Enable Javscript for better performance
மகளிர் உயரம் தாண்டுதல்: சஹானா குமாரி ஏமாற்றம்- Dinamani

சுடச்சுட

    

    மகளிர் உயரம் தாண்டுதல்: சஹானா குமாரி ஏமாற்றம்

    Published on : 26th September 2012 11:14 AM  |   அ+அ அ-   |    |  

    1spt3

    லண்டன், ஆக.9: ஒலிம்பிக் மகளிர் உயரம் தாண்டுதல் போட்டியில் இந்திய வீராங்கனை சஹானா குமாரி தகுதிச்சுற்றோடு வெளியேறினார்.

     வியாழக்கிழமை நடைபெற்ற இப் போட்டியில் மொத்தம் 35 பேர் பங்கேற்றனர். இதில் இந்தியாவின் சார்பில் பங்கேற்ற ஒரே வீராங்கனையான சஹானா குமாரி, முதலில் நிர்ணயிக்கப்பட்டிருந்த 1.80 மீ. உயர இலக்கை முதல் வாய்ப்பிலேயே தாண்டினார்.

     இதன்பிறகு 1.85 மீ உயரம் இலக்காக நிர்ணயிக்கப்பட்டது. இதில் மூன்று வாய்ப்புகளையும் பயன்படுத்தியபோதும் சஹானாவால் தாண்ட முடியவில்லை. இதனால் தகுதிச் சுற்றோடு வெளியேறினார் சஹானா.

     பெங்களூரைச் சேர்ந்தவரான சஹானா, கடந்த ஜூன் 23-ம் தேதி ஹைதராபாதில் நடைபெற்ற தேசிய சீனியர் தட கள சாம்பியன்ஷிப் போட்டியில் 1.92 மீ. உயரம் தாண்டி சாதனை படைத்தார். ஆனால் ஒலிம்பிக் போட்டியில் 1.85 மீ. உயரத்தைத் தாண்ட முடியாமல் அவர் ஏமாற்றமடைந்தார்.

     இதனால் சஹானா தான் இடம்பெற்றிருந்த "பி' பிரிவில் 15-வது இடத்தையே பிடித்தார். மொத்தம் 35 பேர் பங்கேற்ற இப் போட்டியில் ஒட்டு மொத்தத்தில் (ஏ, பி என இரு பிரிவுளையும் சேர்த்து) 29-வது இடத்தைப் பிடித்தார் சஹானா.

     இந்த தகுதிச்சுற்றில் "பி' பிரிவில் இடம்பெற்றிருந்த உஸ்பெகிஸ்தானின் ஸ்வெட்லானா 1.96 மீ. உயரம் தாண்டி முதலிடத்தைப் பிடித்து இறுதிச்சுற்றுக்கு முன்னேறினார். பெல்ஜியத்தின் டியா ஹீலே, அமெரிக்காவின் சாண்டி லோவே, ரஷியாவின் ஸ்வெட்லானா ஸ்கோலினா, இரானியா கோர்டீவா, அன்னா சிசெரோவா, ஸ்பெயினின் ரூத் பெய்டியா, ஸ்வீடனின் இம்மா கிரீன் டிரிகாரோ, பிரான்ஸின் மெலானியே மெல்போர்ட், துருக்கியின் பர்சூ அஹான், அமெரிக்காவின் பிரிகெட்டா பேரட், லிதுவேனியாவின் அய்ரின் பால்சைட் ஆகியோர் 1.93 மீ. உயரம் தாண்டி இறுதிச்சுற்றுக்கு முன்னேறினர். இறுதிச்சுற்று வரும் சனிக்கிழமை நடைபெறுகிறது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp