காலிஃப்ளவர் நகெட்ஸ்

செய்முறை: காலிஃப்ளவரை சிறுசிறு பூக்களாகப் பிரித்து ஒரு பாத்திரத்தில் போட்டு அது மூழ்கும் அளவு நீர் ஊற்றி,
காலிஃப்ளவர் நகெட்ஸ்

தேவையானப் பொருள்கள்:

சிறிய இளம் காலிஃப்ளவர் -1

மைதா -2 தேக்கரண்டி

தனி மிளகாய்த்தூள் - 1 தேக்கரண்டி

மஞ்சள்தூள் - சிறிது

முட்டை -2

ப்ரெட் தூள் -2 தேக்கரண்டி

உப்பு - தேவைக்கேற்ப

எண்ணெய் - தேவையான அளவு.

செய்முறை: காலிஃப்ளவரை சிறுசிறு பூக்களாகப் பிரித்து ஒரு பாத்திரத்தில் போட்டு அது மூழ்கும் அளவு நீர் ஊற்றி, சிறிது  உப்பு சேர்த்து அடுப்பிலேற்றி ஒரு கொதி வந்ததும் நீரை வடித்துவிட்டு வைக்கவும். பின்னர், மைதா, மிளகாய்த்தூள், மஞ்சள்தூள், சிறிது உப்பு சேர்த்து கலந்து வைத்துக் கொள்ளவும். மற்றொரு கிண்ணத்தில் ப்ரெட் தூளை எடுத்துக்கொள்ளவும். முட்டையைத் தனியாக ஒரு கிண்ணத்தில் ஊற்றி அடித்து வைத்துக் கொள்ளவும். வெந்த காலிஃப்ளவரை மைதா கலவையில் கொட்டி, நன்கு புரட்டி வைக்கவும். அடுத்து ஒவ்வொரு பூவாக எடுத்து முட்டையில் முழுவதும் தோய்த்து, உடனே ப்ரெட் தூளில் புரட்டி ஒரு தட்டில் வைக்கவும். இதுபோன்று எல்லா பூக்களையும் செய்து வைக்கவும். பின்னர், ஒரு வாணலியில் எண்ணெய் ஊற்றிக் காய்ந்ததும் ஒவ்வொன்றாகவோ அல்லது எண்ணெய் கொண்ட மட்டுமோ போட்டு  பொரித்து எடுக்கவும்.

இப்போது சுவையான,மொறுமொறுப்பான காலிஃப்ளவர் நகெட்ஸ் ரெடி.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com