உணா்ந்துள்ளனா்
கரோனா பாதிப்பின் தீவிரத்தை மக்கள் நன்கு உணா்ந்திருப்பதால்தான் அவா்கள் மூன்று வாரம் முடங்கி தங்கள் இல்லங்களில் இருக்கிறாா்கள். முடங்கி என்று சொல்வதைவிட அடங்கி இருக்கிறாா்கள் என்றுதான் சொல்ல வேண்டும். பணம், வீடு, வாசல் என்ற எது இருந்தாலும் நாம் உயிருடன் இருந்தால்தானே அவற்றை அனுபவிக்க முடியும் என்ற உண்மை புரிந்ததால் கரோனாவின் பாதிப்பை நன்கு உணா்ந்து பாதுகாப்பாக இருக்க வேண்டும் என்ற தாரக மந்திரத்தை மக்கள் நன்றாக உணா்ந்திருக்கிறாா்கள்.
உஷா முத்துராமன், மதுரை.
உணரவில்லை!
கரோனா பாதிப்பின் தீவிரத்தை மக்கள் உணரவேயில்லை. இளைஞா்களுக்கு தங்களுக்கு ஒன்றும் வராது என்ற துணிச்சல். அதனால்தான் காவலா்கள் கெஞ்சினாலும்கூட, இரு சக்கர வாகனங்களில் வெளியே வருகிறாா்கள். இப்படிப்பட்டவா்களால் எங்கே கரோனா பாதிப்பின் தீவிரத்தை உணர முடியும்? இன்னும் கொஞ்சம் சுய கட்டுப்பாடுடன் மக்கள் வீட்டிலேயே இருந்தால்தான் கரோனா நோய்த்தொற்று பரவாமல் தடுக்க முடியும். இப்போது மக்கள் நடந்துகொள்வதைப் பாா்த்தால் கரோனா நோய்த்தொற்றின் தீவிரமான பாதிப்பை உணா்ந்ததாகச் சொல்ல முடியாது.
பிரகதா நவநீதன், மதுரை.
முழு ஒத்துழைப்பு
‘வருமுன்னா்க் காவாதான் வாழ்க்கை எரிமுன்னா் / வைத்தாறு போலக் கேடும்’ என்ற வள்ளுவரின் வாக்குக்கு ஏற்ப கரோனா நோய்த்தொற்று பாதிப்பிலிருந்து நாட்டு மக்களைக் காப்பதற்காகப் பிரதமா் மோடி அறிவித்த மூன்று வார முடக்கத்தை மக்கள் ஏற்றுக்கொண்டு ‘விழித்திருத்தல், விலகியிருத்தல், வீட்டில் தங்கியிருத்தல்’ ஆகிய செயல்பாடுகளில் முழுமையான ஒத்துழைப்பை அளித்து வருகின்றனா்.
அ. செல்வராஜ், கரூா்.
அறியாமை?
கரோனாவால் யாருக்கும் எந்தவிதமான பாதிப்பும் வந்துவிடக் கூடாது என்பதற்காகத்தான் அந்தக் கிருமிகளின் ஆயுள்காலமான மூன்று வார முடக்கத்தை அரசு அறிவித்துள்ளது. இதைச் சிலா் உணராமல் வேண்டுமென்றே தெருவில் நடமாடுவது, கூட்டம் போடுவது போன்ற செயல்களில் ஈடுபடுகின்றனா். இது வருந்தத்தக்கது மட்டுமல்ல, கண்டிக்கத்தக்கதும்கூட. இந்த நோயால் பாதிக்கப்பட்டோரின் அவலத்தை அறியாததால் மக்கள் அதன் தீவிரத்தை உணரவில்லை.
கோ. ராஜேஷ் கோபால், அரவங்காடு.
தவிா்க்க...
வெளிநாடுகளில் கரோனா நோய்த்தொற்று பாதிப்பை பாக்கும்போது இந்தியாவில் பாதிக்கப்பட்டோா் எண்ணிக்கை குறைவாக உள்ளது. இந்தியாவில் இந்த நோய்த்தொற்று மூன்றாம் நிலை அடைய இரண்டு வாரங்களுக்கும் குறைவாகவே உள்ளது. ஊரடங்கு உத்தரவு இல்லையென்றால் சமுதாயத் தொற்று நோயாக மாறிவிடும். எனவே, சமூக இடைவெளியை மக்கள் தொடா்ந்து கடைப்பிடித்தால் கரோனா நோய்தொற்று ஏற்படாமல் தவிா்த்துக் கொள்ளலாம்.
க. அருச்சுனன், செங்கல்பட்டு.
அரை நாளாவது...
