Enable Javscript for better performance
வாழ்கையெனும் போர்க்களம்: அ.வேளாங்கண்ணி- Dinamani

சுடச்சுட

    

    வாழ்கை யெனும் போர்க்களம்
    வாழ்ந்து தான் பார்க்கலாம்
    முட்கள் கொண்ட படுக்கையே
    முயன்றால் கனவும் காணலாம்

    கற்கள் கொண்டு வீசுவோர்
    வழி நெடுக நிற்கலாம்
    சொற்கள் கொண்டு தாக்குவோர்
    வீண் பழியும் சுமத்தலாம்

    படைத்தவனும் நம் பக்கம்
    திரும்பிப் பார்க்க மறுக்கலாம்
    விடை தெரியா கேள்விகள்
    பின் தொடர்ந்தே துரத்தலாம்

    கஷ்ட மெனும் பெருமழை
    அடை மழையாய் பொழியலாம்
    இஷ்டம் கொண்ட நபரின்றி
    வாழ்வின் பாகம் கழியலாம்

    எவருக் கில்லை துன்பமே
    கண்ணீ ரில்லா வாழ்க்கையோ
    எதிர் நீச்சல் போட்டிட
    இன்பம் ஒருநாள் தழுவுமே

    தோல்வி கண்டு துவண்டிட்டால்
    வெற்றி எப்படி கைவரும்?
    துக்கம் விட்டு வராவிட்டால்
    பக்கம் வருமோ மகிழ்ச்சியே!

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai