ஐபிஎல் போட்டியில் அதிக அரை சதங்கள் எடுத்த இந்திய வீரர் என்கிற சாதனையை ஷிகர் தவன் படைத்துள்ளார்.
ஐபிஎல் கிரிக்கெட் போட்டியின் 30-ஆவது ஆட்டத்தில் ராஜஸ்தான் ராயல்ஸை 13 ரன்கள் வித்தியாசத்தில் தில்லி கேபிடல்ஸ் வீழ்த்தியது. இதனால் புள்ளிகள் பட்டியலில் அந்த அணி மீண்டும் முதலிடத்துக்கு வந்தது.
துபையில் புதன்கிழமை நடைபெற்ற ஆட்டத்தில் டாஸ் வென்று முதலில் பேட் செய்த தில்லி 20 ஓவர்களில் 7 விக்கெட் இழப்புக்கு 161 ரன்கள் எடுத்தது. அடுத்து ஆடிய ராஜஸ்தான் 20 ஓவர்களில் 8 விக்கெட் இழப்புக்கு 148 ரன்களே எடுத்து வீழ்ந்தது.
இந்த ஆட்டத்தில் 6 பவுண்டரிகள், 2 சிக்ஸர்கள் என 57 ரன்கள் எடுத்தார் தவன். இதன்மூலம் ஐபிஎல் போட்டியில் அதிக அரை சதங்கள் எடுத்த இந்திய வீரர் என்கிற சாதனையை அவர் படைத்துள்ளார்.
ஐபிஎல்: அதிக அரை சதங்கள் எடுத்த இந்திய வீரர்கள்
ஷிகர் தவன் - 39 அரை சதங்கள்
கோலி - 38 அரை சதங்கள்
ரோஹித் சர்மா - 38 அரை சதங்கள்
சுரேஷ் ரெய்னா - 38 அரை சதங்கள்
ஐபிஎல் போட்டியில் அதிக அரை சதங்கள் எடுத்த வீரராக டேவிட் வார்னர் உள்ளார். அவர் இதுவரை 46 அரை சதங்கள் எடுத்துள்ளார்.