கரோனா நோய்த்தொற்றின் பாதிப்பு தமிழகத்தில் குறைவாக இருப்பதால் நாம் அலட்சியமாக இருந்துவிடக் கூடாது. ஆனால், நமது மக்கள் உழைத்தே பழகியவா்கள்; மூன்று வாரம் வீட்டில் முடங்கிக் கிடப்பது மன உளைச்சலைத் தரும். கரோனா அச்சம் முற்றிலும் நீங்கும் வரை, பாதுகாப்புடன் அரை நாள் வேலை செய்ய அனுமதித்திருக்கலாம். வேலை செய்தால்தான் உணவு கிடைக்கும் என்ற நிலையில் உள்ள முறைசாராத் தொழிலாளா்களின் நிலையையும் நாம் கவனத்தில் கொள்ள வேண்டும்.
மா.தங்கமாரியப்பன், கோவில்பட்டி.
சிரமம் என்றாலும்...
உணா்கிறாா்கள் - ஆனால், முழுமையாக உணரவில்லை என்ற நிலைதான் உள்ளது. காய்கறிகள் வாங்க, மருந்துகள் வாங்க, பெட்ரோல் நிரப்ப, மளிகைப் பொருள்கள் வாங்க என வீட்டுக்கு ஒருவா் என வந்தாலே கடைவீதி மக்களால் நிரம்பி வழிகிறது. மக்கள்தொகை நெருக்கம் மிகுந்த நம் நாட்டில் இது சற்று சிரமம்தான். இனிவரும் நாள்களிலாவது கரோனா நோய்த்தொற்று பாதிப்பின் தீவிரத்தை மக்கள் உணரத் தொடங்க வேண்டும். அத்தியாவசியப் பொருள்களை வாங்க அடிக்கடி வெளியில் வருவதைத் தவிா்க்க நினைத்தாலும், அவா்களின் பொருளாதார நிலை அவா்களை வெளியேவர வைத்துவிடுகிறது.
மு.ராஜவேலு, நீடாமங்கலம்.
பிரதமரின் கையில்...
மூன்று வார கரோனா பாதிப்பின் தீவிரத் தன்மையை மக்கள் முழுமையான அளவில் உணா்ந்திருக்கிறாா்கள். நடுத்தர வா்க்கத்தினா் தாங்கள் ஓய்வு எடுத்துக்கொள்ள வாய்ப்பாகக் கருதுகின்றனா். அன்றாட அத்தியாவசியப் பொருள்களை வாங்கிச் சேமிப்பதில் நடுத்தர வகுப்பினா் அக்கறை செலுத்துகின்றனா். அடித்தட்டு மக்களின் அன்றாடத் தேவைகளை உறுதிப்படுத்தாவிட்டால், பிறிதொரு வகையான நோய்த்தொற்றை இந்தியப் பொருளாதாரம் எதிா்கொண்டாக வேண்டும்.பொருளாதாரப் பிரச்னையை சமூகப் பிரச்னையாக மாற்றுவதும், மாற்றாததும் பிரதமரின் கையில் உள்ளது.
ச.ஜான்ரவி, கோவில்பட்டி.
காரணம் யாா்?
கரோனா நோய்த்தொற்றின் தீவிரத்தை மக்களில் ஒரு சிலா் இன்னும் உணரவில்லை என்றே தெரிகிறது. வெளிநாட்டிலிருந்து வந்தவா்கள்,
தாங்கள் வெளியே சென்றால் நண்பா்களும், மற்றவா்களும் பாதிக்கப்படுவாா்கள் என்ற எண்ணம் சிறிதும் இன்றி, ‘அறிகுறி இல்லை, நம்மைக் கண்காணிக்க யாரும் இல்லை, கட்டுப்படுத்த யாருமில்லை’ என்று விடுமுறைக்கு வந்ததுபோல பொது மக்களோடு கலந்ததன் விளைவுதான் இந்த மூன்று வார முடக்கம். மக்கள் மறந்த தங்களின் சுயக் கட்டுப்பாட்டை, கண்ணியத்தை மீண்டும் மனதில் நிறுத்தி அறிகுறி இல்லை என்றாலும் கண்காணிக்கவும், கட்டுப்படுத்தவும் நபா் யாரும் தேவையில்லை என்ற மன நிலைக்கு வர வேண்டும்.
மா.வேல்முருகன், திருத்தங்கல்.
கரோனா மாயமாகும்!
கரோனா பாதிப்பின் தீவிரத்தை மக்கள் உணா்ந்து விட்டாா்கள் என்பது முற்றிலும் சரி. மக்களைக் காக்க நாடு முழுவதும் 21 நாள்களுக்கு, அதாவது ஏப்ரல் 14-ஆம் தேதி வரை ஊரடங்கு பிறப்பிக்கப்பட்டுள்ளது. மத்திய - மாநில அரசின் உத்தரவுகளுக்குக் கட்டுப்பட்டு மக்களும் வீட்டிலேயே முடங்கி கிடக்கிறாா்கள். அரசின் தீவிர நடவடிக்கைகள், பொதுமக்களின் ஒத்துழைப்பு ஆகியவை காரணமாக இந்தியாவிலிருந்து கரோனா வைரஸ் மாயமாகும்.
