சுடச்சுட

    

    கங்குல் பொழுதில் கவினுறவே காட்சிதந்தே
    எங்கும் குளிரொளியை ஏற்றுகிறாய் - திங்களே!
    உன்னை வருணித்தே ஒப்பில்லாப் பாட்டியற்றி
    என்றும் புலவருனை ஏத்துகிறார் - நன்றாக!

    ஆலமர் செல்வன் அழகுமுடி மீதினிலே
    கோலமாய் வீற்றிருக்கும் கோதையே! - ஞாலத்தார்
    ஏற்றி உரைப்போர்க்கே ஏவல் புரிந்திடுவார்!

    போற்றிப் புகழ்கின்றேன் நானுன்னை! - ஏற்றருள்வாய்
    என்வணக்கம்! வெண்ணிலவே! இந்த உலகத்தில்
    நன்மைக்குப் பாடுபடும் நல்லவர் - உண்டெனிலே
    அன்னவர்பால் செல்வாய்! அறிமுகம் செய்தென்றன்
    அன்பை எடுத்துரைப்பாய் சந்திரனே! - 'உன்னிடத்தில்
    உள்ளம் இழந்தாள் ஒருத்தி இருக்கின்றாள்;

    கள்ளம் கபடமிலாள்; செந்தமிழாள் - வெள்ளத்தில்
    சிக்குண்டது போலச் சிதறுண்ட தாய்நாட்டை
    இக்கணமே மீட்டெடுக்க ஏகுவாய் - தக்கபடி
    மீட்டெடுத்துக் காப்பாற்றி மேதினியோர் போற்றுவண்ணம்
    நாட்டை அரசாள்வாய்; நல்லாளை - ஊட்டுமன்பால்
    கட்டி யணைத்துக் கரம்பிடித்து வாழ்ந்திடுவாய்;

    தட்டி விடவேண்டாம்' என்றுரைக்க - நட்பால்
    உனைத்தூ தனுப்ப உவந்தழைப்பேன்! நீதான்
    எனக்காகத் தூதுசெல் இன்று!

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai