சுடச்சுட

    
    neesham

    மேற்கிந்தியத் தீவுகள் அணிக்கு எதிரான முதலாவது டெஸ்ட் போட்டியின் முதல் இன்னிங்ஸில் நியூஸிலாந்து அணி 508 ரன்களை எடுத்து டிக்ளேர் செய்தது.

    மேற்கிந்தியத் தீவுகளின் ஜமைக்காவில் நடைபெற்று வரும் இந்த டெஸ்ட் போட்டி, ஞாயிற்றுக்கிழமை தொடங்கியது.

    முதல் நாள் முடிவில் நியூஸிலாந்து, 2 விக்கெட்டுகளை இழந்து 240 ரன்கள் எடுத்திருந்தது.

    கேன் வில்லியம்சன் 105 ரன்களுடனும், டெய்லர் 34 ரன்களுடனும் திங்கள்கிழமை நடைபெற்ற 2ஆம் நாள் ஆட்டத்தைத் தொடங்கினர்.

    இரண்டாம் நாளில் மேற்கொண்டு 8 ரன்கள் எடுத்திருந்த வில்லியம்சன், 113 ரன்களில் ஆட்டமிழந்தார். 55 ரன்களில் டெய்லர் வெளியேறினார்.

    நீஷம், வாட்லிங் அபாரம்: இதையடுத்து களமிறங்கிய ஜிம்மி நீஷம், வாட்லிங் ஜோடி அபாரமான ஆட்டத்தை வெளிப்படுத்தியது. இந்த ஜோடி 279 ரன்களைக் குவித்தது. சிறப்பாக பேட் செய்த நீஷம் 107 ரன்களுடனும், வாட்லிங் 89 ரன்களுடனும் ஆட்டமிழந்தனர். 174.3 ஓவர்களில் 7 விக்கெட் இழப்புக்கு 508 ரன்கள் எடுத்திருந்தபோது, முதல் இன்னிங்ûஸ டிக்ளேர் செய்வதாக நியூஸிலாந்து கேப்டன் மெக்கல்லம் அறிவித்தார்.

    மேற்கிந்தியத் தீவுகள் தரப்பில் பென், ஷில்லிங்போர்டு ஆகியோர் தலா 3 விக்கெட்டுகளைக் கைப்பற்றினர்.

    தொடர்ந்து தனது முதல் இன்னிங்ûஸ விளையாடிய மேற்கிந்தியத் தீவுகள், 2ஆம் நாள் முடிவில் விக்கெட் இழப்பின்றி 9 ஓவர்களுக்கு 19 ரன்களை எடுத்துள்ளது. கெய்ல் 8 ரன்களுடனும், பவல் 11 ரன்களுடனும் களத்தில் உள்ளனர்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai