Enable Javscript for better performance
ஐபிஎல் சாம்பியன் கொல்கத்தா- Dinamani

சுடச்சுட

    

    ஐபிஎல் சாம்பியன் கொல்கத்தா

    By ஏ.வி.பெருமாள்  |   Published on : 20th September 2012 07:01 AM  |   அ+அ அ-   |    |  

    spt7

    சென்னை, மே 27: 5-வது ஐபிஎல் போட்டியில் சாம்பியன் பட்டம் வென்றது கொல்கத்தா நைட் ரைடர்ஸ்.

    சென்னையில் ஞாயிற்றுக்கிழமை நடைபெற்ற இந்த ஆட்டத்தில் முதலில் பேட் செய்த சூப்பர் கிங்ஸ் 20 ஓவர்களில் 3 விக்கெட் இழப்புக்கு 190 ரன்கள் குவித்தது. பின்னர் பேட் செய்த நைட் ரைடர்ஸ் 2 பந்துகள் மீதமிருக்கையில் 5 விக்கெட் இழப்புக்கு 192 ரன்கள் எடுத்து வெற்றி கண்டது. தொடர்ந்து 3-வது முறையாக சாம்பியன் பட்டத்தைக் கைப்பற்றும் சென்னை அணியின் முயற்சிக்கு வெற்றி கிடைக்கவில்லை.

    சென்னையில் ஞாயிற்றுக்கிழமை இரவு நடைபெற்ற இந்த ஆட்டத்தில் டாஸ் வென்ற சென்னை கேப்டன் தோனி பேட்டிங்கைத் தேர்வு செய்ய முரளி விஜயும், மைக் ஹசியும் இன்னிங்ûஸத் தொடங்கினர்.

    தொடக்கம் சூப்பர்: முதல் 3 ஓவர்களில் 17 ரன்கள் எடுத்தது சென்னை. ஷகிப் அல்ஹசன் வீசிய 4-வது ஓவரின் முதல் பந்தில் சிக்ஸரையும், 3-வது பந்தில் பவுண்டரியையும் மைக் ஹசி விரட்ட, அந்த ஓவரில் மட்டும் 14 ரன்கள் கிடைத்தன. ஆனால் 5-வது ஓவரை வீசிய சுனில் நாரயண் 4 ரன்கள் மட்டுமே கொடுத்தார்.

    பிரெட் லீ வீசிய 6-வது ஓவரை எதிர்கொண்ட முரளி விஜய் முதல் பந்தில் சிக்ஸரையும், 3-வது பந்தில் பவுண்டரியையும் விரட்டினார். 5-வது பந்தில் மைக் ஹசி ஒரு சிக்ஸர் அடிக்க 6 ஓவர்கள் முடிவில் 54 ரன்களை எட்டியது சூப்பர் கிங்ஸ். அந்த அணி 87 ரன்களை எட்டியபோது இந்த ஜோடி பிரிந்தது. ரஜத் பாட்டியா வீசிய 11-வது ஓவரின் 2-வது பந்தை தூக்கியடித்தார் விஜய். அதை எல்லையில் நின்ற ஷகிப் அல்ஹசன் பாய்ந்து பிடிக்க 42 ரன்களில் வெளியேறினார் விஜய். 32 பந்துகளைச் சந்தித்த அவர் 1 சிக்ஸர், 4 பவுண்டரிகளுடன் இந்த ரன்களை எடுத்தார்.

    இதையடுத்து ஹசியுடன் இணைந்தார் ரெய்னா. அவர் வந்த வேகத்தில் காலிஸ் பந்துவீச்சில் சிக்ஸர் அடிக்க 100 ரன்களைக் கடந்தது சென்னை.

    பதான் வீசிய 14-வது ஓவரை எதிர்கொண்ட ரெய்னா ஒரு சிக்ஸரையும், இரண்டு பவுண்டரிகளையும் விளாசினார். இதனால் அந்த ஓவரில் 17 ரன்கள் கிடைத்தது. சுனில் நாராயண் வீசிய 17-வது பந்தில் சிக்ஸர் அடித்து அரைசதம் கண்டார் ரெய்னா. அவர் 27 பந்துகளில் 4 சிக்ஸர், 3 பவுண்டரிகளுடன் அரைசதமடித்தார்.

    காலிஸ் வீசிய 18-வது ஓவரின் முதல் பந்தில் ஸ்டெம்பை பறிகொடுத்தார் மைக் ஹசி. 43 பந்துகளைச் சந்தித்த ஹசி 2 சிக்ஸர், 4 பவுண்டரிகளுடன் 54 ரன்கள் எடுத்தார். இதைத்தொடர்ந்து களம் புகுந்தார் தோனி. ஆட்டத்தின் கடைசிப் பந்தில் ரெய்னா ஆட்டமிழக்க 3 விக்கெட் இழப்புக்கு 190 ரன்கள் குவித்தது சூப்பர் கிங்ஸ். ரெய்னா 73 ரன்கள் எடுத்தார். தோனி 9 பந்துகளில் 14 ரன்கள் எடுத்து ஆட்டமிழக்காமல் இருந்தார்.

    பிஸ்லா விளாசல்: 190 ரன்கள் என்ற இலக்குடன் களமிறங்கிய நைட் ரைடர்ஸ் அணியில் கேப்டன் கம்பீர் (2 ரன்கள்), ஹில்பெனாஸ் வீசிய முதல் ஓவரின் கடைசிப் பந்தில் ஸ்டெம்பை பறிகொடுத்தார். இதையடுத்து பிஸ்லாவுடன் இணைந்தார் காலிஸ். அல்பி மோர்கல் வீசிய 4-வது ஓவரின் முதல் பந்தில் பவுண்டரி அடித்த பிஸ்லா, அந்த ஓவரின் கடைசி 3 பந்துகளில் ஹாட்ரிக் பவுண்டரி அடித்தார். அஸ்வின் வீசிய 6-வது ஓவரில் பிஸ்லா இரண்டு சிக்ஸர்களை விரட்ட அந்த ஓவரின் முடிவில் ஒரு விக்கெட் இழப்புக்கு 66 ரன்களை எட்டியது நைட் ரைடர்ஸ்.

    ஒருபுறம் காலிஸ் நிதானமாக விளையாட, பிஸ்லா தொடர்ந்து அதிரடியில் ஈடுபட்டார். இதனால் 9.5 ஓவர்களில் 100 ரன்களை எட்டியது ரைடர்ஸ். காலிஸýம் சிறப்பாக விளையாட ஸ்கோர் வேகமாக உயர்ந்தது. அந்த அணி 139 ரன்களை எட்டியபோது பிஸ்லா, அல்பி மோர்கல் பந்துவீச்சில் பத்ரிநாத்திடம் கேட்ச் கொடுத்து ஆட்டமிழந்தார். 48 பந்துகளைச் சந்தித்த அவர் 5 சிக்ஸர், 8 பவுண்டரிகளுடன் 89 ரன்கள் எடுத்தார்.

    இதையடுத்து காலிஸýடன் இணைந்தார் சுக்லா. இதனிடையே ஜகாதி பந்துவீச்சில் அடுத்தடுத்து 2 பவுண்டரிகளை விளாசி 39 பந்துகளில் அரைசதம் கண்டார் காலிஸ். பிராவோ வீசிய 17-வது ஓவரில் அடித்து ஆட முயன்ற சுக்லா 3 ரன்களில் வெளியேறினார். இதையடுத்து யூசுப் பதான் களம் கண்டார். அப்போது கொல்கத்தா 22 பந்துகளில் 39 ரன்கள் எடுக்க வேண்டியிருந்தது. அந்த ஓவரின் கடைசி 2 பந்துகளில் பவுண்டரியையும், சிக்ஸரையும் அடிக்க, கடைசி 3 ஓவர்களில் வெற்றிக்கு 27 ரன்கள் தேவை என்ற நிலை ஏற்பட்டது.

    ஆனால் 18-வது ஓவரில் யூசுப் பதான் ஒரு ரன்னில் வெளியேற, ஆட்டத்தில் பரபரப்பு ஏற்பட்டது.

    இதையடுத்து ஷகிப் அல்ஹசன் களமிறங்கினார். 8 பந்துகளில் 16 ரன்கள் தேவைப்பட்ட நிலையில் காலிஸ் ஆட்டமிழந்தது கொல்கத்தாவுக்கு பின்னடைவை ஏற்படுத்தியது. 49 பந்துகளைச் சந்தித்த காலிஸ் 1 சிக்ஸர், 7 பவுண்டரிகளுடன் 69 ரன்கள் எடுத்தார். இதையடுத்து மனோஜ் திவாரி களம் புகுந்தார்.

    19-வது ஓவரின் கடைசிப் பந்தை எதிர்கொண்ட திவாரி பவுண்டரி அடிக்க, கொல்கத்தா வெற்றி பெற கடைசி ஓவரில் 9 ரன்கள் எடுக்க வேண்டிய நிலை ஏற்பட்டது. இதனால் சென்னை ரசிகர்கள் அனைவரும் அதிர்ச்சியில் உறைந்தனர்.

    கடைசி ஓவரில்... கடைசி ஓவரை வீச பிராவோவை அழைத்தார் தோனி. முதல் பந்தில் திவாரியும், 2-வது பந்தில் அல்ஹசனும் தலா ஒரு ரன் எடுத்தனர். 3-வது பந்தை திவாரி பவுண்டரிக்கு அனுப்ப, கொல்கத்தா வெற்றியை நெருங்கியது. அடுத்த பந்தையும் திவாரி பவுண்டரிக்கு விரட்ட கொல்கத்தா ஐபிஎல் சாம்பியன் ஆனது. அல்ஹசன் 11, திவாரி 9 ரன்களுடன் ஆட்டமிழக்காமல் இருந்தனர். 190 ரன்கள் எடுத்தும் சென்னை அணி வெற்றி பெற முடியாமல் போனது உள்ளூர் ரசிகர்களுக்கு பெரும் ஏமாற்றமாக அமைந்தது. பிஸ்லா ஆட்டநாயகனாகவும், சுனில் நாராயண் தொடர்நாயகனாகவும் அறிவிக்கப்பட்டனர்.

    2-வது அதிகபட்ச ஸ்கோர்: கொல்கத்தா அணி அடித்த 192 ரன்கள் ஐபிஎல் இறுதி ஆட்டத்தில் எடுக்கப்பட்ட 2-வது அதிகபட்ச ஸ்கோர். கடந்த ஐபிஎல் இறுதி ஆட்டத்தில் சென்னை அணி எடுத்த 205 ரன்களே இறுதி ஆட்டத்தில் அதிகபட்ச ஸ்கோர்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp