கொடுத்த வாக்கைக் காப்பாற்றுபவர்கள் மேஷ ராசியினர்: உங்க ராசிக்கு (வாரப் பலன்கள்)

இந்த வாரப் பலன்களை தினமணி ஜோதிடர் கே.சி.எஸ்.ஐயர் கணித்து வழங்கியுள்ளார். 
கொடுத்த வாக்கைக் காப்பாற்றுபவர்கள் மேஷ ராசியினர்: உங்க ராசிக்கு (வாரப் பலன்கள்)

இந்த வாரப் பலன்களை தினமணி ஜோதிடர் கே.சி.எஸ்.ஐயர் கணித்து வழங்கியுள்ளார். 

மேஷம் (அசுவினி, பரணி, கார்த்திகை முதல் பாதம் முடிய)

தொழிலில் நல்ல மாற்றம் தரும் முடிவை எடுப்பீர்கள். ஆன்மிகத்திலும், தெய்வ வழிபாட்டிலும் மனதைச் செலுத்துவீர்கள். கொடுத்த வாக்கைக் காப்பாற்றுவீர்கள். 

உத்தியோகஸ்தர்களுக்கு எதிர்பார்த்த பணம் வந்து சேரும். வியாபாரிகள் கடுமையாக உழைப்பார்கள்.  விவசாயிகளுக்கு வருமானம் அதிகரிக்கும். அரசியல்வாதிகளின் புகழ் உயரும். 

கலைத்துறையினர் எதிர்பார்த்த வளர்ச்சியை அடைவார்கள். பெண்கள் குழந்தைகளின் முன்னேற்றத்தில் கவனம் செலுத்துவார்கள். மாணவர்கள் கடினமாக உழைத்து, புத்திசாலித்தனமாகச் செயல்படுவார்கள்.

சந்திராஷ்டமம்}28.

ரிஷபம் (கார்த்திகை 2-ம் பாதம் முதல் ரோகிணி, மிருகசீரிஷம் 2-ம் பாதம் முடிய) 

குடும்பத்தில் சந்தோஷம் நிறையும். எதிர்காலம் தொடர்பான திட்டங்கள் நிறைவேறும்.  உடல் உபாதைகளிலிருந்து விடுபடுவீர்கள்.  

உத்தியோகஸ்தர்களுக்கு அலுவலகச் சூழல் சாதகமாகவே அமையும். வியாபாரிகள் உயர்ந்தவர்களின் உதவிகளைப் பெறுவார்கள். விவசாயிகள் கடுமையாக உழைத்து, மகசூலைப் பெருக்குவார்கள்.

அரசியல்வாதிகளிடம் மேலிடம் அதீத நம்பிக்கை வைக்கும். கலைத்துறையினர் பிறரின் குறைகளைப் பெரிதுபடுத்த வேண்டாம். பெண்கள் சேமிப்பில் கவனம் செலுத்துவார்கள். மாணவர்கள் யோகா கற்றுகொள்வார்கள்.

சந்திராஷ்டமம்}29,30.

மிதுனம் (மிருகசீரிஷம் 3ம் பாதம் முதல் திருவாதிரை,புனர்பூசம் 3-ம் பாதம் முடிய)

குடும்பத்தில் பிறரின் கருத்துகளுக்கு மதிப்பு கொடுப்பீர்கள். நெடுநாள் ஆசை நிறைவேறும்.  பணவரவு உண்டு.  உத்தியோகஸ்கர்கள் வேலைகளைச் சலிப்படையாமல் செய்து முடிப்பார்கள். 

வியாபாரிகள் நண்பர்களிடம் எச்சரிக்கையுடன் பழகவும். விவசாயிகள் பூச்சிகொல்லிகளைச் சரியாகப் பயன்படுத்தவும். அரசியல்வாதிகளுக்கு எதிரிகளால் சிறுதொல்லை ஏற்படலாம். 

கலைத்துறையினருக்கு புதிய ஒப்பந்தங்களில் தக்க வருமானம் கிடைக்கும்.  பெண்கள் குடும்பத்தில் மழலைச் செல்வங்கள் உண்டாகும். பெற்றோரின் எண்ணங்களை மாணவர்கள் நிறைவேற்றுவார்கள்.

சந்திராஷ்டமம்}31,1,2.

கடகம் (புனர்பூசம் 4-ம் பாதம் முதல் பூசம், ஆயில்யம் முடிய)

வருவாய் அதிகரிக்கும்.  குடும்பச் செலவும் கூடும். பேச்சால் பிறரைக் கவருவீர்கள். எதிர்பார்த்த இடங்களில் உதவிகள் கிடைக்கும்.  உத்தியோகஸ்தர்கள் சக ஊழியர்களின் ஆதரவால் மகிழ்ச்சி அடைவார்கள். வியாபாரிகள் வருவாயைப் பெருக்க முயற்சிப்பார்கள். 

