பெங்களூரு அணிக்கு எதிரான ஆட்டத்தில் டாஸ் வென்ற சன்ரைசர்ஸ் அணி முதலில் பந்துவீச்சைத் தேர்வு செய்துள்ளது.
ஐபிஎல் தொடரின் 36ஆவது லீக் ஆட்டத்தில் ராயல் சேலஞ்சர்ஸ் பெங்களூரு, சன்ரைசர்ஸ் ஹைதராபாத் அணிகள் இன்று பலப்பரீட்சை நடத்துகின்றன. மும்பையின் பார்போர்ன் மைதானத்தில் நடைபெறும் இந்த ஆட்டத்தில் டாஸ் வென்ற சன்ரைசர்ஸ் ஹைதராபாத் அணியின் கேப்டன் கேன் வில்லியம்சன் முதலில் பந்து வீச்சைத் தேர்வு செய்தார்.
நடப்பு ஐபிஎல் தொடரில் ராயல் சேலஞ்சர்ஸ் பெங்களூரு இதுவரை 7 ஆட்டங்களில் விளையாடியுள்ளன. அதில் 5 வெற்றியும், 2 தோல்வியும் பெற்றுள்ளது. அதேபோல் சன்ரைசர்ஸ் இதுவரை 6 ஆட்டங்களில் விளையாடியுள்ளன. அதில் 4 வெற்றியும், 2 தோல்வியும் பெற்றுள்ளது என்பது குறிப்பிடத்தக்கது.