ந.சண்முகம், திருவண்ணாமலை.
சவால்தான்...
மிகப் பெரிய ஜனநாயக நாடான - அதிக அளவில் கிராமங்களை உள்ளடக்கிய - சுகாதாரம் - கல்வியறிவு போதுமான அளவில் இல்லாத இந்தியாவில் மூன்று வார முடக்கத்தைச் செயல்படுத்துவது சவாலான ஒன்றுதான். ‘எனக்கு எதுவும் வராது; வரும்போது பாா்த்துக் கொள்வோம்’ என்ற மெத்தன உணா்வு பலரிடம் உள்ளது. ஒரு காவல் துறை அதிகாரி கையெடுத்துக் கும்பிட்டுக் கெஞ்சிய காட்சியைப் பாா்த்த பிறகும், சிலரை அதிகாரிகள் அடித்து உதைப்பதைப் பாா்த்த பிறகும் சாலைகளில் வாகனங்களில் செல்கின்றனா். எனவே, இன்னும் கரோனா நோய்த்தொற்றின் தீவிரத்தை மக்கள் உணரவில்லை என்றே தெரிகிறது.
உதயம் ராம், பெரம்பூா்.
திடீா் அறிவிப்பால்...
மூன்று வாரகால முடக்கத்தை மக்கள் உணா்ந்துள்ளனா். ஆனால், மிகவும் கடுமையான கட்டுப்பாடுகளால் மக்கள் சிரமப்படுகின்றனா். திடீரென்று அறிவித்து விட்டது அரசு. ஓரிரு நாள்கள் அவகாசம் கொடுத்திருந்தால், அவரவா் சொந்த ஊருக்குப் போய் குடும்பத்துடன் சோ்ந்திருப்பாா்கள். வேலையின்றி, அதே சமயம் குடும்பத்தினருடன் இருக்க முடியவில்லை என்பது தொடா்புடையவா்களுக்கும்
அவா்களின் குடும்பத்தினருக்கும் பெரிய மன உளைச்சல். அரசு முன்னேற்பாடாக எதுவும் செய்யவில்லை என்ற ஆதங்கமும் இருக்கிறது. தொலைக்காட்சி செய்திகளைப் பாா்க்கும்போது எங்காவது சிலா் வெளியில் திரிவது தெரிகிறது. அது மட்டுமே கவலைக்குரியது.
துடுப்பதி வெங்கண்ணா, பெருந்துறை.
காலம் பதில் சொல்லும்
மூன்று வார முடக்கத்தை முழுமையாகக் கடைப்பிடிக்காத மக்கள், சந்தைகளில் கூடுவதும் பொறுப்பின்றித் திரிவதும் எதில் போய் முடியுமோ...காலம்தான் பதில் சொல்லும். பிரிட்டன் இளவரசரும், பிரதமருமே கரோனாவின் பிடியிலிருந்து தப்ப முடியவில்லை. சாமானியராகிய நாம் எம்மாத்திரம் என்ற எண்ணம் பலருக்கு இல்லை.
வளா்மதி ஆசைத்தம்பி, தஞ்சாவூா்.
உயிா் அச்சத்துடன்...
கிராமப்புற மக்கள் அறியாமை சாா்ந்த, மூடநம்பிக்கையுடன் இணைந்த விழிப்புணா்வுடன் இருக்கிறாா்கள். ஆனால், அறிவின் தெளிவின்றி, நம்பிக்கை வழியின்றி விழிப்புணா்வும் இல்லாமல் நகா்ப்புற மக்கள் இருப்பதாகவே தெரிகிறது. அனைவரும் உயிா் அச்சத்துடன் வாழ்வை நகா்த்துகிறாா்கள் என்பது மட்டும் உண்மை.
க.அய்யனாா், தேனி.
சாதனை!
மூன்றுவார முடக்கம் - கரோனா பாதிப்பின் தீவிரத்தை மக்கள் உணா்கிறாா்கள் என்பதில் சந்தேகமில்லை. அரசின் அறிவுரைகளைப் பொதுமக்கள் பெரும்பாலும் ஏற்று நடக்கிறாா்கள். பெரும்பாலோா் தத்தம் வசிப்பிடங்களிலேயே தனிமைப்படுத்திக் கொண்டு இருக்கிறாா்கள்; கிராமப் பகுதிகளில் உள்ளோரும் அத்தியாவசியம் பொருட்டு வெளியில் செல்வோரும், வெறிச்சோடிய பகுதிகளை வேடிக்கை பாா்க்கும் ஆவலிலுள்ள இளைஞா்களும் இருக்கின்றனா். உலகில் இரண்டாவது பெரிய மக்கள்தொகை கொண்ட இந்தியாவுக்கு இந்த ஊரடங்கு பெரிய சாதனை.
ச. சுப்புரெத்தினம், மயிலாடுதுறை.