விவசாயிகளுக்கு விளைபொருள் விற்பனையில் லாபம் அதிகரிக்கும். அரசியல்வாதிகளுக்கு எதிரிகளால் பலம் குறையும். கலைத்துறையில் சிக்கனமாக இருப்பார்கள். பெண்களுக்கு தாய்வழி உறவினர்களால் நன்மை உண்டாகும். மாணவர்களுக்கு எதிர்பார்த்த மதிப்பெண்கள் கிடைக்கும்.

சந்திராஷ்டமம் -3.

சிம்மம் (மகம், பூரம்,  உத்திரம் முதல் பாதம் முடிய)

வாகனங்களை வாங்குவீர்கள்.  உடன் இருப்போர் புரிந்துகொள்ளும் நேரம் உண்டாகும். சுப நிகழ்ச்சிகள் நடைபெறும். உத்தியோகஸ்தர்களுக்கு உழைப்புக்கேற்ற நற்பெயர் கிடைக்கும். 

வியாபாரிகள் கூட்டாளிகளிடம் மனம் திறந்து பேசுவார்கள். விவசாயிகளுக்கு புதிய குத்தகைகளை எடுக்கும் சந்தர்ப்பம் கிடைக்கும். அரசியல்வாதிகளுக்கு கட்சி மேலிடத்தில் செல்வாக்கு உயரும்.

கலைத்துறையினருக்கு மகிழ்ச்சியான தருணங்கள் உண்டாகும். பெண்கள் கணவருடன் நன்முறையில் நடப்பார்கள். மாணவர்கள் கல்வியில் உற்சாகத்துடன் இருப்பார்கள்.

சந்திராஷ்டம்}இல்லை.

கன்னி (உத்திரம் 2-ம் பாதம் முதல் அஸ்தம், சித்திரை 2-ம் பாதம் முடிய)

உடல் ஆரோக்கியத்தையும் மனோபலத்தையும் அதிகரித்துக் கொள்வீர்கள். தொழிலை விரிவாக்கம் செய்வீர்கள்.  

உத்தியோகஸ்தர்கள் தங்கள் பணிகளில் முழு திறமைகளை வெளிப்படுத்துவார்கள்.

வியாபாரிகளுக்கு வியாபாரத்தைப் பெருக்கும் யோகம் உண்டு.  விவசாயிகள் கறவை மாடுகளை வாங்கி, வியாபாரம் செய்வார்கள். 

அரசியல்வாதிகள் அவசர முடிவுகளைத் தவிர்க்கவும். கலைத்துறையினருக்கு புதிய வாய்ப்புகள் தேடி வரும்.

பெண்கள் உபரி வருவாயை தரும காரியங்களுக்குச் செலவழிப்பர்.  மாணவர்கள் கடின முயற்சிகளால் புதிய சாதனைகளுக்கு வித்திடுவார்கள்.

சந்திராஷ்டம் - இல்லை.

துலாம் (சித்திரை 3-ம் பாதம் முதல் சுவாதி, விசாகம் 3-ம் பாதம் முடிய)

பொருளாதார நிலைமை படிப்படியாக உயரும். பேசும்போது அநாவசியமான வார்த்தைகளைப் பயன்படுத்த வேண்டாம். பங்கு வர்த்தகத்தில் லாபம் கிடைக்கும்.  உத்தியோகஸ்தர்களுக்கு பொறுப்பு நிறைந்த பணிகள் கிடைக்கும். 

வியாபாரிகளின் எதிர்பார்ப்பு நிறைவேறும். விவசாயிகளுக்கு புதிய குத்தகை கிடைக்கும்.  அரசியல்வாதிகள் தங்கள் பணிகளை சிரமத்துடன் செய்து முடிப்பார்கள்.  

கலைத்துறையினருக்கு வருவாய் குறைவாகவே இருக்கும். பெண்கள் மனக் குழப்பங்களிலிருந்து விடுபடுவார்கள். மாணவர்கள் புதிய செயல்களில் புத்துணர்ச்சி பெறுவார்கள்.

சந்திராஷ்டம்- இல்லை.

விருச்சிகம் (விசாகம் 4-ம் பாதம் முதல் அனுஷம், கேட்டை முடிய)

கனவுகள் நினைவாகும். குடும்பத்தில் ஒற்றுமை ஓங்கும். பூர்விகச் சொத்துகளில் வருவாய் வரத் தொடங்கும். புதிய முயற்சிகளில் ஈடுபடுவீர்கள். 

உத்யோகஸ்தர்கள் தங்களது வேலையில் வெற்றி பெறுவார்கள். வியாபாரிகளுக்கு பழைய கடன் வசூலாகும். விவசாயிகள் மாற்றுப் பயிர்களால் நல்ல பலன்களைப் பெறுவார்கள்.  

அரசியல்வாதிகள் உள்கட்சிப் பூசலைச் சமாளித்து முன்னேறுவார்கள். கலைத்துறையினருக்கு புதிய வாய்ப்புகள் கிடைக்கும். பெண்கள் புதிய ஆடைகளை வாங்குவார்கள். மாணவர்கள் நல்ல மதிப்பெண்களைப் பெறுவார்கள்.

சந்திராஷ்டமம்} இல்லை.

தனுசு (மூலம், பூராடம், உத்திராடம் முதல் பாதம் முடிய)

கடமைகளை சரியான முறையில் ஆற்றுவீர்கள். தடைகள் விலகும். சரியான முடிவுகளை எடுப்பீர்கள்.  தன்னம்பிக்கையும் தனித்திறமையும் கூடும். உத்தியோகஸ்தர்கள் சக ஊழியர்களிடம் வீண் வாக்குவாதங்களைத் தவிர்க்கவும்.  வியாபாரிகள் புதிய இடங்களுக்கு கடைகளை விரிவுபடுத்துவார்கள். விவசாயிகள் பாசன வசதிகளுக்குச் செலவு செய்வார்கள். 

அரசியல்வாதிகள் தொண்டர்களை அரவணைத்துச் செல்லவும். கலைத்துறையினர் ரசிகர் மன்றங்களுக்குச் செலவு செய்வார்கள். மாணவர்கள் உள்ளரங்கு விளையாட்டுகளில் வெற்றி பெறுவார்கள்.

சந்திராஷ்டமம்} இல்லை.

மகரம் (உத்திராடம் 2-ம் பாதம் முதல் திருவோணம், அவிட்டம் 2-ம் பாதம் முடிய)

சுப நிகழ்ச்சிகள் நடைபெறும். கோயில் திருப்பணிகளில் ஈடுபடுத்திக் கொள்வீர்கள். மதிப்பும் மரியாதையும் உயரும். உத்தியோகஸ்தர்கள் கேலிப் பேச்சுகளுக்கு மதிப்பு அளிக்க வேண்டாம். 

வியாபாரிகள் வங்கிக் கடன்களை வாங்குவார்கள். விவசாயிகளுக்கு கால்நடைகளால் நன்மை உண்டாகும். அரசியல்வாதிகள் சுறுசுறுப்பாகக் கட்சிப் பணியாற்றுவார்கள். 

கலைத்துறையினர் சகக் கலைஞர்களுடன் இணக்கமாக உழைக்க வேண்டியிருக்கும். பெண்கள் பெற்றோரின் ஆதரவைப் பெறுவார்கள். மாணவர்கள் ஆசிரியர்களின் அறிவுரைகளைக் கேட்டு நடப்பார்கள்.

சந்திராஷ்டமம்} இல்லை.

கும்பம் (அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய)

வருவாய் குறைவாக இருந்தாலும் கடன் வாங்க நேரிடாது. உடன்பிறந்தோர் பாராமுகமாகவே இருப்பார்கள். உத்தியோகஸ்தர்கள் தங்களது தவறுகளைத் திருத்திக் கொண்டு செயல்படுவார்கள். 

வியாபாரிகள் போட்டிகளிலிருந்து விலகி, தனித்து வியாபாரம் செய்வார்கள். விவசாயிகள் பூச்சிக்கொல்லி மருந்துகளுக்குச் செலவழிக்க நேரிடும். 

அரசியல்வாதிகள் பொறுப்புகளை உணருவார்கள். கலைத்துறையினர் நேரத்தை வீணாக்காமல் உழைத்தால், ஒப்பந்தங்களை முடிக்கலாம். பெண்கள் முன்கோபம் காட்ட வேண்டாம். மாணவர்களின் திறமை வீண் போகாது.

சந்திராஷ்டமம் - இல்லை.

மீனம் (பூரட்டாதி 4-ம் பாதம் முதல் உத்திரட்டாதி, ரேவதி முடிய)

பணிகளில் தனி முத்திரையைப் பதிப்பீர்கள்.  வழக்குகளிலிருந்து விடுபடுவீர்கள். மருத்துவச் செலவுகள் இருக்காது.  

உத்தியோகஸ்தர்கள் தங்களது பணிகளைக் குறித்த காலத்துக்குள் செய்து முடிப்பார்கள்.

வியாபாரிகள் பழைய கடன்களை அடைப்பார்கள். விவசாயிகளுக்கு கால்நடை பராமரிப்புச் செலவு கூடும்.  

அரசியல்வாதிகள் சிறிய தூரப் பயணங்களைச் செய்வார்கள். கலைத்துறையினர் பாராட்டுகளைப் பெறுவார்கள். பெண்களுக்கு மனநிறைவு ஏற்படும். மாணவர்கள் பெற்றோரின் மனநிலையை உணர்ந்து செயல்படுவார்கள்.

சந்திராஷ்டமம்} இல்லை.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com