ஸ்பெயின் லீக் கால்பந்து: சௌரஸ் "ஹாட்ரிக்' கோல்

எய்பர் அணிக்கு எதிரான ஸ்பெயின் லீக் கால்பந்து போட்டியில் லூயிஸ் சௌரஸ் "ஹாட்ரிக்' கோல் அடிக்க, 3-1 என்ற கோல் கணக்கில் பார்சிலோனா அணி வெற்றி பெற்றது.
 ஸ்பெயினின் மாட்ரிட் நகரில் கடந்த ஞாயிற்றுக்கிழமை இரவு நடைபெற்ற ஸ்பெயின் லீக் கால்பந்துப் போட்டியில் பார்சிலோனா - எய்பர் அணிகள் மோதின.
 இந்தப் போட்டியில், நட்சத்திர வீரர் லயோனல் மெஸ்ஸி காயம் காரணமாக பார்சிலோனா அணியில் பங்கேற்கவில்லை. 10-ஆவது நிமிடத்திலேயே எய்பர் அணியின் போர்ஜா பாஸ்டன் ஆட்டத்தின் முதல் கோலை அடித்தார். பார்சிலோனா தரப்பில் லூயிஸ் சௌரஸ் 21, 48, 85 ஆகிய நிமிடங்களில் கோல்கள் அடித்து "ஹாட்ரிக்' வீரராக வலம் வந்தார். முடிவில் 3-1 என்ற கோல் கணக்கில் பார்சிலோனா அணி வெற்றி பெற்றது.