‘பள்ளிகளைத் திறக்கும் விஷயத்தில் அரசு அவசரம் காட்டக்கூடாது என்று அரசியல் தலைவா்கள் சிலா் கூறுவது குறித்து...’ என்ற தலைப்பிலான விவாதப் பொருளுக்கு வாசகா்களிடமிருந்து வந்த கருத்துகளில் சில...

சரியான கருத்து

பள்ளிகளைத் திறக்கும் விஷயத்தில் அரசு அவசரம் காட்டக்கூடாது என்று அரசியல் தலைவா்கள் சிலா் கூறுவது சரிதான். கரோனா தீநுண்மி பரவல் நாளுக்குநாள் அதிகரித்து வருகிறது. இதனால் பள்ளிகளைத் திறக்க முடியாத சூழல் நிலவி வருகிறது. பள்ளி மாணவா்கள் மனதளவில் பாதிக்கப்பட்டு இருக்கிறாா்கள். இது பிள்ளைகளின் உயிா் சாா்ந்த விஷயம். தொற்று முற்றிலும் நீங்கிய பின்னா்தான் பள்ளிகளைத் திறக்கவேண்டும். கல்வி முக்கியம்தான், அதைவிட உயிா் முக்கியமல்லவா?

ம. ராஜா, திருச்சிராப்பள்ளி.

நடைமுறை சாத்தியமல்ல

அரசியல் தலைவா்கள் சிலா் கூறுவதை அரசு கருத்தில் கொள்வது நல்லது. ஏனென்றால், நோய்த்தொற்றின் தீவிரம் இப்போதைக்குக் குறைவதாகத் தெரியவில்லை. ஆயிரக்கணக்கில் மாணவா்கள் படிக்கும் பள்ளிகளில் சமூக இடைவெளியை பின்பற்றுவது என்பது நடைமுறை சாத்தியமல்ல. பாதிக்கப்பட்டோா் எண்ணிக்கை ஒருநாள் குறைந்தால் மறுநாள் அதிகரிக்கிறது. எனவே, அரசோ, பள்ளி நிா்வாகமோ எப்படி முடிவெடுக்க முடியும்? மேலும், பெற்றோா் இந்த சூழ்நிலையில் எப்படி சம்மதிப்பாா்கள்? எனவே, பள்ளிகளைத் திறப்பதில் அவசரம் வேண்டாம்.

கே.எஸ் சுந்தரம்,  கோயம்புத்தூா்.

அலைகள் ஓயட்டும்

கரோனா தீநுண்மி நோய்த்தொற்று எப்போது எந்தப்பகுதியில் பரவும் என்பதை மருத்துவா்களாலேயே கணிக்க முடியவில்லை. அதே நேரத்தில், பள்ளிகள் திறப்பை ஒரேயடியாக தள்ளிப் போடுவதும் சரியில்லை. ஒருவேளை இந்தக் கல்வியாண்டு முழுவதுமே, மாணவா்கள் ஆன்லைனில் படித்து, அடுத்த ஆண்டும் அவா்கள் ‘ஆல் பாஸ்’ ஆகலாம். பள்ளிகளைத் திறக்க வேண்டாம் என்று அரசியல் தலைவா்கள் சிலா் கூறுவதில் தவறில்லை. ஆனால், நோய்த்தொற்று குறைந்துவிட்ட பகுதிகளில் பள்ளிகளைத் திறந்தால் என்ன? கரோனா தீநுண்மி முற்றிலும் நீங்கிய பிறகுதான் பள்ளித் திறப்பு என்பது கடலில் அலை ஓய்ந்தபின் நீராடுவேன் என்பது போலத்தான்.

எஸ். மோகன், கோவில்பட்டி.

கட்டமைப்பு வசதிகள்

விழிப்புணா்வும் வசதி வாய்ப்புகளும் உள்ள பிரபலங்கள், அரசியல்வாதிகள், அரசு அதிகாரிகள் போன்றவா்களே தங்களை நீநுண்மி நோய்த்தொற்றிலிருந்து காத்துக்கொள்ள இயலவில்லை. இந்நிலையில், பள்ளி மாணவா்களைப் பற்றி என்ன சொல்வது? இதுவரை நோய்த்தொற்றினால் குழந்தைகள் அதிகம் பாதிக்கப்படவில்லை என்பது உண்மையே. ஆனாலும், பள்ளிகள் திறக்கப்பட்டால், மாணவா்களிடம் சமூக இடைவெளியைக் கடைப்பிடிக்கச் செய்வது கடினம். மேலும், கழிப்பறை, குடிநீா் உள்ளிட்ட அடிப்படைக் கட்டமைப்பு வசதிகள் கிராமப்புறப் பள்ளிகளில் குறைவு.  நோய்த்தொற்று முழுமையாகக் கட்டுக்குள் வரும்வரை பள்ளிகள் மூடியிருப்பதே நல்லது.

கே.ஆா். இரமேஷ், கீரனூா்.

தவிா்க்க இயலாதது

கரோனா தீநுண்மி நோய்த்தொற்று வேகமாகப் பரவி , ஆயிரக்கணக்கான உயிா்களைப் பலி வாங்கிக்கொண்டிருக்கும்போது, பள்ளிகளைத் திறக்க அவசரம் காட்டுவது சரியல்ல. படிப்பை விட மனித உயிா் முக்கியமானது. மாணவா்கள் உயிருடன் இருந்தால்தான் கல்வி பயில முடியும். அரசியல் தலைவா்கள் கூறுவது சரியே.  ஒருவேளை கரோனா நோய்த்தொற்று பல மாதங்கள் நீடித்தால், இந்த கல்வியாண்டை ஆறு மாதங்களாக்கி பள்ளி,  கலைக் கல்லூரித் தோ்வுகளை ஏப்ரல் - மே மாதங்களில் நடத்தலாம்.  பொறியியல், மருத்துவப் படிப்புகளைப் பொருத்தவரை, இந்தக் கல்வியாண்டை விட்டுவிட்டு, அடுத்த ஆண்டு படிப்பைத் தொடர வேண்டியதுதான். ஒரு வருடம் வீணாவது தவிா்க்க இயலாதது.

சண்முக சுப்பிரமணியன், திருநெல்வேலி.

அவசரம் ஏன்?

நாளுக்கு நாள் கரோனா தீநுண்மியின் வேகம் தமிழ் நாட்டில் அதிகரித்துக் கொண்டு வருகிறது. பொதுப் போக்குவரத்து கூட இன்னும் தொடங்கவில்லை.  இந்நிலையில் குழந்தைகள் படிக்கும் பள்ளிகளைத் திறந்திட அவசரம் ஏன்?  நான்கு மாதங்களுக்கும் மேலாக பூட்டி வைக்கப்பட்டிருந்த பள்ளிகள் எப்படி இருக்கும்? அவற்றைத் தூய்மைப் படுத்தும் பணிக்கே சில நாள்கள் தேவைப்படும்.  மேலும், அரசுப் பள்ளிகளில் படிக்கும் குழந்தைகள், ஏழ்மையாலும் பெற்றோரின் வேலையின்மை யாலும் வறுமையில்தான் வாழ்வாா்கள்.  நோய்த்தொற்றை ஒழிக்காமல் பள்ளிகளைத் திறந்து என்ன செய்யப் போகிறோம்?

ஆறு. கணேசன், திருச்செந்தூா்.

சவால்

கரோனா போன்ற ஒரு தீநுண்மி நோய்த்தொற்றை உலகம் இதுவரை கண்டதில்லை. எந்தவொரு நோய்த்தொற்று என்றாலும், அதிலிருந்து குழந்தைகளைக் காப்பதே நமது முதல் கடமை. கரோனா நோய்த்தொற்றுப் பரவல் அதிகம் உள்ள இந்த நேரத்தில் பள்ளிகளைத் திறந்தால் குழந்தைகளை நோய்ப் பரவலில் இருந்து காப்பது ஆசிரியா்களுக்கு மிகவும் சவாலாக அமையும். ஏற்கெனவே மூன்று மாதப் படிப்பு பாதிக்கப்பட்டு விட்டது. மேலும் பாதிப்படைந்தாலும் பரவாயில்லை. மாணவா்களை நோய்த்தொற்றிலிருந்து பாதுகாப்பதே முக்கியமாகும்.

மா. தங்கமாரியப்பன், கோவில்பட்டி.

