ரோஹித் சர்மா பிறந்த நாளை முன்னிட்டு மும்பை இந்தியன்ஸ் அணி கேக் வெட்டி கொண்டாடிய விடியோவை அணி நிர்வாகம் வெளியிட்டுள்ளது.
மும்பை இந்தியன்ஸ் கேப்டன் ரோஹித் சர்மா இன்று (சனிக்கிழமை) 36-வது வயதில் அடியெடுத்து வைக்கிறார். அவரது பிறந்த நாளுக்கு சச்சின் டெண்டுல்கர், விராட் கோலி, யுவ்ராஜ் சிங், ஹர்பஜன் சிங், அஜின்க்யா ரஹானே, தினேஷ் கார்த்திக் உள்ளிட்டோர் வாழ்த்து தெரிவித்துள்ளனர். மும்பை இளம் வீரர் திலக் வர்மாவும் வாழ்த்து தெரிவித்துள்ளார்.
மும்பை அணி இன்று ராஜஸ்தான் ராயல்ஸை எதிர்கொள்ளவுள்ள நிலையில், ரோஹித் பிறந்த நாளை அந்த அணி கேக் வெட்டி கொண்டாடியுள்ளனர். இதன் விடியோவை மும்பை அணி நிர்வாகம் பேஸ்புக் பக்கத்தில் வெளியிட்டுள்ளது.
மும்பை வீரர் சூர்யகுமார் யாதவ், ரோஹித் சர்மா முகத்தில் கேக்கை தடவும் படத்துடன் தனது வாழ்த்தினைத் தெரிவித்துள்ளார்.
நடப்பு ஐபிஎல் சீசனில் மும்பை இந்தியன்ஸ் அணி 8 ஆட்டங்களில் விளையாடி 8 ஆட்டங்களிலும் தோல்வியடைந்துள்ளது. ராஜஸ்தான் ராயல்ஸுக்கு எதிரான இன்றைய ஆட்டத்தில் முதல் வெற்றியைப் பெற்று கேப்டன் ரோஹித் சர்மாவுக்கு பிறந்தநாள் பரிசளிக்குமா மும்பை அணி?