோதனைக்கு உட்படுத்தப்படுவதுடன், கட்டாமாக கைகளை கழுவிய பிறகே தரிசனத்துக்கு அனுமதிக்கப்பட்டு வருகின்றனா்.
வேலூரை அடுத்த ஸ்ரீபுரம் பகுதியில் நாராயணி பீடம் சாா்பில் தங்கக் கோயில் அமைந்துள்ளது. சுமாா் 1,500 கிலோ தங்கத் தகடுகள் வேயப்பட்ட இக்கோயிலில் நாராயணி, சொா்ணலட்சுமி, திருப்பதி வெங்கடாசலபதி, ஆஞ்சநேயா் உள்ளிட்ட சந்நிதிகள் அமையப் பெற்றுள்ளன. இக்கோயிலுக்கு பல்வேறு மாவட்ட, மாநிலங்கள் மட்டுமின்றி பல்வேறு அயல்நாடுகளில் இருந்தும் நாள்தோறும் சுமாா் 40 ஆயிரம் பக்தா்கள் வந்து செல்வது உண்டு. குறிப்பாக, திருப்பதிக்கு வரும் பக்தா்கள் பெரும்பாலானோா் தங்கக் கோயிலையும் தரிசனம் செய்வது வழக்கம். இதனால், வேலூா் மாவட்டத்திலுள்ள மிக முக்கிய சுற்றுலாத் தலங்களில் ஒன்றாக இக்கோயில் விளங்குகிறது.
இந்நிலையில், கரோனா வைரஸ் அச்சுறுத்தலையடுத்து தமிழகம் முழுவதும் முன்னெச்சரிக்கை நடவடிக்கைகள் தீவிரமாக மேற்கொள்ளப்பட்டு வருகின்றன. சுற்றுலாத் தலங்களிலும் தடுப்பு நடவடிக்கைகள் எடுக்கப்படுகின்றன. இதனால் வேலூா் தங்கக் கோயிலுக்கு வரும் பக்தா்களின் எண்ணிக்கை பாதியாக குறைந்திருப்பதாக கோயில் மேலாளா் சம்பத் தெரிவித்தாா். இதுகுறித்து அவா் மேலும் கூறியது:
தங்கக் கோயிலுக்கு நாள்தோறும் 40 ஆயிரம் பக்தா்கள் தரிசனத்துக்கு வரும் நிலையில், தற்போது கரோனா தடுப்பு நடவடிக்கை காரணமாக 15 ஆயிரம் முதல் 20 ஆயிரம் பக்தா்களே வருகின்றனா். பக்தா்கள் அனைவருக்கும் மருத்துவப் பரிசோதனை செய்யப்படுவதுடன், அனைவரும் கைகளை நன்றாகக் கழுவிய பிறகே தரிசனத்துக்கு அனுமதிக்கப்படுகின்றனா். இதற்காக அவா்களுக்கு அனைத்து ஏற்பாடுகளும் செய்துதரப்பட்டுள்ளன என்றாா் அவா்.