Enable Javscript for better performance
அமெரிக்காவுக்கு அதிர்ச்சியளித்த பஹாமாஸ்- Dinamani

சுடச்சுட

    

    அமெரிக்காவுக்கு அதிர்ச்சியளித்த பஹாமாஸ்

    Published on : 26th September 2012 11:16 AM  |   அ+அ அ-   |    |  

    spt4

    லண்டன், ஆக.11: ஒலிம்பிக் ஆடவர் 400 மீ. தொடர் ஓட்டத்தில் பஹாமாஸ் அணி தங்கம் வென்றது. இதன்மூலம் 400 மீ. தொடர் ஓட்டத்தில் அமெரிக்காவின் ஆதிக்கத்துக்கு முற்றுப்புள்ளி வைத்துள்ளது பஹாமாஸ்.

     சனிக்கிழமை அதிகாலையில் நடைபெற்ற இப் போட்டியில் பஹாமாஸ் அணி 2 நிமிடம், 56 விநாடிகளில் இலக்கை எட்டி தங்கம் வென்றது.

     தொடர்ந்து 8-வது முறையாக தங்கம் வெல்லும் என்று எதிர்பார்க்கப்பட்ட அமெரிக்கா, 2 நிமிடம், 57 விநாடிகளில் இலக்கை எட்டி வெள்ளிப் பதக்கத்தையே வென்றது. டிரினிடாட் அன்ட் டொபாக்கோ அணி 2 நிமிடம் 59 விநாடிகளில் பந்தய தூரத்தைக் கடந்து வெண்கலப் பதக்கம் வென்றது.

     1984 ஒலிம்பிக்கில் தொடங்கி 2008 பெய்ஜிங் ஒலிம்பிக் வரை 400 மீ. தொடர் ஓட்டத்தில் தொடர்ந்து 7 முறை தங்கப் பதக்கம் வென்ற அமெரிக்காவுக்கு இந்த ஒலிம்பிக் அதிர்ச்சியாக அமைந்தது.

     இதனால் அமெரிக்காவின் ரேமான் டெய்லர், ஒலிம்பிக்கில் 4-வது தங்கப் பதக்கம் வெல்லும் வாய்ப்பை இழந்தார்.

     400 மீ. தடையோட்டத்தில் அவர் இரு தங்கப் பதக்கங்கள் வென்றுள்ளார். இதேபோல் 2008 பெய்ஜிங் ஒலிம்பிக்கில் 400 மீ. தொடர் ஓட்டத்தில் தங்கம் வென்ற அமெரிக்க அணியிலும் டெய்லர் இடம்பெற்றிருந்தார் என்பது குறிப்பிடத்தக்கது.

    kattana sevai