பெருநகர சென்னை மாநகராட்சி 7-ஆவது மண்டலம் 83-ஆவது வார்டு வெற்றி நகரில் உள்ள தெருக்களின் இறுதியில் பெயர்ப் பலகைகள் வைக்கப்படவில்லை. மிகவும் வேகமாக வளர்ச்சியடைந்து வரும் இந்தப் பகுதியில் ஏராளமான உயரதிகாரிகள் வசிக்கின்றனர். பெயர்ப் பலகைகள் வைக்கப்படாதது குறித்து பெருநகர மாநகராட்சி புகார் எண்ணிற்கும், சம்பந்தப்பட்ட அதிகாரிகளுக்கும் பலமுறை புகார்கள் அளித்தும், கடந்த இரண்டாண்டுகளாக எந்த முன்னேற்றமும் காணப்படவில்லை. வெற்றி நகரில் உள்ள அனைத்துத் தெருக்களிலும் பெயர்ப் பலகைகள் வைக்க சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும்.
கோதை ஜெயராமன், மீஞ்சூர்.