ஆப்கானிஸ்தானுக்கு எதிராக உலக சாதனை படைத்த இயன் மார்கன்: ஹைலைட்ஸ் விடியோ!

ஆப்கானிஸ்தான் அணியை 150 ரன்கள் வித்தியாசத்தில் வீழ்த்தி அபார வெற்றி பெற்றது இங்கிலாந்து...
ஆப்கானிஸ்தானுக்கு எதிராக உலக சாதனை படைத்த இயன் மார்கன்: ஹைலைட்ஸ் விடியோ!

ஆப்கானிஸ்தான் அணியை 150 ரன்கள் வித்தியாசத்தில் வீழ்த்தி அபார வெற்றி பெற்றது இங்கிலாந்து.

இரு அணிகளுக்கு இடையிலான ஆட்டம் மான்செஸ்டர் ஓல்ட் டிராஃபோர்ட் மைதானத்தில் செவ்வாய்க்கிழமை நடைபெற்றது. டாஸ் வென்ற இங்கிலாந்து பேட்டிங்கை தேர்வு செய்தது. முதலில் ஆடிய  இங்கிலாந்து 397/6 ரன்களை குவித்தது.  பின்னர் ஆடிய ஆப்கன் 247/8 ரன்களை மட்டுமே எடுத்து தோல்வியைத் தழுவியது.

ஆப்கன் பந்துவீச்சை பதம் பார்த்த மார்கன் 17 சிக்ஸர், 4 பவுண்டரியுடன் 71 பந்துகளில் 148 ரன்களை குவித்தார். ஒருநாள் கிரிக்கெட் வரலாற்றில் முதல்முறையாக ஓர் ஆட்டத்தில் 17 சிக்ஸர் அடித்தவர் என்கிற பெருமையைப் பெற்றார் இயன் மார்கன். அதேபோல இங்கிலாந்து அணியின் இன்னிங்ஸில் 25 சிக்ஸர்கள் அடிக்கப்பட்டன. இதுவும் உலக சாதனைதான். ஆப்கன் இளம் சுழற்பந்து வீச்சாளர் ரஷித் கான் அதிகபட்சமாக 9 ஓவர்களில் 110 ரன்களை வாரி வழங்கினார். உலகக் கோப்பைப் போட்டிகளில் அதிக ரன்களைக் கொடுத்தவர் என்கிற நிலைக்கு ஆளாகியுள்ளார் ரஷித் கான். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com