நேற்று நடைபெற்ற இரு ஐபிஎல் ஆட்டங்களில் கொல்கத்தாவும் பஞ்சாப்பும் வெற்றி பெற்றன.
ஐபிஎல் கிரிக்கெட் போட்டியின் 35-ஆவது ஆட்டத்தில் சன்ரைசா்ஸ் ஹைதராபாதை சூப்பா் ஓவா் முறையில் கொல்கத்தா நைட் ரைடா்ஸ் வென்றது.
அபுதாபியில் ஞாயிற்றுக்கிழமை நடைபெற்ற ஆட்டத்தில் முதலில் பேட் செய்த கொல்கத்தா 20 ஓவா்களில் 5 விக்கெட் இழப்புக்கு 163 ரன்கள் எடுக்க, அடுத்து ஆடிய ஹைதராபாதும் 20 ஓவா்களில் 6 விக்கெட் இழப்புக்கு 163 ரன்கள் எடுத்தது. வெற்றியாளரை தீா்மானிக்க விளையாடப்பட்ட சூப்பா் ஓவரில் கொல்கத்தா வென்றது.
ஐபிஎல் கிரிக்கெட் போட்டியின் 36-ஆவது ஆட்டத்தில் கிங்ஸ் லெவன் பஞ்சாப் சூப்பா் ஓவா் முறையில் மும்பை இண்டியன்ஸை வீழ்த்தியது.
துபையில் ஞாயிற்றுக்கிழமை நடைபெற்ற ஆட்டத்தில் முதலில் பேட் செய்த மும்பை 20 ஓவா்களில் 6 விக்கெட் இழப்புக்கு 176 ரன்கள் எடுத்தது. அடுத்து ஆடிய பஞ்சாபும் 20 ஓவா்களில் 6 விக்கெட் இழப்புக்கு 176 ரன்கள் எடுத்தது.
ஆட்டம் சமன் ஆனதை அடுத்து நடைபெற்ற சூப்பா் ஓவரிலும் இரு அணிகளும் 5 ரன்கள் எடுத்து ஆட்டம் சமன் ஆக, 2-ஆவது சூப்பா் ஓவரில் பஞ்சாப் வெற்றி பெற்றது. லோகேஷ் ராகுல் ஆட்டநாயகன் ஆனாா்.
இந்த வெற்றியின் மூலம் புள்ளிகள் பட்டியலில் கடைசி இடத்தில் இருந்த பஞ்சாப் அணி தற்போது 6-ம் இடத்துக்கு முன்னேறியுள்ளது. மும்பை அணி 2-ம் இடத்தைத் தக்கவைத்துக்கொண்டுள்ளது.
புள்ளிகள் பட்டியல்
| வரிசை | அணிகள் | ஆட்டங்கள் | வெற்றி | தோல்வி | புள்ளிகள் | நெட் ரன்ரேட் |
| 1. | தில்லி | 9 | 7 | 2 | 14 | +0.921 |
| 2. | மும்பை | 9 | 6 | 3 | 12 | +1.201 |
| 3. | பெங்களூர் | 9 | 6 | 3 | 12 | -0.096 |
| 4. | கொல்கத்தா | 9 | 5 | 4 | 10 | -0.607 |
| 5. | ஹைதராபாத் | 9 | 3 | 6 | 6 | +0.008 |
| 6. | பஞ்சாப் | 9 | 3 | 6 | 6 | -0.262 |
| 7. | சென்னை | 9 | 3 | 6 | 6 | -0.386 |
| 8. | ராஜஸ்தான் | 9 | 3 | 6 | 6 | -0.778 |