Enable Javscript for better performance
அல்ஹசன் அதிரடியில் 175 ரன்கள் குவித்தது வங்கதேசம்- Dinamani

சுடச்சுட

    

    அல்ஹசன் அதிரடியில் 175 ரன்கள் குவித்தது வங்கதேசம்

    Published on : 27th September 2012 04:53 PM  |   அ+அ அ-   |    |  

    spt1

    பல்லகெலே, செப்.25:  இருபது ஓவர் உலகக் கோப்பை கிரிக்கெட் போட்டியின் கடைசி லீக் ஆட்டத்தில் பாகிஸ்தானுக்கு எதிராக 175 ரன்கள் குவித்தது வங்கதேசம்.

    அந்த அணியின் ஷகிப் அல்ஹசன் 54 பந்துகளில் 2 சிக்ஸர், 11 பவுண்டரிகளுடன் 84 ரன்கள் குவித்தார்.

    இலங்கையின் பல்லகெலேவில் செவ்வாய்க்கிழமை நடைபெற்ற இந்த ஆட்டத்தில் டாஸ் வென்று முதலில் பேட் செய்த வங்கதேச அணி ஆரம்பம் முதலே அதிரடியில் இறங்கியது.

    தொடக்க ஆட்டக்காரர் அஷ்ரபுல் 14 ரன்களில் வெளியேற, தமிம் இக்பாலுடன் இணைந்தார் அல்ஹசன். தமிம் அதிரடியாக விளையாடியதால் 5 ஓவர்களில் 49 ரன்களை எட்டியது வங்கதேசம்.

    சோஹைல் தன்வீர் வீசிய 6-வது ஓவரில் ஹாட்ரிக் பவுண்டரிகளை விளாசினார் அல்ஹசன். அதே ஓவரில் தமிம் இக்பால் ரன் அவுட்டானார். 12 பந்துகளைச் சந்தித்த அவர் 5 பவுண்டரிகளுடன் 24 ரன்கள் எடுத்தார். இதையடுத்து கேப்டன் முஷ்பிகுர் ரஹிம் களம் புகுந்தார்.

    தொடர்ந்து அதிரடியாக விளையாடிய அல்ஹசன், யாசிர் அராபத் வீசிய 13-வது ஓவரில் சிக்ஸர் அடித்து 33 பந்துகளில் அரைசதம் கண்டார். அந்த அணி 129 ரன்களை எட்டியபோது முஷ்பிகுர் ரஹிம் (26 பந்துகளில் 25 ரன்கள்) ஆட்டமிழந்தார்.

    உமர் குல் வீசிய 18-வது ஓவரில் 3 பவுண்டரிகளை விளாசிய அல்ஹசன், கடைசி ஓவரில் ஆட்டமிழந்தார். 54 பந்துகளில் அவர் 84 ரன்கள் எடுத்தார். இறுதியில் அந்த அணி 6 விக்கெட் இழப்புக்கு 175 ரன்கள் குவித்தது.

    பாகிஸ்தான் தரப்பில் யாசிர் அராபத் 3 விக்கெட் வீழ்த்தினார். உமர் குல் அதிகபட்சமாக 3 ஓவர்களில் 43 ரன்களை வாரி வழங்கினார்.  

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp