சென்னை சூப்பர் கிங்ஸுக்கு எதிரான ஆட்டத்தில் டாஸ் வென்ற சன்ரைசர்ஸ் ஹைதராபாத் முதலில் பேட்டிங்கைத் தேர்வு செய்துள்ளது.
14-வது ஐபிஎல் சீசனில் தில்லியில் நடைபெறும் இன்றைய (புதன்கிழமை) ஆட்டத்தில் சென்னை சூப்பர் கிங்ஸ், சன்ரைசர்ஸ் ஹைதராபாத் அணிகள் விளையாடுகின்றன. டாஸ் வென்ற ஹைதராபாத் கேப்டன் டேவிட் வார்னர் முதலில் பேட்டிங்கைத் தேர்வு செய்தார்.
சென்னையில் 2 மாற்றங்கள் செய்யப்பட்டுள்ளன. மீண்டும் மொயீன் அலி மற்றும் லுங்கி என்கிடி சேர்க்கப்பட்டுள்ளனர். டுவைன் பிராவோ மற்றும் இம்ரான் தாஹிர் நீக்கப்பட்டுள்ளனர்.
ஹைதராபாத்திலும் 2 மாற்றங்கள் செய்யப்பட்டுள்ளன. அபிஷேக் சர்மா மற்றும் விராட் சிங் ஆகியோருக்குப் பதில் சந்தீப் சர்மா மற்றும் மணீஷ் பாண்டே சேர்க்கப்பட்டுள்ளனர்.