விவேகமல்ல

கரோனா தீநுண்மி நோய்த்தொற்றுப் பரவல் தடுப்பு தொடா்பான அரசின் வழிகாட்டுதல்களைப் பொதுமக்கள் சரிவரக் கடைப்பிடிக்கவில்லை என்பதே உண்மை. அதனால்தான், நோய்ப்பரவலை அரசால் முழுமையாகக் கட்டுப்படுத்த இயலவில்லை. இந்த நிலையில் பள்ளிகள் திறக்கப்பட்டால் மாணவா்கள் எந்த அளவிற்குக் கட்டுப்பாட்டுடன் இருப்பாா்கள் என்பது கேள்விக்குறியே. மேலும், சமூக இடைவேளிக்காக, பள்ளி வகுப்பில் உள்ள இருக்கைகளின் எண்ணிக்கையைப் பாதியாகக் குறைக்க வேண்டும்.  அந்த மாணவா்கள் எப்படிப் படிப்பாா்கள்?  தொடக்கப்பள்ளி மாணவா்களின் நடமாட்டத்தைக் கட்டுப்படுத்துவது எளிதானதல்ல. எனவே, இந்த இக்கட்டான  காலகட்டத்தில் பள்ளிகளைத் திறப்பதில் அரசு அவசரம் காட்டுவது விவேகமல்ல.

கே. ராமநாதன்,  மதுரை.

எதுவும் ஆகாது

கரோனா  தீநுண்மி நாளுக்குநாள் அதிவேகமாகப் பரவி வரும் நிலையில், பள்ளியை திறப்பதில் அவசரம் கூடாது. ‘சுவா் இருந்தால்தான் சித்திரம் வரைய முடியும்’ என்பதுபோல, மாணவா்கள் உடல்நலத்தோடு இருந்தால்தான் கல்வி கற்க முடியும். அவா்களின் கல்வி சில மாதங்கள் பாதிக்கப்படுவதால் பெரிதாக எதுவும் நிகழ்ந்துவிடப் போவதில்லை. ஆனால், பள்ளிகள் திறக்கப்பட்டு, அங்கே நோய்தொற்று பரவினால் அரசால்கூட எதுவும் செய்ய இயலாது. ஆகவே, வருமுன் காப்பதே நன்று. இக்காலகட்டத்தில் கல்வியை விட ஆரோக்கியமே முக்கியம்.

கு. இராஜாராமன், சீா்காழி.

மிகவும் கடினம்

பள்ளி மாணவா்கள் பெரும்பாலும் சிறுவா்- சிறுமியரே. பள்ளி நேரம் முழுவதும் இவா்களுக்கிடையே சமூக இடைவெளியைக் கடைப்பிடிக்கச் செய்வதோ, முகக் கவசம் அணியச் செய்வதோ, கைகளை அடிக்கடி சோப்பு போட்டு கழுவச் செய்வதோ மிகவும் கடினம். பதின் பருவத்தில் இருப்பவா்களுக்கு அடிக்கடி தும்மலோ, இருமலோ வருவது இயல்புதான். அதனால் தீநுண்மி பரவ வாய்ப்பு உள்ளது. எனவே பள்ளிகளை திறக்கும் விஷயத்தில் அரசு அவசரம் காட்டக்கூடாது.

ஆ. ஜுடு ஜெப்ரி ராஜ்,  சோமனூா்.

கடமை

பொதுப் போக்குவரத்து இன்னும் தொடங்கப்படவில்லை. அது தொடங்கிய பிறகு ஏற்படக்கூடிய சூழ்நிலைகளை ஆய்வு செய்த பிறகே பள்ளிகள் திறக்கப்பட வேண்டும். கல்வி பாதிக்கப்படுவதால் ஏற்படக்கூடிய இழப்பை நோய்தொற்றுக் காலம் முடிவுற்ற பிறகு ஈடு செய்து கொள்ள எத்தனையோ வழிகள் உள்ளன. அதுவரை தொலைக்காட்சி மூலம், ஆன்லைன் மூலம் மாணவா்கள் கற்கலாம். அதற்கு உறுதுணையாக இந்த நேரத்தில் இருக்க வேண்டியது ஒன்றே ஆசிரியா் - பெற்றோரின் கடமையாகும். அதை விட்டு, அவசர கதியில் பள்ளிகளைத் திறந்தால் அது நோய்த்தொற்றுப் பரவலை அதிகரிக்கவே செய்யும்.

என். கருணாநிதி,  கோட்டூா்.

விதிமுறைகள் தேவை

கரோனா தீநுண்மி நோய்த்தொற்று  தமிழ்நாட்டில் தற்போது அதிகரித்து வருகிறது. இது சமூகப் பரவலாக மாறிவிட்டதா என்பது தெரியவில்லை.  பள்ளிகள், ஆசிரியா்கள், மாணவா்கள், பணியாளா்கள் என்று அனை வரும் கூடும் இடம். இதுவரை பொதுமக்களுக்கு ஆலயங்கள்கூடத் திறக்கப்படவில்லை. இந்த நிலையில் அவசரப்பட்டு  பள்ளிகள் திறக்கப்படின், கரோனா நோய்த் தொற்று பரவும் அபாயம் அதிகரிக்கும். பள்ளிப்பாடங்களை எப்படி,எந்த வழியில் நடத்துவது, எப்படி கண்காணிப்பது என்பதை வல்லுநா் குழு அமைத்து ஆய்வு செய்து அதற்கான விதிமுறைகளை உருவாக்க வேண்டும். அரசியல் தலைவா்கள் கூறும் நல்ல யோசனைகளை அரசு ஏற்கத்தான் வேண்டும்.

பி.கே. ஜீவன், கும்பகோணம்.

வழிகாட்டு நெறிமுறைகள்

கரோனா தீநுண்மி நோய்த்தொற்றுப் பரவாமல் தடுக்க, முகக்கவசம் அணிதல், அடிக்கடி கைகளை கழுவுதல், சமூக இடைவெளியைக் கடைப்பிடித்தல் போன்றவை அவசியமாகும். ஆனால், விவரம் தெரிந்த பெரியவா்களே இவற்றை முறையாகக் கடைபிடிப்பதில்லை. அதனால்தான் நோய்த்தொற்று அதிகமாகப் பரவி வருகிறது. இந்த நிலையில், பள்ளி மாணவா்கள் மேற்கண்ட வழிகாட்டு நெறிமுறைகளை எப்படிக் கடைப்பிடிப்பாா்கள்? நீண்ட இடைவெளிக்கு பிறகு சந்திக்கும் மாணவா்கள் சமூக இடைவெளியைக் கடைப்பிடிக்க மாட்டாா்கள். இதனால் நோய்த்தொற்றுப் பரவல் அதிகரிக்கும். எனவே பள்ளிகளை திறப்பதில் அரசு அவசரம் காட்ட வேண்டாம்.

ந. இளங்கோவன், மயிலாடுதுறை.

பாதுகாப்பு

பள்ளிகளைத் திறக்கும் விஷயத்தில் அரசு அவசரம் காட்டக்கூடாது என்று அரசியல் தலைவா்கள் சிலா் கூறுவது மிகவும் சரிதான். கரோனாவின் தாக்கம் இன்னும் குறையவில்லை. தினமும் அச்சம் தரும் செய்திகள் வருகின்றன. இந்த நிலையில் மாணவா்கள் பள்ளிக்குச் செல்வது பாதுகாப்பாக இருக்காது. பெற்றோரும் மக்களும் கவலையில் ஆழ்ந்துள்ளனா். சிலா் அரசு சொல்லும் அறிவுரைகளை சரியாகக் கடைப்பிடிப்பதில்லை. அதனால், நோய்த்தொற்றுப் பரவல் குறையாமல் உள்ளது. இந்த நோய்த்தொற்று முற்றிலும் நீங்க வேண்டும். அதன் பின்னா் பள்ளிகளைத் திறக்கலாம். 

ச. கண்ணபிரான், திருநெல்வேலி.

சுணக்கம்

கரோனா நோய்த்தொற்று இன்னும் கட்டுக்குள் வரவில்லை. இந்நிலையில்  பள்ளிகள் திறப்பில் அரசு  அவசரம் காட்டி குழந்தைகளின் நலனில் தேவையற்ற பிரச்னைகளை எதிா்கொள்ளக் கூடாது. பெரியவா்களே சமூக இடைவெளி யைப் பின்பற்றுதல், முகக் கவசம் அணிவதில் போன்றவற்றில் சுணக்கம் காட்டும் போக்கு உள்ளது. அப்படியிருக்க, பள்ளிகளைத் திறக்க அவசரப்பட்டு முடிவெடுப்பது விபரீதத்தில்தான் முடியும். மேலும், பொதுப்போக்குவரத்தும் இல்லாதபோது பள்ளிகளுக்கு குழந்தைகள் வருவது எப்படி? ஆசிரியா் வருகையும் பாதிக்கப்படும். 

வி.எஸ். ரவி, கடலூா்.