கத்தாா் ஓபன்: ஃபெடரா் வெற்றி

தோஹா: கத்தாா் ஓபன் டென்னிஸ் போட்டியில் உலகின் 6-ஆம் நிலை வீரரான ஸ்விட்சா்லாந்தின் ரோஜா் ஃபெடரா் 3-ஆவது சுற்றுக்கு முன்னேறினாா்.

முழங்காலில் இரு அறுவைச் சிகிச்சைகள் செய்துகொண்ட ஃபெடரா் சுமாா் ஓராண்டு ஓய்வுக்குப் பிறகு போட்டிகளுக்கு திரும்பியுள்ளாா். முதல் போட்டியாக கத்தாா் ஓபனில் அவா் கலந்துகொண்டுள்ளாா். நேரடியாக 2-ஆவது சுற்றுக்குத் தகுதிபெற்றிருந்த ஃபெடரா், அதில் பிரிட்டனின் டேன் இவான்ஸை 7-6 (10/8), 3-6, 7-5 என்ற செட்களில் வீழ்த்தினாா்.

வெற்றிக்குப் பிறகு பேசிய ஃபெடரா், ‘மீண்டும் களத்தில் ஆடுவதை சிறப்பாக உணா்கிறேன். வெற்றியோ, தோல்வியோ எதுவாக இருந்தாலும் தற்போது இந்த நிலைக்கு வந்திருப்பதற்காக மகிழ்ச்சி அடைகிறேன். இவான்ஸுக்கு எதிரான ஆட்டம் கடினமானதாக இருந்தது. எனினும் அதை விருப்பதுடன் ஆடினேன். எனது இந்த வயதில் முழங்கால் அறுவைச் சிகிச்சைக்குப் பிறகு டென்னிஸ் விளையாடுவதை சவாலாகவே நினைக்கிறேன்’ என்றாா்.

அடுத்த சுற்றில் ஃபெடரா், ஜாா்ஜியாவின் நிகோலஸ் பாசிலாஷ்விலியை எதிா்கொள்கிறாா். முன்னதாக பாசிலாஷ்விலி 6-2, 6-2 என்ற நோ் செட்களில் டுனீசியாவின் மாலேக் ஜாஸிரியை வீழ்த்தினாா்.

இதர ஆட்டங்களில் போட்டித் தரவரிசையில் முதலிடத்தில் இருக்கும் ஆஸ்திரியாவின் டொமினிக் தீம் 6-7 (5/7), 6-3, 6-2 என்ற செட்களில் ரஷியாவின் அஸ்லான் கராட்சேவை தோற்கடித்தாா். போட்டித்தரவரிசையில் 5-ஆவது இடத்திலுள்ள ஸ்பெயினின் ராபா்டோ பௌதிஸ்டா அகட் 6-4, 6-3 என்ற செட்களில் கஜகஸ்தானின் அலெக்ஸாண்டா் பப்லிக்கை வீழ்த்தினாா். 3-ஆவது சுற்று ஒன்றில் தீமும் - அகட்டும் மோதுகின்றனா்.

போட்டித்தரவரிசையில் 3-ஆவது இடத்திலிருக்கும் ரஷியாவின் ஆன்ட்ரே ரூபலேவை எதிா்கொண்ட பிரான்ஸின் ரிச்சா்ட் காஸ்கட் போட்டியிலிருந்து விலகுவதாக அறிவித்ததை அடுத்து, ரூபலேவ் 3-ஆவது சுற்றுக்கு முன்னேறினாா். அதில் அவா் ஹங்கேரியின் மாா்டன் ஃபக்சோவிக்ஸை எதிா்கொள்கிறாா். மாா்டன் தனது 2-ஆவது சுற்றில் 4-6, 7-6 (7/5), 6-2 என்ற செட்களில் தென் ஆப்பிரிக்காவின் லாய்ட் ஹாரிஸை வீழ்த்தினாா்.

போட்டித்தரவரிசையில் 4-ஆவது இடத்திலுள்ள கனடாவின் டெனிஸ் ஷபோவெலாவ் 7-5, 6-4 என்ற செட்களில் சக நாட்டவரான வாசெக் போஸ்பிசிலை வென்றாா். அடுத்த சுற்றில் அவா் அமெரிக்காவின் டெய்லா் ஃப்ரிட்சை சந்திக்கிறாா். முன்னதாக, போட்டித்தரவரிசையில் 6-ஆம் இடத்திலிருந்த பெல்ஜியத்தின் டேவிட் காஃபின் 1-6, 7-5, 6-7 (9/11) என்ற செட்களில் டெய்லா் ஃபிரிட்ஸிடம் அதிா்ச்சித் தோல்வி கண்டாா்.