Enable Javscript for better performance
ஒருமுறையேனும்: பாவலர் கருமலைத்தமிழாழன்- Dinamani

சுடச்சுட

    
    தண்ணீரே  வாராதத்  தெருக்கு  ழாய்கள்
                தாரின்றிக்  கல்குத்தும்  வீதிச்  சாலை
    மண்சேறாய்ச்  சாக்கடைநீர்  தேங்கும்  முற்றம்
                மறந்துமொளி  வீசாத   மின்கம்  பங்கள்
    கண்மறைக்கும்   ஆளுயர   விளம்ப  ரங்கள்
                காட்சிதரா  ஆட்சியாளர்  என்றே  நாளும்
    எண்ணற்ற  பிரச்சனைகள்   எதிரில்  நிற்க
                எவரேனும்  கேட்பதற்கு  வந்த  துண்டா !
    
    இயற்கையினை   அழிக்கின்றார் !  சுற்றுச்  சூழல்
                இனியகாற்றை   மாசாக்கிக்  கெடுக்கின்  றார்கள்
    வயல்ஏரி  குளங்களினை  விற்கின்  றார்கள்
                வளம்தந்த  ஆற்றுமணல்  அள்ளு  கின்றார்
    அயல்மொழியில்  கல்விதந்து  வணிக  மாக்கி
                அன்னைமொழி   தமிழ்மொழியை  ஒதுக்கு  கின்றார்
    செயல்பட்டே   இவைகளினைத்  தடுப்ப  தற்குச்
                செழுந்தோளார்  எவரேனும்  வந்த  துண்டா !
    
    அரசியலார்  செய்கின்ற  தவற்றைக்  கேட்க
                அரசாங்க   அலுவலர்கள்   கையூட்   டோட்டக்
    குரலெடுத்து   முழக்கமிட்டே   ஒருவ   ரேனும்
                கூடிடுவோம்  ஒற்றுமையாய்  என்ற  துண்டா
    விரல்நீட்டிக்   கயவரினைச்  சுட்டி  நீங்கள்
                விரட்டுதற்கே   ஒருமுறைதாம்  எழுந்து  விட்டால்
    வரலாற்றை   மாற்றிடலாம் !  தூய  ஆட்சி
                வளவாழ்வு   இங்கமையும்  வாரீர்  வாரீர் !
    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai