Enable Javscript for better performance
உலக பிளிட்ஸ் செஸ்:கார்ல்ஸைன் சாம்பியன்: ஆனந்துக்கு 5ஆவது இடம்- Dinamani

சுடச்சுட

    

    உலக பிளிட்ஸ் செஸ்:கார்ல்ஸைன் சாம்பியன்: ஆனந்துக்கு 5ஆவது இடம்

    By dn  |   Published on : 22nd June 2014 04:04 AM  |   அ+அ அ-   |    |  

    carls

    துபையில் நடைபெற்ற உலக பிளிட்ஸ் செஸ் சாம்பியன்ஷிப் போட்டியில் இந்தியாவின் விஸ்வநாதன் ஆனந்த் 5ஆவது இடத்தைப் பிடித்தார்.

    தற்போது உலக சாம்பியனான நார்வேயின் மாக்னஸ் கார்ல்ஸைன், சாம்பியன் பட்டத்தை வென்று வரலாற்றில் புதிய சாதனையையும் படைத்துள்ளார். இப்போட்டி 2 நாள்கள் நடைபெற்றது.

    முதல் நாளான வெள்ளிக்கிழமை முடிவில் ஆனந்த் 11 ஆட்டங்களில் விளையாடி 7.5 புள்ளிகளைப் பெற்றிருந்தார். 2ஆம் நாளான சனிக்கிழமை அவர் விளையாடிய 10 ஆட்டங்களில் 6 புள்ளிகளைப் பெற்றார். 2 நாள்களிலும் சேர்த்து 13.5 புள்ளிகளைப் பெற்று 5ஆவது இடத்தைப் பிடித்தார்.

    கார்ல்ஸைன் சாதனை: இப்போட்டியில் 17 புள்ளிகளைப் பெற்ற கார்ல்ஸைன், உலக ப்ளிட்ஸ் சாம்பியன்ஷிப் பட்டத்தை வென்றார்.

    இவர் ஏற்கெனவே, உலக சாம்பியன் பட்டத்தை வென்றிருந்தார். தற்போது, உலக ரேபிட் மற்றும் பிளிட்ஸ் செஸ் சாம்பியன் பட்டங்களையும் வென்றுள்ளார். இதனால், 3 பிரிவிலான உலக சாம்பியன்ஷிப் பட்டங்களை வென்ற முதல் வீரர் என்ற பெருமையை கார்ல்ஸைன் பெற்றார்.

    இப்போட்டியில் கார்ல்ஸைனுக்கு கடும் சவால் அளித்து வந்த ரஷியாவின் நெபோம்நியாச்ட்சி வெள்ளிப் பதக்கத்தையும், அமெரிக்காவின் ஹிகாரு நகமுரா வெண்கலத்தையும் வென்றனர்.

    kattana sevai