Enable Javscript for better performance
MI won the IPL title for 5th time- Dinamani

சுடச்சுட

    

    5-வது முறையாக மும்பை இந்தியன்ஸ் சாம்பியன்!

    By DIN  |   Published on : 10th November 2020 10:52 PM  |   அ+அ அ-   |    |  

    MI won the IPL title for 5th time


    13-வது ஐபிஎல் சீசனின் இறுதி ஆட்டத்தில் 5 விக்கெட்டுகள் வித்தியாசத்தில் வெற்றி பெற்ற மும்பை இந்தியன்ஸ் 5-வது முறையாக சாம்பியன் பட்டம் வென்றுள்ளது.

    13-வது ஐபிஎல் சீசனின் இறுதி ஆட்டத்தில் மும்பை இந்தியன்ஸ், தில்லி கேபிடல்ஸ் அணிகள் விளையாடின. டாஸ் வென்ற தில்லி கேப்டன் ஷ்ரேயஸ் முதலில் பேட்டிங்கைத் தேர்வு செய்தார். முதலில் பேட் செய்த தில்லி அணி நிர்ணயிக்கப்பட்ட 20 ஓவர்கள் முடிவில் 7 விக்கெட்டுகள் இழப்புக்கு 156 ரன்கள் எடுத்தது.

    தில்லி பேட்டிங் விவரம்: ஆட்டத்தை மாற்றிய பந்த்-ஷ்ரேயஸ்: மும்பைக்கு 157 ரன்கள் இலக்கு

    157 ரன்கள் என்ற வெற்றி இலக்குடன் மும்பை தொடக்க ஆட்டக்காரர்களாக ரோஹித் சர்மா மற்றும் குயின்டன் டி காக் களமிறங்கினர். ரவிச்சந்திரன் அஸ்வின் வீசிய முதல் ஓவரிலேயே சிக்ஸர் அடித்து தில்லிக்கு அழுத்தம் தரத் தொடங்கினார் ரோஹித். மறுமுனையில் டி காக், ககிசோ ரபாடா ஓவரில் 18 ரன்கள் அடித்து அழுத்தத்தை அதிகரித்தார்.

    இந்த அதிரடி தொடக்கத்தால் மும்பை அணி 4 ஓவர்களில் 45 ரன்கள் எடுத்தது. இந்த நிலையில் 5-வது ஓவரை வீச ஸ்டாய்னிலை அழைத்தார் ஷ்ரேயஸ். விளைவு முதல் பந்திலேயே டி காக் 20 ரன்களுக்கு ஆட்டமிழந்தார்.

    இதையடுத்து, ரோஹித்துடன் இணைந்த சூர்யகுமார் யாதவ் பாட்னர்ஷிப் அமைத்தார். இருவரும் மும்பை பக்கம் அழுத்தம் திரும்பாதவாறு பொறுப்பான ஆட்டத்தை வெளிப்படுத்தினர். இந்த நிலையில், சூர்யகுமார் 19 ரன்கள் எடுத்திருந்தபோது ரோஹித்தின் தவறான ரன் அழைப்பால் ரன் அவுட் முறையில் ஆட்டமிழந்தார்.

    எனினும், ரோஹித் அரைசதத்தைக் கடந்து அணியை வெற்றி இலக்கை நோக்கி அழைத்துச் சென்றார். இஷான் கிஷனும் ரோஹித்துடன் சிறப்பான ஆட்டத்தை வெளிப்படுத்தி வந்தார். இதனால், மும்பை வெற்றி எளிதானது.

    கடைசி 4 ஓவர்களில் 20 ரன்கள் மட்டுமே தேவை என்ற நிலை உருவானது. இந்த சூழலில் ரோஹித் சர்மா 68 ரன்களுக்கு நோர்க்கியா பந்தில் ஆட்டமிழந்தார். அடுத்து களமிறங்கிய போலார்ட் 2 பவுண்டரிகள் அடித்த நிலையில் ரபாடா வேகத்தில் போல்டானார்.

    இதன்பிறகு, கிஷனும், ஹார்திக் பாண்டியாவும் மும்பையின் வெற்றி இலக்கை நெருங்கினர். வெற்றிக்கு 1 ரன் தேவை என்ற நிலையில் பாண்டியா ஆட்டமிழந்தார்.

    இதையடுத்து களமிறங்கிய க்ருணால் பாண்டியா வெற்றியை உறுதி செய்தார்.

    மும்பை அணி 18.4 ஓவர்களில் 5 விக்கெட்டுகள் இழப்புக்கு 157 ரன்கள் எடுத்து 5 விக்கெட்டுகள் வித்தியாசத்தில் வெற்றி பெற்றது.

    இதன்மூலம், 5-வது முறையாக சாம்பியன் பட்டம் வென்றது மும்பை இந்தியன்ஸ்.

    TAGS
    IPL

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp