Enable Javscript for better performance
Sri Lanka All Out for 136 against New Zealand- Dinamani

சுடச்சுட

    

    நியூஸிலாந்து வேகத்தில் சுருண்ட இலங்கை: 136 ரன்களுக்கு ஆட்டமிழப்பு

    By DIN  |   Published on : 01st June 2019 05:42 PM  |   அ+அ அ-   |    |  

    New Zealand bowlers

    நன்றி: டிவிட்டர்/பிளாக்கேப்ஸ்


    நியூஸிலாந்துக்கு எதிரான ஆட்டத்தில் முதலில் பேட் செய்த இலங்கை அணி 136 ரன்களுக்கு ஆட்டமிழந்தது. 

    உலகக் கோப்பை கிரிக்கெட் தொடரின் 3-வது ஆட்டத்தில் நியூஸிலாந்து, இலங்கை அணிகள் விளையாடி வருகின்றன. கார்டிஃப்பில் நடைபெறும் இந்த ஆட்டத்தில் டாஸ் வென்ற நியூஸிலாந்து கேப்டன் கேன் வில்லியம்ஸன் முதலில் பந்துவீச்சைத் தேர்வு செய்தார். 

    இலங்கை இன்னிங்ஸை பவுண்டரியுடன் தொடங்கிய திரிமாணே, அடுத்த பந்திலேயே ஆட்டமிழந்தார். தொடர்ந்து களமிறங்கிய குசால் பெரேரா துரிதமாக விளையாடி ரன் சேர்த்தார். எனினும், அவர் நீண்ட நேரம் தாக்குப்பிடிக்கவில்லை. 29 ரன்கள் எடுத்த நிலையில் பெரேரா ஆட்டமிழந்தார். 

    அவரைத்தொடர்ந்து களமிறங்கிய நடுவரிசை பேட்ஸ்மேன்களான குசால் மெண்டிஸ், டி சில்வா, மேத்யூஸ், ஜீவன் மெண்டிஸ் ஆகியோர் சொற்ப ரன்களில் ஆட்டமிழந்தனர். இதனால், இலங்கை அணி 60 ரன்களுக்குள் 6 விக்கெட்டுகளை இழந்து திணறியது. 

    அதன்பிறகு, கேப்டன் கருணாரத்னேவுடன் திசாரா பெரேரா இணைந்தார். திசாரா பெரேரா 2 சிக்ஸர்கள் அடித்து நியூஸிலாந்து அணிக்கு நெருக்கடியளிக்க முயன்றார். ஆனால், அவரும் 27 ரன்கள் மட்டுமே எடுத்த நிலையில், சான்டனர் பந்தில் ஆட்டமிழந்தார். உடானா மற்றும் லக்மலும் அடுத்தடுத்து ஆட்டமிழந்தனர். 

    இந்த நிலையில், ஒருபுறம் தொடர்ந்து விக்கெட்டுகளாக சரிந்தபோதிலும், மறுமுனையில் நம்பிக்கையுடன் நிதான ஆட்டத்தை வெளிப்படுத்தி வந்த கேப்டன் கருணாரத்னே அரைசதம் அடித்து ஆறுதல் அளித்தார். ஆனால், மலிங்காவும் வெறும் 1 ரன்னுக்கு கடைசி விக்கெட்டாக ஆட்டமிழந்தார். 

    இதனால், இலங்கை அணி 29.2 ஓவர்களில் 136 ரன்களுக்கு ஆட்டமிழந்தது. இறுதிவரை ஆட்டமிழக்காமல் இருந்த கருணாரத்னே 52 ரன்கள் எடுத்தார். 

    நியூஸிலாந்து அணி சார்பில் மேட் ஹென்ரி மற்றும் லாக்கி பெர்கஸன் தலா 3 விக்கெட்டுகளையும், கிராண்ட்ஹோம், சான்ட்னர், நீஷம், போல்ட் ஆகியோர் தலா 1 விக்கெட்டை வீழ்த்தினர். 

    இலங்கை அணியில் கருணாரத்னே (52),  குசால் பெரேரா (29), திசாரா பெரேரா (27) ஆகியோர் தவிர மற்ற வீரர்கள் 10 ரன்னைக் கூட எட்டவில்லை.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp