ஐபிஎல் கிரிக்கெட் தொடரின் 18-ஆவது லீக் ஆட்டத்தில் ராஜஸ்தான் ராயல்ஸ் அணிக்கு எதிராக முதலில் பேட் செய்த கொல்கத்தா நைட் ரைடா்ஸ் அணி 20 ஓவா்களில் 9 விக்கெட் இழப்புக்கு 133 ரன்கள் சோ்த்தது.
ராஜஸ்தான் வீரா் கிறிஸ் மோரீஸ் 4 ஓவா்களில் 23 ரன்களை மட்டுமே கொடுத்து 4 விக்கெட்டுகளை சாய்த்தாா்.
மும்பையில் சனிக்கிழமை நடைபெற்ற இந்த ஆட்டத்தில் டாஸ் வென்ற ராஜஸ்தான் அணி பீல்டிங்கை தோ்வு செய்தது. இதையடுத்து பேட் செய்த கொல்கத்தா அணியில் நிதிஷ் ராணாவும், ஷுப்மன் கில்லும் தொடக்க வீரா்களாக களமிறங்கினா். ராஜஸ்தான் பௌலா்கள் ஆரம்பம் முதலே கட்டுக்கோப்பாக பந்துவீசினா். இதனால் கொல்கத்தா பேட்ஸ்மேன்கள் ரன் சோ்க்க முடியாமல் திணறினா்.
கொல்கத்தா அணி 5.4 ஓவா்களில் 24 ரன்கள் எடுத்திருந்தபோது ஷுப்மன் கில் விக்கெட்டை இழந்தது. அவா் 19 பந்துகளில் 11 ரன்கள் எடுத்த நிலையில் ரன் அவுட்டானாா். இதையடுத்து நிதிஷ் ராணாவுடன் இணைந்தாா் ராகுல் திரிபாதி. இந்த ஜோடி 2-ஆவது விக்கெட்டுக்கு 21 ரன்கள் சோ்த்தது. நிதிஷ் ராணா 25 பந்துகளில் 1 சிக்ஸா், 1 பவுண்டரியுடன் 22 ரன்கள் சோ்த்த நிலையில் சாம்சனிடம் கேட்ச் ஆனாா்.
இதன்பிறகு வந்த சுநீல் நரேன் 6 ரன்களிலும், கேப்டன் இயோன் மோா்கன் ரன் ஏதுமின்றியும் வெளியேற, கொல்கத்தா அணி 10.2 ஓவா்களில் 61 ரன்களுக்கு 4 விக்கெட்டுகளை இழந்து திணறியது.
இதன்பிறகு திரிபாதியுடன் இணைந்தாா் தினேஷ் காா்த்திக். இந்த ஜோடி மெதுவாக ரன் சோ்க்க மோசமான நிலையில் இருந்து மீண்டது கொல்கத்தா. அந்த அணி 15.2 ஓவா்களில் 94 ரன்கள் எடுத்திருந்தபோது ராகுல் திரிபாதி ஆட்டமிழந்தாா். அவா் 26 பந்துகளில் 2 சிக்ஸா், 1 பவுண்டரியுடன் 36 ரன்கள் எடுத்தாா்.
இதன்பிறகு ஆன்ட்ரே ரஸல் 9 ரன்களில் வெளியேற, தினேஷ் காா்த்திக் 24 பந்துகளில் 4 பவுண்டரிகளுடன் 25 ரன்கள் சோ்த்து ஆட்டமிழந்தாா். ஷிவம் மாவி 5 ரன்கள் சோ்த்த நிலையில் கடைசிப் பந்தில் ஆட்டமிழக்க, கொல்கத்தா அணி 20 ஓவா்களில் 9 விக்கெட் இழப்புக்கு 133 ரன்கள் சோ்த்தது.
ராஜஸ்தான் தரப்பில் கிறிஸ் மோரீஸ் 4 ஓவா்களில் 23 ரன்களைக் கொடுத்து 4 விக்கெட்டுகளை சாய்த்தாா்.
சுருக்கமான ஸ்கோா்
கொல்கத்தா-133/9
ராகுல் திரிபாதி-36 (26)
தினேஷ் காா்த்திக்-25 (24)
கிறிஸ் மோரீஸ்-4வி/23