Enable Javscript for better performance
படுகளம் (நாவல்)- Dinamani

சுடச்சுட

    

    படுகளம் (நாவல்)

    By DIN  |   Published on : 24th May 2021 02:17 PM  |   அ+அ அ-   |    |  

    nl2

    படுகளம் (நாவல்)-ப.க பொன்னுசாமி; பக்.573;ரூ.650; நியூ செஞ்சுரி புக் ஹவுஸ் (பி) லிட்., சென்னை-50; )044-2625 1968.
     திருமூர்த்திமலைக்கும் உடுமலைப்பேட்டைக்கும் இடையில் உள்ளது தான் பள்ளிபுரம் கிராமம். கரும்பையும், நெல்லையும் பிரதான விவசாயமாக கொண்ட இந்த கிராமத்தில் கவுண்டர் சமுதாயமே அதிகம்.
     பள்ளிபுரத்தில் 3 கவுண்டர் குடும்பங்களிடையே காலம் காலமாக தொடரும் விரோதத்தை மிக நேர்த்தியாக நூலாசிரியர் இந்த நாவலில் விவரித்துள்ளார்.
     கதைகளம் கொங்கு நாடு என்பதால் கொங்கு தமிழிலேயே நாவலை உருவாக்கியுள்ளார். சுமார் 500 பக்கங்களில் அந்த கொங்கு நடை கம்பீரமாக வீறு நடை போடுவது கூடுதல் சிறப்பு.
     கூத்தம்பூண்டி ஆத்தாளின் மகன்கள் நல்லசாமி, கண்ணுச்சாமி, செல்லச்சாமி-இவர்களின் உறவும் பகையும், உழைக்காமல் பூமிகளை விற்றுச் சீரும் செலவும் செய்யும் பன்னீர்க்கவுண்டர்; பூமிகளை வாங்கும் புதுப் பணக்காரர் பொங்கியண்ண கவுண்டர்; இவர்களின் முக்கோண பொறாமை, சந்தேகம், பகைமை - இதுவே படுகளம் நாவலின் கரு.
     படுகளம் உருவாவதற்கு எத்தனையோ காரணங்கள் இருக்கக்கூடும்.
     பள்ளிபுரம் கிராமம் படுகளமாவதற்கு இயற்கைதான் முக்கிய காரணம். விவசாயிக்குப் போதிய உதவி இல்லாமல் இருக்கும்போது நல்லவனும் வன்முறையை எதிர்ப்பதில்லை என்பதைக் கண்ணுச்சாமி கவுண்டர் கதாபாத்திரம் கண்முன் நிறுத்துகிறது.
     நூலாசிரியர் பேராசிரியராய், பல்கலைக்கழக துணைவேந்தராகப் பணியாற்றியவர். இருப்பினும் கொங்கு வட்டார மொழியில் இது போன்று ஒரு புதினத்தை தன்னால் படைக்க முடியும் என்பதை நிரூபித்திருக்கிறார்.
     இது கற்பனையான புதினம் என்றாலும் அவர் படைத்திருக்கிற கதாபாத்திரங்கள் இன்றும் நம் சமுதாயத்தில் உலா வருவதைப் பார்க்க முடிகிறது.
     9 பாகங்கள் 91 அத்தியாயத்தைக் கொண்டுள்ள இந்த புதினம், வாசகர்களுக்கு நல்ல விருந்து. கொங்கு இன மக்களின் பேச்சு வழக்கை அறிந்து கொள்ள வாய்ப்பாக இருக்கிறது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp