சுடச்சுட

    

    ஓய்வு குறித்து தோனி எங்களிடம் எதுவும் கூறவில்லை: விராட் கோலி

    By DIN  |   Published on : 10th July 2019 11:07 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    Dhoni Run Out

    நன்றி: டிவிட்டர்/உலகக் கோப்பை கிரிக்கெட்


    உலகக் கோப்பை கிரிக்கெட் தொடருடன் தோனி ஓய்வு பெறுவார் என்று எதிர்பார்க்கப்பட்ட நிலையில், ஓய்வு முடிவு குறித்து தோனி எங்களிடம் எதுவும் கூறவில்லை என்று கோலி தெரிவித்துள்ளார். 

    உலகக் கோப்பை கிரிக்கெட் தொடர் அரையிறுதி ஆட்டத்தில் இந்தியா 18 ரன்கள் வித்தியாசத்தில் தோல்வியடைந்தது. இந்த தோல்விக்குப் பிறகு இந்திய அணியின் கேப்டன் விராட் கோலி செய்தியாளர்களைச் சந்தித்தார். அப்போது மேற்கிந்தியத் தீவுகள் தொடருக்கான இந்திய அணி விரைவில் அறிவிக்கப்படவுள்ளது, தோனி தனது எதிர்கால திட்டங்கள் குறித்து எதுவும் தெரிவித்தாரா என்று செய்தியாளர் ஒருவர் கேள்வி எழுப்பினார். 

    இதற்குப் பதிலளித்த விராட் கோலி, "இல்லை. அவர் இதுவரை எங்களிடம் எதுவும் கூறவில்லை" என்றார்.  

    ஆனால், ரசிகர்கள் பலர் தோனி ஓய்வு முடிவை அறிவித்ததுபோல் சமூக வலைதளங்களில் மீம்களை போட்டு வருகின்றனர். குறிப்பாக ஒருநாள் கிரிக்கெட்டில் தோனி தனது முதல் இன்னிங்ஸில் ரன் அவுட் ஆன புகைப்படத்தையும், நடப்பு உலகக் கோப்பை கிரிக்கெட் தொடரின் அரையிறுதி ஆட்டத்தில் ரன் அவுட் ஆன புகைப்படத்தையும் ஒப்பிட்டு ரசிகர்கள் பதிவிட்டு வருகின்றனர். 

    முன்னதாக, உலகக் கோப்பை லீக் ஆட்டங்கள் நடைபெற்று வந்த நிலையில், "நடப்பு உலகக் கோப்பையில் இந்திய அணியின் கடைசி ஆட்டமே தோனியின் இறுதி ஆட்டமாக இருக்கும்" என்று தகவல்கள் வெளியானது. டெஸ்ட் கிரிக்கெட்டில் இருந்து தோனி எப்படி திடீரென ஓய்வை அறிவித்தாரோ அதேபோல் ஒருநாள் கிரிக்கெட்டிலும் அறிவிக்கலாம் என்று செய்திகள் வெளியானது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai