Enable Javscript for better performance
அதிரடி காட்டிய ராகுல், கிஷன் ஜோடி; இங்கிலாந்து அணிக்கு எதிரான பயிற்சி ஆட்டத்தில் இந்தியா வெற்றி- Dinamani

உடனுக்கு உடன் செய்திகள்

    அதிரடி காட்டிய ராகுல், கிஷன் ஜோடி; இங்கிலாந்து அணிக்கு எதிரான பயிற்சி ஆட்டத்தில் இந்தியா வெற்றி

    By DIN  |   Published On : 18th October 2021 11:57 PM  |   Last Updated : 18th October 2021 11:57 PM  |  அ+அ அ-  |  

    FB_7hYGVkAQhKJj

    அதிரடி காட்டிய கிஷன்

    ஐக்கிய அரபு அமீரகத்தில் உள்ள ஐசிசி அகாதெமி மைதானத்தில் நடைபெற்ற டி 20 உலக கோப்பை போட்டியின் பயற்சி ஆட்டத்தில் இந்திய, இங்கிலாந்து அணிகள் இன்று மோதின. அதில், டாஸ் வென்ற இந்திய அணி முதலில் பந்து வீச்சை தேர்வு செய்தது. 

    இங்கிலாந்து அணி சார்பில் தொடக்க வீரர்களாக களமிறங்கிய ஜேசன் ராய், ஜோஸ் பட்லர் ஆகியோர் சொற்ப ரன்களுக்கு விக்கெட்டை இழந்து வெளியேறினர். பெரிதும் எதிர்பார்க்கப்பட்ட டேவிட் மாலன் 18 ரன்களில் விக்கெட்டை பறி கொடுத்தாலும், பின்னர் வந்த  ஜானி பேர்ஸ்டோ, லியம் லிவிங்ஸ்டன், மொயின் அலி ஆகியோர் அதிரடியாக விளையாடினர்.

    36 பந்துகளை எதிர்கொண்ட ஜானி பேர்ஸ்டோ 49 ரன்களையும் 20 பந்துகளை எதிர்கொண்ட லியம் லிவிங்ஸ்டன் 30 ரன்களையும் எடுத்தனர். 20 பந்துகளில் 43 ரன்களை எடுத்த மொயின் அலி இறுதிவரை ஆட்டமிழக்காமல் இருந்தார். இறுதியாக, இங்கிலாந்து அணி 5 விக்கெட் இழப்புக்கு 188 ரன்களை எடுத்தது. இந்திய அணி சார்பாக வேகபந்து வீச்சாளர் முகமது ஷமி 40 ரன்களை விட்டு கொடுத்து மூன்று விக்கெட்டுகளை கைப்பற்றினார். 

    சிறப்பாக பந்து வீசிய வேகபந்து வீச்சாளர் பும்ரா 26 ரன்களை மட்டும் விட்டு கொடுத்து 1 விக்கெட்டை எடுத்தார். 189 என்ற கடினமான இலக்கை நோக்கி களமிறங்கிய இந்திய அணிக்கு கே. எல். ராகுல், இஷான் கிஷன் ஜோடி அதிரடி தொடக்கத்தை கொடுத்தது. 24 பந்துகளில் 52 ரன்களை எடுத்த ராகுல் மார்க் வூட் வீசிய பந்தில் ஆட்டமிழந்தார்.

    பின்னர், களமிறங்கிய கோலி 11 ரன்கள் எடுத்து விக்கெட்டை பறி கொடுத்த போதிலும், தொடர்ந்து சிறப்பாக விளையாடிய கிஷன் 46 பந்துகளில் 70 ரன்களை எடுத்தார். பின்னர், சிறிய காயம் காரணமாக கிஷனால் போட்டியை தொடர முடியாமல் போயிற்று. இருப்பினும், பொறுப்பாக விளையாடிய பந்த் இறுதி வரை ஆட்டம் இழக்காமல் இந்திய அணியின் வெற்றியை உறுதி செய்தார். 14 பந்துகளை எதிர்கொண்ட அவர் 29 ரன்களை எடுத்தார். 

    இங்கிலாந்து அணி சார்பாக டேவிட் வில்லி, மார்க் வூட், லியம் லிவிங்ஸ்டன் ஆகியோர் தலா ஒரு விக்கெட்டுகளை எடுத்தனர். ஆறு பந்துகள் மீதமிருந்த நிலையில், 3 விக்கெட் இழப்புக்கு இந்திய அணி 192 ரன்களை எடுத்து வெற்றிபெற்றது.
     


     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp