சுடச்சுட

    

    ஒரு முறையேனும்: கவிஞர் டாக்டர். இராஜலட்சுமி இராகுல்

    By கவிதைமணி  |   Published on : 25th June 2018 05:05 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ஆடையக வாசலிலே
    ஒய்யாரமாக நிற்கும் நீ...
    ​அணிகலன்கள் அழகு சேர்க்க 
    ஆடைகளும்  புத்தம் புதிதாய் !!!
    
    உன் பாதங்களோ 
    பன்மடங்கு விலையுயர்ந்த  
    பாதுகைகளுக்குக் சொந்தக்காரனாய் !!!
    
    சுட்டெரிக்கும் வெப்பதில் 
    மிதியடியும் இன்றி 
    மேலங்கியும் இன்றி - என் 
    பிட்டத்தைச் சுட்டிக்காட்டும் 
    
    வட்டமான இரு ஓட்டைகள் 
    கொண்ட காற்சட்டையுடன் 
    அரை நிர்வாணமாய் 
    உனை வெறித்துப்பார்த்திடும் நான் 
    இறைவனிடம் கேட்பது 
    ஒன்றே ஒன்றுதான்!!!
    
    உயிரை எனக்குத் தந்த இறைவன் 
    உடையை மட்டும் உனக்குத் தந்ததேன் !!!
    கண்ணாடி பேழைக்குள்
    காட்சிப் பதுமையாய்  நிற்கும் 
    உன் உடலை அலங்கரிக்கும் ஆடைகள் 
    
    ஒரு முறையேனும் அதனை
    ஏக்கத்தோடு காணும் 
    எனது உடலைத் தழுவ  
    வாய்த்திடும் நாள் வருமோ!!!
    
    Thirumana Porutham
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai