Enable Javscript for better performance
இருபது ஓவர் உலகக் கோப்பை: இங்கிலாந்து அணியில் பீட்டர்சனுக்கு இடமில்லை- Dinamani

சுடச்சுட

    

    இருபது ஓவர் உலகக் கோப்பை: இங்கிலாந்து அணியில் பீட்டர்சனுக்கு இடமில்லை

    Published on : 26th September 2012 11:28 AM  |   அ+அ அ-   |    |  

    spt4

    லண்டன், ஆக.21: இருபது ஓவர் உலகக் கோப்பைக்கான இங்கிலாந்து அணியில் அதிரடி பேட்ஸ்மேன் பீட்டர்சனுக்கு இடம் கிடைக்கவில்லை.

    இங்கிலாந்து கேப்டன் ஆண்ட்ரூ ஸ்டிராஸ், பயிற்சியாளர் ஆன்டி பிளவர் குறித்து தரக்குறைவாக தென் ஆப்பிரிக்க வீரர்களுக்கு எஸ்.எம்.எஸ். அனுப்பிய பீட்டர்சன், தென் ஆப்பிரிக்காவுக்கு எதிரான 3-வது டெஸ்ட் போட்டியில் இருந்து நீக்கப்பட்டார்.

    இதன்பிறகு பீட்டர்சன் தனது செயலுக்காக மன்னிப்புக் கோரினார். இதனால் அவர் இருபது ஓவர் உலகக் கோப்பை அணியில் இடம்பெறலாம் என்று எதிர்பார்க்கப்பட்ட நிலையில், மீண்டும் அவருக்கு வாய்ப்பு மறுக்கப்பட்டுள்ளது. அதனால் தென் ஆப்பிரிக்காவுக்கு எதிரான ஒருநாள் தொடர் மற்றும் இருபது ஓவர் உலகக் கோப்பை போட்டியில் விளையாடும் வாய்பை இழந்துள்ளார்.

    2010-ல் மேற்கிந்தியத் தீவுகளில் நடைபெற்ற இருபது ஓவர் உலகக் கோப்பை போட்டியில் இங்கிலாந்து சாம்பியன் பட்டம் வென்றது. அப்போது இங்கிலாந்து அணியின் வெற்றியில் முக்கியப் பங்கு வகித்த பீட்டர்சன், தொடர்நாயகனாகத் தேர்வு செய்யப்பட்டார். கடந்த ஐபிஎல் போட்டியில் டெல்லி டேர்டெவில்ஸ் அணிக்காக விளையாடிய பீட்டர்சன் அதிரடியாக ரன் குவித்தார் என்பது குறிப்பிடத்தக்கது.

    இருபது ஓவர் உலகக் கோப்பை போட்டி இலங்கையில் செப்டம்பர் 18-ம் தேதி தொடங்குகிறது. இங்கிலாந்து தனது முதல் ஆட்டத்தில் ஆப்கானிஸ்தானை சந்திக்கிறது. இந்த ஆட்டம் செப்டம்பர் 21-ம் தேதி தொடங்குகிறது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp